Filipi 3:20 - Nouveau Testament en Guidar

²⁰ Vi namə, gela nam a disiŋgi. Sədaki mədaw ga məzu koh gəmə, ndəni Ɗəfdaya Zezu Krestu.

Bible en Guidar

²⁰ Vi namə, ɗiy na disiŋ mənani. Sədaki mədawga məzukõhgəm Daya Yesu Kristu ɗəhərra.

Filipi 3:20 ပူးပေါင်းရင်းမြစ်များ

Matiye 19:21

Zezu apsən na: An kəŋgələk wəsok salala, dokə vəl arya nok pakə, apsit deleɗ nan sit muzurayɗe, vas na wakərah zəga nan məzaɓan a disiŋ. Asna kəde gən wəsbaw kana.

Luka 12:21

Vas adawsan sən ɗəffan məkalan arya sən kiyən, dəkpaŋ məs arya aza Maŋgəlva ɓa.

Luka 14:14

Akənneken zuko vi aɓapəna wəfaɗ suk agəlan ɓa. Maŋgəlva wafaɗ suk agəlan pay wəsilyo net ɗii təstəssə.

Wəza net Masləŋɗe 1:11

Assohotinke: Munokum ɗii na Galile vimi kədawlaŋ a disiŋ di? Zezu məs dəteŋ a disiŋ sə walaŋkuməŋka, wamil va ateŋ a disiŋgəŋka.

1Korintus 1:7

Əvəl na Maŋgəlva adambər sukum ɓa, munokum məzu ganən pay naziya na Ɗəfdaya nam Zezu Krestu wəŋ ɓa.

1Korintus 15:48

Ɗii naka dələv pak tahəŋ va adamu məs dəde səza dəlva fuŋ. Ɗii na disiŋ wagilyoŋ va ɗəf məs dəde ha sə disiŋ.

2Korintus 4:18

Məzi na haram aka zəga məs nawla də haram ɓa. Amma say aka zəga məs awla də hara ɗəf ɓa. Vi zəga məs nawla, asana faɗ ɓa, amma zəga məs awla ɓa, ndən dədawsan ha faɗə.

2Korintus 5:8

Amma makram kaahyi, an məŋgəl na, məppan gən gəɓa zəməŋka, məl gən əɗam də Ɗəfdaya.

Galatiyen 4:26

Amma Zerusalem ana disiŋ, balamək təɓa, ndəttə mamə.

Efesus 2:19

Vi vaski kakaŋ kana, munokum məs kəsənən Maŋgəlva ɓa, melekeɗ kənanaŋ əmpa ɓa, ɗii ɗəɗerɗe kənanaŋ ɓa, amma kakaŋ na kəkpaŋgaŋgək ɗii na Maŋgəlva ɗii neŋgilana Maŋgəlva da kənanaŋ.

Efesus 2:6

Maŋgəlva asil gəmək səkəti əmta də Zezu Krestu asugəmək a disiŋ dəndən.

Filipi 1:10

Vi kəgapaŋ gen na welen an mogoni, vas bo kəsoŋ gən salala*, məza də mambray ɓa, ha gap pay na Krestu adawtaw kita.

Filipi 1:27

Say wəsuwa nokum dəslə də Wən Nenek na Krestu, vi an nədeke, wanulukum ko nəde ɓa, wanəpprəm labara nokum, vi munokum tat də sembe də Əmpəs taka, munokum tatə gayaŋ də makrokum taka də wətaf Wən Neneke.

Kolosi 1:5

Pay sən labara na Wən Nenek agap anokumda, dabəŋ mərban sukum wənna wəga zəga nani. Ndəni bo wətaf nokum də wəŋgla nokum pak kəɗiyənək aka zəga məs kədawgaŋ, məs Maŋgəlva azaɓan sukum a disiŋ.

1Tesaloniki 1:10

Munokum tatə ganən Wətən dəde gən sə disiŋ, ndəni Zezu məs asil gən sətəki əmta, dəsan də zeŋgilleni, ndən dədawkoh gəm səma wəda gədəv na Maŋgəlva məs dədazani.

1Tesaloniki 4:16

Vi Ɗəfdaya sən kiyən waprik daga sə disiŋ də wiya dayadaya, də wəlla maslay an daya, də gozloro na Maŋgəlva, asna ɗii mimtit məs dətafən Krestu wasilyoŋ dabəŋ.

2Timote 4:8

Kaakaŋ na zəga nawrəh na ɗəf məs dənzan dabəŋ tay guwa: Ndəni mətər kiya na gakdak məs Ɗəfdaya mətaw kita də goŋga adawvaya, pay nawtaw kita nani. Suwi adawvay kaaka ɓa, amma sit məzu ganən pak də wəŋgla pay məs adarban zəni.

Titus 2:13

Mənam tatə ga an mədaɗum akani, tay də nenek akan də wərban akdak na, Maŋgəlva metiŋgini, də məzukohgəm Zezu kertu.

Ibriɗe 12:22

Amma nokum kəzoŋguk aka gərəm na Siyon, ha awalaŋ gəla na Maŋgəlva madarani, va wənah na, Zerusalem na disiŋ, dit maslayɗe nan məs ɗəf aɓapna wəŋɗet ɓa, vi diiɗa neti.

Ibriɗe 9:28

Vaski bo Krestu apsən zeŋgillen təl taka vi kaskoɓ mambray net ɗii diiɗa səka dəlva, warban zən ma sula'ən, ya nan vi kapay mambrayi əmpa ɓa, amma vi kawkoh git ɗii məs dədawganəni.

Hənhən 1:7

Awla tayəzan aka slay buna, ɗii pak wawlanəni. Dit ɗii məs dəppanən wənnan pak zlaŋ wawlanəni. Ɗii naka dələv pak waskaŋ morkoyo aka wənna əziya nani. Vaski wagəɗ vaska.