Filipi 3:18 - Nouveau Testament en Guidar

¹⁸ Nənah sukumək wənnet səkay təl diiɗa. Ndəni nədawnah sukum əmpa kakaŋka də sin arawa, net wənnet pak va maseŋgiɗ wəmta na Krestu wəŋ aka məzliwrihe.

Bible en Guidar

¹⁸ Nənah sukumək ɗayɗayə ya kakaŋ na də sin araw nədawnah sukum, ɗiy diyɗa tahəŋ ədawaŋ va meseŋgiɗ əmta na Kristu.

Filipi 3:18 ပူးပေါင်းရင်းမြစ်များ

Luka 19:41

Adan Zezu azar amaŋgava walaŋ gəla metiŋ, awlaka, ahəm gənəka.

Wəza net Masləŋɗe 20:19

Nəgəɗ sənək wəza sən Ɗəfdaya də makraw taka də sin arawa, də adəv bonoy məs dərəwa. Yahudiyenɗe aɗumoŋguk mbrayen akawa.

Roma 9:2

Gərəŋ nan sawɓa, makraw tay troh troh pay pak vi wənnet milmiŋgiɗu dit əlfiŋgiɗwa. Va mbaguwi kəta na, anəŋglu Maŋgəlva dəray guwə gəni, də uɗakaw də Krestu vi wənneti.

1Korintus 1:18

Wərban wənnamta na Zezu Krestu aka wəlaŋga məzliwrihe, wənnan tay va dərwa azet ɗiiyen məsənaŋ zəga, amma azam mənam naka tive nawkoh na, ndəni sembe na Maŋgəlva.

1Korintus 6:9

Kəsənənək wənnan lewlewi, məɗɗaŋ ɗar ɗar atoŋgoŋ na məlĩ na Maŋgəlva ɓa. Kədazlaɓanən zukum ɓa! Ɗii matakatakeɗi, walla məsbaŋ matuya, walla məɗɗaŋ mana'a, walla ɗii məvənaŋ dit zel tusso,

2Korintus 11:13

Net bo masləŋɗe məs də goŋgaŋ ɓa, məwaŋ tepelkeŋ, məɗɗaŋ vəruməŋ, aɗiyənək zit va masləŋɗe na Krestu.

2Korintus 11:29

An ɗəf awlak zən mədakən, naw bo anula zu mədakwa. An ɗəf asbərka agəɗək mambray makraw bo wasaw sawɓa.

2Korintus 2:4

Letər məs nəver sukum dabəŋ, də sin araw diiɗa nəver sukum də gəkgrəŋ diiɗa, makraw asawək diiɗa sawɓa. Amma nəver sukum vi kəɗumoŋ gən ɓa. Nəŋgəl ərban sukum kəsənən gən na, nəŋgəlukumək sawɓa.

Galatiyen 1:7

Gesiŋgi, Wən Nenek maɓɓan tay ɓa, amma ɗii meɓɓet tahəŋ wəmbəɗokuməni. Tayəŋglaŋ wəkpaŋganən Wən Nenek na Krestu.

Galatiyen 2:14

Amma adan nula awdawaŋ təstəs va adəv gesiŋ na Wən Nenek ɓa, yaŋ nənah sən Piyer abet ɗii pakə: An, Yahudiyen kənani, istatəsban əsok va net ɗii məs dəsənən Maŋgəlva ɓa, vi mi kədaw dewli ɗii məs dəsənən Maŋgəlva ɓa dəsbanən gən əsuwa net Yahudiyenɗe di?

Galatiyen 2:21

Nəzelenna mbəlembəle na Maŋgəlva ɓa, an əsuwa təstəs aba Maŋgəlva tay də ma henziŋ na, asna wəmta na Krestu dətər wəray ɓa.

Galatiyen 5:21

garzlaw, witem də mbazla, wəsmay mbrayen. Zigeɗiski. Intatə nah sukum aka wənneti nənah sukumək səkay məzəɗenin zemvit wəzeɗes arəhaŋ na məlĩ na Maŋgəlva ɓa.

Galatiyen 6:12

Ɗii məs dəŋglaŋ wərbanən zəga mogon də gəɓa zə ɗəffa, aŋglaŋ wəɗɗaŋ sukumən dewle kaskəl gukum awra, as pak aɗɗanən vasna vi Yahudiyenɗe adawkayanən mamet vi wənna məzliwrihe na Krestuwi ɓa.

Galatiyen 6:14

Ya naw nəŋgəl na kepe naw dəsan gən də məzliwrihe na Ɗəfdaya nam Zezu Krestu. Vaski bo də məzliwrihe na Krestuwi duniya amtə azawa naw bo nəmtək kla duniya.

Efesus 4:17

Aŋki məs nədaw nah sukum də əssak sukum də iya na Ɗəfdaya, əntatə nah sukum məsok zukum kədasbanən ɗaah matuya vanet ɗii məs dəsənən Maŋgəlva ɓa adaɗɗaŋ ɓa, neti, wəɗum net tay zeti.

Filipi 1:4

Pay nədawzuli vikum pakə, əntat zuli de weneken zuwa,

1Tesaloniki 4:6

Ɗəf adawgəɗ sən mbrayen sən məlmən ɓa, kədaw gəɗ sən matakataka də terere ɓa, vi Ɗəfdaya wataw kita aket ɗii məɗɗaŋ zev mambray vaska, va mənah sukum dabəŋ, yaŋ mənah sukumək əmpa.

2Tesaloniki 3:11

Vi məpprəmək na ɗii meɓɓet tahəŋ suwalaŋkum mətampəlɗe. Aɗɗaŋ wəza ɓa samə, amma tahəŋ wətoŋgoŋ aka wən məza wənneti ɓa.

2Piyer 2:10

An dəday pak na, ɗiiyen məɗumoŋ aka wəsim zəga na gəɓa ziti mbrayen, dit məzu zelenən gakdak na Maŋgəlva. Ɗii mərbaŋ zəga na tepelkeŋki, aw geslne'eŋ ɓa, tahəŋ əgakdakanən ziti, tahəŋ əzeletin ɗii məs də gakdak sə disiŋ tahəŋ əretini.

Zuda 1:13

Tahəŋ də sembe va vovolumɗe a pe'e meteŋgini, wəza mambray net arbanək zən va oŋgofoko. Tahəŋ va ngərzleɗ məzeti, Maŋgəlva azaɓan sitik təki net ara guzli titire. Agulyoŋ na sədak ɓa ha faɗə.