Filipi 4:8 - Nouveau Testament en Guidar

⁸ Milmiŋgiɗwa, aŋki məs dəmbərə: Məzi zukum aza an mogoni, məs dəgap naw gakdakani, zəga an də goŋga məs dəslə, məs salala*, məs dəgap naŋgla də wə gakdakani.

Bible en Guidar

⁸ Milmiŋgiɗwa, aŋki məs dəmbərə: an moggon, an nawgagdakani, an təstəsə, an saksakə, an naŋgla, an na sləma, an nawtafa gəm an nawɗi kiyni, zəgeɗis dəssoŋ aka maɗɗulokum.

Filipi 4:8 ပူးပေါင်းရင်းမြစ်များ

Matiye 22:16

Aslininik gewleɗ neti dit gewleɗ na Herodə aza Zezu, apsənən na: Məsən zəga, məsənka ɗəffan təstəs kənani, istat ərban tive na Maŋgəlva də goŋga kaw geslne sən wəpel net ɗii ɓa, vi nok kaslga sləma əwelet ɗii ɓa.

Markus 6:20

Asɓanək wənnan də wəsuwaya, amna: Wanəpsuk zəga məs kəŋgəl pakə, ko wəɗɗak na məlĩ nawa. Goruk təgilke təmbatək azat mata təpsət na: Mi nədassoh ava məlĩ di? Mat təpsət na: Aŋglu ki Zaŋ məgəɗ baptemi.

Luka 16:15

Zezu apsit na: Mokum aka kəsoŋ gən ɗii təstəs amaheret ɗiiyi, amma Maŋgəlva asənək mokrokum, vi an məs ɗii adawlaŋ va zəga metiŋgin, zəga nan tay də sləman aba Maŋgəlva ɓa.

Luka 2:25

Ɗəf maɓɓan taya daka, iya nan na Simeyoŋ, ɗəf təstəssi, tay ɓesən Maŋgəlva, tay ga ɗəffan nawkoh git ɗii na Israyel. Əmpəs Salala tay dəni,

Luka 23:50

Yaŋ ɗəf tay iya nan na Zozef, ɗəf mogoni, təstəssi.

Yohanna 7:18

Ko naway dəpel wən sən kini, gakdak adawkaysən zəni. Amma ko naway də kay gakdak sən ɗəf məs də sləna, ɗəf təstəssi, mambray taya makran ɓa.

Wəza net Masləŋɗe 10:22

Azlansənənək na: Korneliyus daya net sozeɗ də slənmə. Ɗəf mogoni, aw geslne sən Maŋgəlva. Yahudiyenɗe pak asənənka, maslay na Maŋgəlva apsən na: Dəyuk gəni eŋgil annanda, vi dəpprəm gən an kədawpele.

Wəza net Masləŋɗe 22:12

Ɗəf taya daka iya nan na Ananiyas, ɗəf məzuli sən Maŋgəlvayi, tayəsban ma henziŋ namə. Yahudiyenɗe na Damas pak tahəŋ wəsa'ən wənnan sawɓa.

Wəza net Masləŋɗe 6:3

An vaski na, milmiŋgiɗwa, muwel ɗii buhul suwaloŋkum, ɗii təstəssə, məs məknahit də Əmpəs Salala, məs də wəsən an təstəssə, məppanə gən wəzaŋ aveti.

Roma 13:13

Say məgəɗ səm wəza məs dəslə azamə, vi ɗii na kapay mənani, məga səm zəm səza wəsmay mbrayen də wəbay na mbazla, də wəɗɗa polkoyo, də ɗarɗarə, də zəga mbrayen pakə, məppan səm wəgaya də kotoroku.

Roma 13:3

Ɗəf məgəɗ mogon pak aw geslne sit məlĩyeŋge ɓa, say ɗəf məgəɗ mambray dəda geslne siti. An mokum tayaka geslne sən məlĩ ɓana, məgəɗ wəza mogoni, asna waɗi kikum vi wəza mogon nokum.

Roma 14:18

Ɗəf məs dəgəɗ sən wəza sən Krestu də tive nani, wanek zə Maŋgəlva də zit ɗii pakə.

