Filipi 4:5 - Nouveau Testament en Guidar

⁵ Mogon nokum dərban sit ɗii na Ɗəfdaya go'oy wəzani.

Bible en Guidar

⁵ Kəta ɗiy pak dəsənnən moggon nokum. Daya go'oy əzzani.

Filipi 4:5 ပူးပေါင်းရင်းမြစ်များ

Matiye 6:25

Vi vaski nədawnah sukum: Kədawyanən zukum də wənna zəga naw zəma də zəga naw saa walla wənna lukut ɓa. Zeŋgille tay də sləman dayki wəzəma, zən bo dayki lukut də sləmani, vaski ɓa sa?

Matiye 6:34

Kəda ɗumoŋ vi pumpum ɓa: Vi pumpum waɗumsən kini. Payan digil pak tay gaysən tattuwãh nani.

Luka 21:34

Məga zukum vi mokrokum adaɗum də wənna wəzəm ɓa, də wənna saa ɓa, də ula zəga na duniya ɓa, vi pay nan adazan akokum, mədəgbirzike ɓa.

1Korintus 16:22

An ɗəf dəŋglu Ɗəfdaya də makran taka ɓa, wasan məray gəni! Maranata - Ɗəfdaya nam ade!

1Korintus 6:7

Gesiŋ mbrayen taya walaŋkum, vi ɗəf tayə wəli məlmən əkan aka kita. Vi mi kaw ɓəsən wənnan ɓa di? Ɗəɗaah məppan wəhãl zəga na zukum vaskəŋka.

1Korintus 8:13

Vi vaski an slu waɓap əgul məlmu adəv mambray na, nəzəm na ɗaah slu ɓa. Vi nəŋgəl na məlmu dəzə gən viyin ɓa.

1Korintus 9:25

Ɗəf məs dəŋgəl dəday gən pak na, say dəsok zən əyagan ənzuwa pay pak dayadaya, vi dərah gən mətər kiya na gaslamba məs naw ɓəta. Amma namə mənam tatəɗum na, a mərah mətər kiya məza aray na ɓa.

2Korintus 10:1

Yo in Pol, mawaka əpel sukum wənna zəknaw kakaŋka, ɗii meɓɓet tahəŋ ənəhaŋ na: Naslən zu daga nəsaw awaloŋkum ɓa, amma də sembe nan akokum, daga nəsaw faraɗa də munokum. Intatə komokum də əpprəma də mogon məs Krestu agəɗə.

2Tesaloniki 2:2

Maɗulokum adazlaɓ gu' vas ɓa, kədaw geslne'eŋ an ɗəf annah sukumək na pay na Ɗəfdaya nazan agapka ɓa, kuzuŋ ɗəf wagəɗ kleŋ vaska, walla wapel sukum vaska, walla wanah na mənam məver adəv ɗerewel namə.

Titus 3:2

Adawpeleŋ mbrayen aka ko naway di ɓa, adawgayaŋ ɓa, dəsoŋ də maɗulet zayə, dərbanən sitin gin ɗii wənna ɓe sit ɗii an mogoni.

Ibriɗe 10:25

Mədapan wəkal dit ɗii na Maŋgəlva va ɗii meɓɓet adaɗɗaŋ ɓa, amma say məsəɓ sən, səm zəmə. Yaŋ dərəŋ na məsənək pay na ziya na Ɗəfdaya go'oy.

Ibriɗe 10:37

Vi ɗerewel məsvan na Maŋgəlva anahək na: Ambərək suɗike, vi ɗəffan nazan dəde gəni, anzi na ɓa.

1Piyer 4:7

Amma wəgrak na zəga pak go'oy, vi wənnani məzi zukum, məga də wəzuliya.

Hənhən 22:20

Ɗəffan məs dədaɗɗa saydawa aka goŋgaŋ pak amna: Gesiŋ gu'o nan aza əzawa. Ha'aw dəgəɗ vaska! Ade Ɗəfdaya Zezu!

Hənhən 22:7

Zezu amna: Apprəma, əntatə zaw də kakara! Ɗii məs dəsbanən wən nadəv ɗerewel net məs kleŋɗe zit wasan neki!