Filipi 3:19 - Nouveau Testament en Guidar

¹⁹ Wəgrak na wənnet pak say də wəzzan ziti, gədəfti maŋgəlva neti zəga na willi azet ka gakdak neti. Wəɗum net say aka zəga nanziya egge kaaka'ə.

Bible en Guidar

¹⁹ Əgrak net na əzay yi, gədəvti maŋgəlva neti, zəga net willi gagdak neti. Əɗɗum net na aka zəga negge yi.

Filipi 3:19 ပူးပေါင်းရင်းမြစ်များ

Matiye 16:23

Amma Zezu akpaŋganək harani, apsən Piyer na: Dok səzawa, əstə Satan əstatə kayan nəsbər gən adəv mambray vi wəɗum nok tay vana Maŋgəlva ɓa, amma venet ɗiiyi.

Matiye 25:41

Asna wanah sit ɗiiyen naka van zlaɓay na: Məzar səzaw faraɗa munokum məs Maŋgəlva araygukum, mədoŋ aka offo məs amta ɓa ha faɗə, məs məzaɓan vi Ibilisa dit maslayɗe nani.

Luka 12:19

Asna wanənah sən zuwa: Arya nok tay diiɗa məzaɓani, wagəɗ suk wəsva diiɗa. Effeti, azəmə, a sə, anneken zuko.

Luka 16:19

Ɗəf maɓɓan tay məs arya, məzu gul lukutɗe lelekeɗekɗe mogeti. Pay pak taya dəv zəga mogon də arya.

Luka 18:4

Amma mətaw kita aɓoŋko də wənnata, ha anzika, amma dərɓagan aɗumuk amakrani: Ko vi naw na geslne sən Maŋgəlva ɓa, nawãy wənnet ɗii ɓa,

Roma 16:18

Vi zemvit ɗiiyen veski, aɗɗaŋ na wəza sən Ɗəfdaya nam Krestu ɓa. Amma net say wənna gədiviti də wəpel namet neneke, tahəŋ wəzanən əmpəs net ɗii məs dəsənaŋ zəga diiɗa ɓa, də meŋ nemet nenekɗe.

Roma 6:21

Mi kərəhaŋ kan də wəza nan di? Gesiŋ wil tay dukumən sən wənnan kakaŋka, vi wəgrak na wəza nani, ndəni əmta.

1Korintus 3:3

Vi ədaw nokum tay va net ɗii na duniya. Adan kotorok də əgay taya waloŋkum, vasna kərbanənək zukum na, ɗii na duniya kənanaŋ ɓa sa? Yo ədaw nokum bo ana gəɓa zə ɗəf aŋgəlli.

1Korintus 5:2

Yaŋ bo ka kəda gakdakanən zukum kana! Ya dərəŋ na, məsok zukum əhəm də wənnani ɗəf məgəɗ wən vaska dəgil gən sərokum.

1Korintus 5:6

Wəkaɓ nokum mogoni ɓa, kəsənən na wuɗo suɗike dədaw həs memteke məɗɗan diiɗa ɓa sa?

2Korintus 11:12

Abeŋ na anəɗɗa wəza nan va nədaɗɗan kakaŋka, vi kawtak met ɗii məzu gakdakanən ziti, də wənah na tayəɗɗanən wəza nan va nawa.

2Korintus 11:15

Vini, zəga naɗɗa gərəŋ sən ɗəffi ɓa, an məzəbaahaŋ sənən tahəŋ əɗiyən zit va məɗɗaŋ wəza də goŋga. Amma ha əgrak nani warəhaŋ kita va aza wəza neti.

Galatiyen 6:13

Ko vi asoŋ məsklaŋ awra zlaŋ asbanən ma henziŋ nan ɓa, amma aŋglaŋ kəskəlaŋ gən awra, vi kaɗɗaŋ kepe də ulukumən na kəɗɗaŋgək gəla huwa azokum.

Filipi 2:21

Vi ɗii pak takəŋ wəgayaŋ aka wəza na gəba ziti kaaka'ə, məza aka ana Zezu Krestu ɓa.

Kolosi 3:2

Məɗum aka zəga ana dak pay pakə, məza aka zəga na duniya ɓa.

2Tesaloniki 1:9

Net wazəmaŋ saha aka kita an naw zet ha faɗə, net awɗakaŋgək ha faraɗa səza Ɗəfdaya, də səza sembe nani də gakdak nani.

2Tesaloniki 2:12

Amma ɗii məs dətafən goŋga ɓa, wanekenən zit də mambraya, kawtawi kita aketi.

2Tesaloniki 2:8

Ɗərɓagan kana, ɗəf mbrayen nak warban zən kana. Amma Zezu Ɗəfdaya nam wabay də əmpəs na mani, wazani pay adarban zən də wəziya nani.

