Filipi 3:14 - Nouveau Testament en Guidar

¹⁴ Yaŋ ndəni kan nədanzaw kla təki nawrah zəga nani, vi nərəhə gən zəga nani məs Maŋgəlva ayəm akan daga sə disiŋ də Zezu Krestu, ndəni wəkoho.

Bible en Guidar

¹⁴ In tat əzban ənzaw haraw sek a təki nawrəh zəga, vi nərəhgən zəga məs Maŋgəlva ayəm akan hã sə disiŋ də Yesu Kristu.

Filipi 3:14 ပူးပေါင်းရင်းမြစ်များ

Luka 16:16

Ma henziŋ na Moyis də ɗerewel net məs kleŋɗe anziyək hagap pay na Zaŋ məgəɗ baptem. Daga pay nan bo halabara nenek na məlĩ na Maŋgəlva apelke, ko naway pak agayək də sembe vi dətoŋ gən adəv məlĩ nani.

Roma 11:29

An Maŋgəlva aɗɗak zəzay sit ɗii ko ɗii zemvit awet di pak məs aweli, aɗi marava viyin ɓa.

1Korintus 9:24

Kəsənənka ɗii diiɗa dədanzoŋ na naway dabəŋ di, amma say ɗəf taka kaaka dədawrəh zəga məɗiyən vi ɗəffan dənzan dəday kiyit ɗiiyi. Vaski nokum bo məsok zukum mənzoŋ kərəhaŋ gən zəga nani.

2Korintus 4:17

Gesiŋ adəv bonoy mənani, amma tay tuwãh ɓa, anzi naɓa. Bonoy nan waki səm gakdak ana san ha faɗə, metiŋgini sawɓa.

Filipi 3:3

Vi mənamtə ndəɗaŋgəŋ ɓa, mənamtə ɗii məs dəsklaŋ awra an də goŋga, mənamtə məɗɗaŋ wəza na Maŋgəlva də Əmpəsa, gakdak nam aka Zezu Krestu məɗiya, nam ɗii narban gəɓa zəm mənan ɓa.

Kolosi 2:18

Kədapetin ɗii wəkiyən mokum də wənna zuli sit maslayɗe də wəɓe gən kizit na mataktaka ɓa, vi ɗii net wənna issine asbaŋ məs arəhaŋ, yaŋ ada gakdakanən zit də tive na wəɗum na ɗəffa, də wən məs goŋgay ɓa.

1Tesaloniki 2:12

Məpel sukumko, də wəsɓokum, məziw gukumko vi kəsoŋ gən də Maŋgəlva məs dəyukum aka məlĩ nan də gakdak nani.

2Timote 1:9

Ndəni dəkoh gəmə, ndən dəyəmə məsam gən ɗii nani, vi wəza mogon məs məgəɗi ɓa, amma vi wəŋgla nani də mbəlembəle nani, aɗɗa səmək mbəlembəle nan də Zezu Krestu, daga məɓəlli əɗɗa zəga tagay ɓa.

Ibriɗe 3:1

Munokum milmiŋgiɗu kretiyenɗe, məs Maŋgəlva ayə nawtoŋgukum məlĩ nani, məɗumon wənna Zezu an Maŋgəlva aslən dəsan gən daya net məs dəlveŋge də wətaf an məs mədarban wənanəŋka.

Ibriɗe 6:1

Vi wənəŋki, mədaməs abe abe də wəsən va ɗii gugiriɗe, mədasban əsam adəv wəsən net kretiyenɗe məs dabəŋ ɓa, mədawtəŋ gabban nam temme ɓa, an dədawtər wəray na wəppan wəza an ɗarə, say wətaf Maŋgəlva.

1Piyer 1:13

Vi vaski məzaɓan wəɗum nokum naɗɗa wəza sən Maŋgəlva, məzi zukum, məɗi wəɗum nokum pak aka zəzay məs dədazan sukum pay Zezu Krestu adazani.

1Piyer 5:10

Amma dərɓaga saha məs kədaw zəmaŋ suɗike, Maŋgəlva Affən mbəlembəle pakə, məs dəyukum aka gakdak nan məza agrak ɓa ka kəsapaŋ gən də Zezu Krestu, wasugukum ɓəlɓəl va aka milɓe. Ndən sən kiyən waɓəlokum, wapsukum sembe.

2Piyer 1:3

Maŋgəlva apsəmək sembe nan metiŋgini, vi mədaw sam də wəray na zəga maɓɓan adəv əsuwa nam də ətaf ɓa. Apsəmək də wəsənən, ndəni ayəm məsap gən dəndən adəv gakdak nani də mogoni.

Hənhən 3:21

Ɗii məs dədayaŋ ki wənnəska, wanəpsit tive nasuwa aka mazaŋga na məlĩ naw amaŋga vawa, va nawəŋka nədayək kini, nəsawək də Affuwa aka mazaŋga na məlĩ nani.