Hənhən 11:3 - Nouveau Testament en Guidar

³ Wanəslin məɗɗaŋ saydawa naw sula, waguloŋ lukutɗe na sakə, warbanən wənna Maŋgəlva gap wəvoŋ uzinere də səkat sula də kaklaw slire (1.260).

Bible en Guidar

³ Wanəslin miziweɗe naw sula, dəɗɗaŋgən kəleŋ də lukut na gəlabay azet zəga na əvoŋ gabal də səkat sula də kaklaw sləre (1 260).

Hənhən 11:3 ပူးပေါင်းရင်းမြစ်များ

Matiye 11:21

Wakpaŋ bonoy azokis Korazin. Wakpaŋ bonoy azokis Baytisayda. Va sokeneɗ məs nəgəɗ awalaŋ gəla nokuməŋ, va awalaŋ gəla Tirus də Sidon nəɗɗe na, waguloŋ lukut net sakɗe, wavohoŋ moŋglo a zəti dərban gən na atubiyaŋka.

Matiye 18:16

Amma an aɓoŋko dəpprəm mok ɓa, doko zan də ɗəf taka walla ɗii sula, vi uwəli pak dəsan gən aka saydawa net məɗɗaŋ saydawa sula walla hoku va məverin.

Luka 10:13

Wakpaŋ bonoy azok is Korazin. Wakpaŋ bonoy azoko is Baytisayda. Va sokeneɗ məs nəgəɗ awalaŋ gəla nokuməŋ, va awalaŋ gəla na Tirus də Sidon nəɗɗe na, kəta ɗii net wasoŋ, waguloŋ lukut net sakɗe, wavohoŋ moŋlo a zeti, dərban gən na atubiyaŋka.

Luka 24:48

Munokum təsaydawa na wənnəŋka.

Yohanna 15:27

Nokum bo wakəɗɗaŋ saydawa akawa, vi kəsuwaŋgək də ina daga wətəŋ nani.

Yohanna 3:27

Zaŋ azlanəka: Ɗəf tay nawrəh ko mi ɓa say an Maŋgəlva dəpsəni.

Wəza net Masləŋɗe 1:8

Amma nokum akərəhaŋ sembe pay Əmpəs Salala adawpriken akokum, akəkpaŋgaŋ saydaweɗ naw a Zerusalem gəm a Zude a Samariya ha aket meŋge na dələv nan pakə.

Wəza net Masləŋɗe 13:31

Təl diiɗa adarban zən azet ɗii dəmbataŋ dəndən sə Galile a Zerusalem. Kakaŋ bo ndəɗaŋgəŋ saydaweɗ nan azet ɗii na Israyel.

Wəza net Masləŋɗe 2:32

Zezu wəŋka Maŋgəlva asil gənək səzet ɗii mimtiti, mənam pak mənam tatəɗɗa saydawa aka wənnani.

Wəza net Masləŋɗe 3:15

Vaski kan kəbayən affən wəkoho. Amma Maŋgəlva asil gənək sətəki əmta. Nam bo saydawiɗ na wənnan mənani.

1Korintus 12:28

Ko naway pak Maŋgəlva apsənək wəza nan aweleŋgit kretiyenɗe: Dabəŋ masləŋɗe, ma sula'ən məs kleŋɗe, mohoketi məzərbanən zəga sit ɗiiyi, ɗii meɓɓet məɗɗaŋ sokeneɗi, ɗii meɓɓet məzu mbəl gitin məs gbəgbaɗe, gəm məzə baahaŋ sitin ɗiiyi, ɗii meɓɓet məsoŋ abet ɗiiyi, ɗii meɓɓet məpeleŋ də ma məs məsəni ɓa.

2Korintus 13:1

Wanede annokumda mahoko'ən. Ɗerewel amna: Əwəli pak an wən waziw na, say məɗɗaŋ saydawa dəsoŋ sula walla hoku.

Efesus 4:11

Ndəni dəvəl sit ɗiiyi, ɗii meɓɓet masləŋɗe, ɗii meɓɓet məs kleŋɗe, ɗii meɓɓet məzu pelin wənnani, ɗii maɓɓet məzuteɗeŋɗe, gəm mərbaŋ zəga.

Hənhən 1:5

Səza Zezu Krestu, məs dəgəɗ saydawa də goŋga. Ndəni dabəŋ kiyit ɗii mimtiti, ndəni məlĩ aket məlĩyeŋge naka dələv pakə. Aŋgəlməka, kawgil gəm sədəv mambray nam də əmta nani.

Hənhən 11:2

Amma kədawsla daŋgla na gəla metiŋ naw zuliya van ɓa, vi məpsiti avet ɗii məs dəsənən Maŋgəlva ɓa, dəmohən gən walaŋ gəla metiŋ an salala hagap təleɗe kaklaw poɗo kiyit sula (42).

Hənhən 11:6

Net tahəŋ də sembe nawtak təki a disiŋ məza buwən adaw zi ɓa daga pay məs adaɗɗaŋ kleŋ na Maŋgəlva. Tahəŋ bo də sembe nakpaŋget iŋkile ka mbeli, tahəŋ də sembe bo naɗɗa gbəgba' temtem aka dəlva fuŋ pak an aŋglaŋka.

Hənhən 12:6

Guluk nak tənzatək awra, atəki məs Maŋgəlva azaɓan səta, kawzəm gət adak wəvoŋ uzinere də səkat sula də kaklaw slire.

Hənhən 13:5

Zəga mamanya arahək tive nawpel wənnaw gakdakan zəni də wənnaw ran Maŋgəlva, arahək sembe naɗɗa vas hagap təla kaklaw poɗo kiyən sula (42).

Hənhən 19:10

Nəkdukuk amba tələn kawzuli səni, amma apsu na: Kəɗɗa vas ɓa! Naw bo gawla na Maŋgəlva nan va isi gəm venet milmiŋgiɗuk məs dərəhaŋ goŋga səza Zezu. Məzulisən Maŋgəlva. Goŋga məs Zezu arbani, ndəni an məs kleŋɗe arbaŋ də wəza neti.

Hənhən 20:4

Yaŋ nula mazeŋgeɗ na məlĩya, ɗii məs dəsoŋ aket bo, arəhaŋgək sembe nawtaw kita. Nulak zeŋgillet ɗii məs məbeyit vi adarbanən goŋga məs Zezu arbanəŋka, gəm vi arbanən wənna Maŋgəlva. Dəzuliyaŋ sənən zəga mamanya ɓa, də foto nan pakə, dətafən lamba nan amirbisit ɓa, walla aza vet ɓa. Tahəŋ maderet də Krestu, tahəŋ wəzəmaŋ məlĩ dəndən gap wəsva dubu taka.