Filipi 4:11 - Nouveau Testament en Guidar

¹¹ Nənah vas na vi wənna saha nawi ɓa. Vi əntatə yagan wəsaw zu nek də ana vawa.

Bible en Guidar

¹¹ Nənah vasna vi tay dəkkpap suwi ɓa. Vi naw nəyagan əsa zu nek də va nəsawa.

Filipi 4:11 ပူးပေါင်းရင်းမြစ်များ

Luka 3:14

Sozeɗ bo azoŋko, assohonənək vaska, aɓɗaŋ na: Nam tam awani dəslə azam naɗɗa di? Azlan sitik na: Kədawtafaŋ arya net ɗii də gagay ɓa walla də saydawa na teperke ɓa, amma məga iya nokum.

2Korintus 11:27

Nəɓəsək əzəm saha nani də tattuwãh nani. Təl ɓəɓɓay nədaw saw naw nawrəh əleŋ ɓa, təl ɓəɓɓay may meme adawbaywəni. Təl ɓəɓay nədaw saw narah zəga nawzəm ɓa sam, səmnya azəm guwək saha, lukut naw tay ɓa bo.

2Korintus 6:10

Tay kiyaŋ səmən wən tattuwãh, amma mənam tatənan nek pay pakə. Məgilik va məs saheŋɗe, amma mənam tatəkpeŋget ɗii meɓɓet məs aryeɗ diiɗa, mənam tat va ko mi taya vam ɓa, amma gesiŋ nam na, mənam tat də zəga pak avamə.

2Korintus 8:9

Kəsənənək mbəlembəle məs Ɗəfdaya nam Zezu Krestu agəɗ sukum. Ko də asan məs arya zlaŋ, aɗiyək zən va məs saha vi wən nokum, vi kakpaŋgokum məs aryeɗ də saha nani.

2Korintus 9:8

Maŋgəlva tay də sembe napsukum mogon nan temtem pak diiɗa, vi kəsoŋ gən pay pak də zəga nan pakə, an məs mokum akani, ka kəmbataŋ gən abe dəndən də əɗɗa wəza mogon temtem pakə.

Filipi 3:8

Zəga aski kaaka, amma gesiŋ intatə ɗi wənnəs pak azaw va məs dəray səkay, vi nərah gən zəga an na sləma ndəni Zezu Krestu Ɗəfdaya nawa. Vini nəppan wəsən nawsən kiwa. Intatə ɗi wənəs pak azaw va zəga məsgan aka gadərgiya vi nərahə gən Krestu.

Ibriɗe 10:34

Makrokum assokumək vi məke ɗii meɓɓet a daŋgay. Yaŋ meheleŋɗe ahalən arya nokum, də as pak kəɓəsənək wənani, vi kəsənənək na apəl sukumək zəga an mogoni day pakə an məs kədawgaŋ.