Roma 2:29

Ɗəf məs dəskəl awra aza zəni, nan Yahudiyen an də goŋgay ɓa, say an məs dəskəl awra amakrani. Wəskəl awra an də goŋga, say də Əmpəs na Maŋgəlva adawsani, asanna də wənna dəv ɗerewel na ma henziŋ ɓa, Yahudiyen an də goŋga, akay na gakdak nan avet ɗii ɓa, say aza Maŋgəlva kaaka'ə.

1Korintus 4:5

Vi vaski kəda tawən kita aka ɗəf dabəŋ ki pay məɗiyən ɓa, məga Ɗəfdaya dəde gən paysa, warban an dəɗam ara guzli pak atəki babara, də wəgil gən wəɗum məɗama na mekret ɗiiyi. Asna Maŋgəlva wagakdakan ko nawa pak va aza wəza nan agəɗə.

2Korintus 13:7

Mənam tatə kaman Maŋgəlva vi kədaɗɗaŋ mambray ɓa. Nam məŋgəl goŋga nam duwəl gən ɓa, amma nam məŋgəl na kəɗɗaŋ gən an dəslə, ko an mənam van zlaŋ məddakəm mənani.

2Korintus 6:8

Ɗii tahəŋ əgakdakaməni tahəŋ əzeleməni bo, tahəŋ əpeleŋ mogon akamə, tahəŋ əpeleŋ mbrayen akamə bo. Ɗii meɓɓet tahəŋ uləmən va məwaŋ tepelke, ko də mədawpel goŋga zlaŋ.

2Korintus 8:18

Dəndəni məslən məlməm məs ɗii na Maŋgəlva pak ada gakdakanən vi wəza na labara nenek məs adarbani.

2Korintus 8:21

Məŋgəl məgəɗ gən wəza mogoni, məza ama hara Ɗəfdaya kaaka ɓa, amma də ama heret ɗiiyi.

Galatiyen 5:22

Amma uwa na Əmpəs na ndəni: Wəŋgla, wənneke, zamə, wəɓəsən, ula saha, wəɗɗa mogoni, wəɗɗa zəga də tive nani,

Efesus 4:25

Vi vaski məppan uwa tepelke! Ko naway dəpel goŋga aza meggeni, vi gəɓa zəm taka mənan adəv Krestu.

Efesus 5:9

Vi wətər wəray na təki babar na: ndəni mogoni, təstəssə də goŋga.

Efesus 6:14

Vi vaski məzi zukum, minan dadakkum də goŋga, mugul təstəs azokum va lukut nawgaya,

Filipi 3:1

Kakaŋ na milmiŋgiɗwa, məneneken zukum də Ɗəfdaya. Nəppan na wəver sukum zəga məs nəver sukum səkay ɓa, amma zami azokum.

Kolosi 4:5

Məzi zukum aza wədaw nokum aweleŋgit ɗii məs dətafən Maŋgəlva ɓa. Ko dewɗe kərəhaŋ va pak mərban wətaf nokum, məɗɗa vaska.

1Tesaloniki 4:12

Mədaw va an dəslə azet ɗiiyen ɗarə, kədasoŋ vi ɗəf ɓa.

1Timote 2:2

Məzuli viyit məlĩyeŋge dit məs sembe ko ɗii awedi pakə, vi məsam gən də zamə, məza wən ɗarɗar ɓa, say də geslne na Maŋgəlva, də wədaw mogoni.

1Timote 3:11

Gil net bo dəsoŋ də maɗulet mogoni, adasoŋ məwaŋ tepelkeɗ ɓa, amma dəsoŋ gil məzutaɗən ziti, də goŋga aza zəga pakə.

1Timote 3:4

Say dəziw gən gəla nan mogoni, də wərma kirtin lewlewi, dəpprəmən gən mani, də gakdakanən gəni.

1Timote 4:12

Ɗəf adawgusok vi kəsok muzliya ɓa. Asok azet ɗii məs dətafaŋ pak va zəga narban sit tive, də wəpele də wəza də wəŋgla gəm də wətaf an məza də mambray ɓa.