1Timote 6:5

Də wəgay məza meŋge nan ɓa. Maɗulet ɗii net azəka, goŋga bo azək sə ma hereti. Azet na wəsban Maŋgəlva ndəni tive nawrəh arya.

2Timote 3:4

Wasoŋ məzuzəmaŋ kiyit ɗiiyi, aɗumonən na wənna wəza net ɓa, amma waɗɗaŋ ana gakdakan ziti, waŋgluwən nenek na gəɓa zit dayki Maŋgəlva.

Yakob 4:16

Amma munokum dal wə gakdakan zukum də wəɗi kizukum də wəpel nokum. Zev wəɗi kizukum an vas tay lew ɓa. Aŋki məs wənnaŋ pak akkal adəvən.

2Piyer 2:1

Va məs kleŋɗe muwaŋ tepelke azoŋ aweleŋgit ɗii lahəŋka, vaski bo mərbaŋ wənna tepelke adazoŋ awaloŋkum. Wakiyaŋ zəga narba na tepelke məs nawkan atəki nawza, wazelenən Ɗəfdaya an məs dəkoh giti, vi vaski wəzza warihe.

2Piyer 2:13

Wazəmaŋ saha va azəm gitin saha net ɗii meɓɓet dəndəni. Tahəŋ ənekenən zit də wəknahan wəsim zəga na gəɓa zit mbrayen ama heret ɗii yi, tahəŋ əzəmaŋ də munokum, tahəŋ ənekenən zit də wəɗɗa vurum neti. Mi di! Zəga na wili sawɓa.

2Piyer 2:3

Mərbaŋ zəga na tepelkeŋki, tahəŋ wəsimeŋ deleɗi vi kawə sukum wənna də labara ɗarə, vi kawzəm riba səzokum, daga farə, mətaw kita aket azaɓanək zəni.

Zuda 1:10

Amma ɗiiyiŋki, tahəŋ əpeleŋ mbrayen aka zəga məs dəsənən ɓa. Tahəŋ əsbanən əsim zəga net va zəga mamanya nawra, gesiŋgi wəsim zəga nan wazeti.

Zuda 1:16

Ɗii veti, tahəŋ wəpeleŋ wərwər aket ɗii məs dəmbraŋ, tahəŋ wəɗi sitin mambraya. Tahəŋ əsbanən wəsim zəga net mbrayenəŋka, tahəŋ əgakdakanən ziti, tahəŋ wəɗiyən kiziti, vi dərəhaŋ gən an məs aŋglaŋ.

Zuda 1:4

Vi ɗii mbreyit atoŋgoŋguk awalŋmə, məzi zəm aza wənnet ɓa. Aray gənənək labara na mbəlembəle na Maŋgəlva, vi kaw zaɓan wən naɗɗa mambray neti, appanənək wənna Zezu Krestu, ndəni mərbə zəga namə də Ɗəfdaya taka vaŋka. Daga far lahəŋka, ɗerewel na Maŋgəlva arban səmək kita nan arihik ɗiiyiŋ kakaŋka.

Hənhən 18:7

Va aɗɗa gakdak naneken zən də zəga nanəŋka, say wəzəm saha nan də wəska morkoyo nan dəsan akan diiɗa, vi adawnah amakran na: Yaŋ kan əntat tuŋgo, əntə ma'aykə, bərviyak nan ɓa, nəskəna ɗaah morkoyo ɓa.

Hənhən 19:20

Agulunək zəga mamanya a daŋgay, gəm məs kleŋ məwə tepelke məgəɗ sokeneɗ abani. Dit sokeneɗ neti ambəɗetin ɗii məs dətafən lamba na zəga mamanya naka də məzu zuliyaŋ sənən foto nani. Zəga mamanya də məs kleŋ məwə tepelke məsgeti maderet adəv vov na offo muhurən.

Hənhən 21:8

Amma ɗii mədekti məɓoŋti, məɗɗaŋ zəga an na henziŋ, may məbayaŋ ɗiiyi, məɗɗaŋ mana'a, məɗɗaŋ sokene, məzuliyaŋ sənən tuya, məwaŋ tepelke pakə, net təki net na, ndəni pe'e məs offo adawzla adak va muhurən, ndəni kan əmta an ma sula'ən.

Hənhən 22:15

Amma məɗɗaŋ ɗarɗarə, dit məɗɗaŋ sokene na tuya, dit məɗɗaŋ mana'a, dit məbayaŋ gəbaya, dit məzuliyaŋ sənən tuya, dit məŋglaŋ tepelke dit məwaŋ tepelke, dewle net wasoŋ amapoho na walaŋ gəla nani.