Hənhən 1:9 - Nouveau Testament en Guidar

⁹ Əntə Zaŋ, məlmukum məs də sap də Zezu, əntatə daw də munokum adəv bonoy, də məlĩ namə də wəɓəsən pak məs taka də munokum. Məɗi wi aka mətuwəra məs adawyaŋ na Patmos, vi nədarban wənna Maŋgəlva də goŋga məs Zezu anahə.

Bible en Guidar

⁹ Intə Yohanna, məlmukum gəm makkoyokum addəv əzəmsãhã, addəv əzəm məlyã gəm addəv əsok zə ɗəf addəv əsap də Yesu. Məɗiwi aka mətuwəra məs adawyaŋ na Patmos, vi nədarban wən na Maŋgəlva gəm gegesiŋ məs Yesu arbani.

Hənhən 1:9 ပူးပေါင်းရင်းမြစ်များ

Matiye 20:23

Zezu azlan sitik na: Wakəɓapən wəsət huloŋ na bonoy nawa, amma wəsuwa aka vaw dəzəŋ walla aka vaw zlaɓay, əntə nədapsit ɓa, amma ɗiiyen məs Affu awel tay viti, ndəɗaŋ dədawrəhaŋ.

Markus 10:39

Yaŋ azlanən na: Waməɓapa. Zezu apsit na: Vaski wakəzəmaŋ adəv hĩlu na saha nawa, wakətafən baptem na saha nawa.

Yohanna 16:33

Nənah sukum pak vasna vi kərəhaŋ gən wəsuwa zam də ina də wəsler də ina. Wakəsaŋ bonoy a duniya, amma məsok mokrokum, nədayək ki duniya.

Wəza net Masləŋɗe 1:15

Daska Piyer asilik aweleŋgit milmiŋgiɗin ɗii məkkalit gap səkat də kaklaw sula neki, anahka:

Wəza net Masləŋɗe 14:22

Asɓetinik ɗii məs dətafən Zezu, asəɓaŋsitinke dəsbanən gən wətaf də makret taka. Yaŋ anah sitin na: Say də tattuwãh mədawtoŋ məlĩ na Maŋgəlva.

Roma 8:17

Ya an kirtin mənan na, asna wamərah zəga an məs məzaɓan sit kirtini, zəga məs apsən Krestu wəŋ bo, wapsəmə. Vi an mərahək hara bonoy na Krestu məs azəm saha, asna wamərah haran nam səza gakdak nani.

Roma 8:25

Amma an mənam tatə gan mərah gən zəga nan məza mənam təmsa ulan tagay ɓa, asna mənam tatə gan də wəɓəsən.

2Korintus 1:7

Ya mənam tatə ɗumon sukum na, an məsən gesiŋ na, nan vaski, vi məsənka munokum tatə sap də mənam də əzəm saha namə, vaski bo də əsɓa an mərahə.

Filipi 1:7

Aslək azaw nəɗum gən akokum vaska. Intatə ɗikum amakrawa, munokum pak kərəhaŋgək mbəlembəle məs Maŋgəlva avayə, ko kakaŋ bo, va pay məs nəsaw a daŋgay, nəɗɗak saydawa na Wən Neneke ko va nəsaw nakiyu nawtakən walla naw ɗi Wən Neneke.

Filipi 4:14

Amma kəɗɗaŋgək mogon də wəbaah su kakaŋ adəv wən tattuwãh nawa.

2Tesaloniki 3:5

Ɗəfdaya nam Zezu Krestu dəkpaŋgan makrokum, vi kəsbanən gən wəŋgla na Maŋgəlva də an məs aŋgələ.

2Timote 1:8

Wil adawdukun daɗɗa saydawa aka Ɗəfdaya ɓa, walla daɗɗa saydawa akaw innəŋ mədaŋgay vinəŋ ɓa. Say nok dərəŋ na agəm hara bonoy noko, vi labara nenek va məs Maŋgəlva apsuko.

Ibriɗe 10:36

Say kəsoŋ gən də wəɓəsən, vi kəɗɗanən gən wəŋgla na Maŋgəlva, vi kərəhən gən an məs anah na wapsit ɗii nani.

1Piyer 5:1

Kakaŋ na, intatə səɓ sit ɗii gugiriɗ net kretiyenɗe suwaloŋkum, naw bo ɗəf daya nani. Məgəɗ saydawa na wəzəm saha na Krestu nani, wanərəh haran naw aza gakdak məs Maŋgəlva adarban səmə.