1Timote 5:10

Say ɗak nat wəza mogon nat dərbat gəni, məs təɓay git kirtət mogoni, məzu taf melekeɗi, məzəskoɓ təlit ɗii na Maŋgəlva, məzəbaah sit ɗii adəv saha neti, təsat məgəɗ zev wəza mogon pakə.

1Timote 5:2

Məduwiliɗ bo, ahayẽt va moko, gil bo ahayẽt va mamndayeŋgiɗko, də makrok taka.

Titus 1:8

Amma dəsan ɗəf mətaf melekeɗ annanda, ɗəf məŋgəl mogoni, ɗəf məs maɗulani, ɗəf təstəs, ɗəf məs makran barə, məzərma zən sədəv mambraya.

Titus 2:14

Nan apanək kiyən vimə, vi kamam səka mambray nam pakə, də wəɗɗəm ɗii nan məs akpaŋget salala*, tay də kotorok na wəza mogoni.

Titus 2:2

vaski bo mezeɗi dəziyən ziti, də ɓatɓatə, də waɓe'eŋ də wərma zit sədəv mambraya, dəsoŋ ɓəlɓəl də wətafa də wəŋgla də wəɓəsən.

Titus 2:7

Nok bo atak zuk səza wəza mambray pakə, vi kəsok gən va ɗəf narban wəza mogoni, asok də goŋga aza zəga narba noko, asok ɓatɓat də wəsən noko.

Titus 3:14

Say ɗii nam bo dəyaganən wəɗɗa wəza mogoni, vi kabaah sit ɗii meɓɓeti, an wəray nan tay, an tay vas ɓana wətaf net atər na wəray ɓa.

Ibriɗe 11:2

Də wətaf wənnan vaski Maŋgəlva asaah wənnet ɗii laŋka.

Ibriɗe 13:18

Məkaman Maŋgəlva viyəm pay pakə. Məsənka makram barri, vi pay pak mamaka wəɗɗa an məs Maŋgəlva aŋgələ.

Yakob 1:27

Aŋki Maŋgəlva Affən aɗi ka ɗəf dəsban gəni: Wəɗum aket mətiwɗeŋge, dit gil net gəbayɗe aka wəzəm saha neti, də wətaɗ ki zəni adawtoŋ adəv wənna duniya kawray gən ɓa.

Yakob 3:17

Amma maɗula an nawsən zəga məs dəde sə disiŋ, nan salalayi. Nan tay ki zamə də ɓatɓatə, dəbayna, awɗeket ɗii ɓa, awa tepelke aket ɗii ɓa.

1Piyer 1:22

Kəkpaŋganənək mokrokum salala də wəsban goŋga, də wiŋgliw milmiŋgiɗkum məs dətafaŋ, vini məŋglu zukum də mokrokum taka məza də mataka taka ɓa pay pakə.

1Piyer 2:12

Wədaw nokum dəsan mogon aweleŋgit ɗii məs dəsənən Maŋgəlva ɓeŋki, an aɗikumənək va məɗɗaŋ mambraya, an tahəŋ ulanən wəza mogon nokum, wagakdakanən Maŋgəlva pay adazani.

1Piyer 4:8

Amma an məs dəday pak na, məŋglu zukum, də wəŋgla ana makrokum, vi wəŋgla aviyan mambray diiɗa.

2Piyer 3:1

Bayneŋgiɗwa, aŋki ɗerewel an nəver sukum ma sula'ən, adivit ɗerewelɗe net sula git pak na, nəŋgəl kaɗumon sukum, kaw sil gən maɗulokum mogoni, ɗe əɗumon sukum aka zəga məs kəyaganəni.

1Yohanna 3:18

Kirin nawa, wəŋgla nam adaw san də ma ɗəf ɗarə, walla də əpel ɗar ɓa, say dəsan də wəza də an də goŋga.

1Yohanna 3:3

Ko naway məs dəŋgəl wəsuwa va Krestu, say duɗak də mambraya, va Krestu sən kiyən awɗak dəndən.

1Yohanna 4:1

Bayneŋgiɗu na makrawa, kədatafən gu'ləŋ ɗəf məzu pel sukum na tay də əmpəsa ɓa, say məsla əmpəs nani, na Maŋgəlvayi sa, vi məs kleŋɗe məwaŋ tepelke tahəŋ diiɗa aka dəlva.