Hənhən 1:1

Adəv ɗereweləŋka, məverini wən məs Zezu Krestu arbani, də zəga məs Maŋgəlva arbansəni, vi dənah sit gən məɗɗaŋ wəza nani an məs dədaɗɗa kakaŋka, Krestu aslənək maslay də wənnan aza Zaŋ məgəɗ wəza nani.

Hənhən 1:2

Zaŋ annəhək wənna zəga məs awələ, də wəŋɗan wən məs dəde səza Maŋgəlva, də goŋga məs Zezu Krestu arbansəni.

Hənhən 1:4

In Zaŋtə nəver wənnəŋ azet kretiyenɗe buhul naka dələv na Asiya: Maŋgəlva məs kakaŋka, ndəni məs dəsan laŋka də məs dədazani, dəpsukum mbəlembəle də zam nani, də Əmpəs buhul məs dəsoŋ aba mazaŋga nani.

Hənhən 1:6

Aɗɗəmək məlĩyeŋge məs dəlveŋge, ka məgəɗ gən wəza vi Maŋgəlva. Affən gakdak də sembe pak dəsan na Zezu Krestu ha faɗə. Amin.

Hənhən 11:7

Pay sən adagrakən wərban wənna Maŋgəlva, zəga mamanya məs dədaw gilyan sə vov məza meŋge nan ɓa, wagay dənɗaŋ, waday kiti wabeye.

Hənhən 12:11

Milmiŋgiɗəm atakənək wəlan də sembe net mbel na Botol, gəm vi goŋga məs adarbaŋ. Vi atafənək wəppan zit ha atəki əmta.

Hənhən 12:17

Gədəv zəga darawən adək akat gulku, yaŋ ambat wədaw gay də əlfa nat məs dəmbərə, məzu ganən ma henziŋ na Maŋgəlva, dit məzəsbanən goŋga məs Zezu arbə.

Hənhən 13:10

An məs dədaw ɓəsən dəsan gən mədaŋgay, dewle mədaŋgay adawsani, ɗəffan məs dəsan nawbay də kafahi, dewle də kafahi adawbayini. Aski kan an ɗii na Maŋgəlva adawɓəsaŋ də wətafən.

Hənhən 14:12

Ndəni kan wəɓəs net ɗii na Maŋgəlva an məs dəɓəsaŋ, də wərma ma henziŋ na Maŋgəlva amekreti də wətaf Zezu.

Hənhən 19:10

Nəkdukuk amba tələn kawzuli səni, amma apsu na: Kəɗɗa vas ɓa! Naw bo gawla na Maŋgəlva nan va isi gəm venet milmiŋgiɗuk məs dərəhaŋ goŋga səza Zezu. Məzulisən Maŋgəlva. Goŋga məs Zezu arbani, ndəni an məs kleŋɗe arbaŋ də wəza neti.

Hənhən 20:4

Yaŋ nula mazeŋgeɗ na məlĩya, ɗii məs dəsoŋ aket bo, arəhaŋgək sembe nawtaw kita. Nulak zeŋgillet ɗii məs məbeyit vi adarbanən goŋga məs Zezu arbanəŋka, gəm vi arbanən wənna Maŋgəlva. Dəzuliyaŋ sənən zəga mamanya ɓa, də foto nan pakə, dətafən lamba nan amirbisit ɓa, walla aza vet ɓa. Tahəŋ maderet də Krestu, tahəŋ wəzəmaŋ məlĩ dəndən gap wəsva dubu taka.

Hənhən 3:10

Vi kəgak wəpel nawa də wəɓəsən, naw bo wanəguk sədəv pay na bonoy məs dədazan aka dələv pakə, vi kawsle ɗii naka dələv pakə.

Hənhən 6:9

Yaŋ botol ahok tampoŋ masle'en naka, nulak zeŋgillet ɗii məs məbeyit vi adarbanən wənna Maŋgəlva, vi saydawa məs adaɗɗaŋ də goŋga, atəki nawtaw wəla zəga sən Maŋgəlva nule.

Hənhən 7:14

Nəpsən na: Ɗəfdaya nawa nisin ɓa, say is kisine. Apsuna, ndəɗaŋgəŋ ɗii məs də gulyoŋ sədəv bonoy metiŋgin məs dəskoɓən lukutɗe neti, aɗɗenin lukutɗe net baberɗe dit mbel na botol na Maŋgəlva.