Filipi 3:12 - Nouveau Testament en Guidar

¹² Naw nəh na nərahək səkayi ɓa, walla naw salala* naniyi ɓa, amma əntatə nzawa nərəh gən zəga məɗiyən viyit məzudaɗiyaŋ, yaŋ Krestu arəmwək səkay.

Bible en Guidar

¹² Nərəhək səkay awaniɓa gərrak nani ɓa, ya in tat əzban ənzawa, va wagəɗ na nərəhgəni vi Yesu Kristu armuka.

Filipi 3:12 ပူးပေါင်းရင်းမြစ်များ

Matiye 5:48

Məsoŋ məza də mambray ɓa, va Affukum na disiŋ nan tay də mambray ɓa.

Wəza net Masləŋɗe 9:15

Ɗəfdaya apsən na: Doko, kakaŋ na, nəwelik dəgəɗ suwə gən wəza, dərban gən iya naw azet ɗii meɓɓeti gəm azet məlyeŋge də azet ɗii na Israyel.

Roma 8:39

ko, sembeɗ na disiŋ walla sembeɗ namba dəlva fuŋ, Maŋgəlva arban səmək əŋgla nan də Zezu Krestu Ɗəfdaya namə. Vi wənnani gesiŋ zəga tayaka dəlvəŋ dədawɓap uɗakam də əŋgla na Maŋgəlva ɓa.

1Korintus 13:10

An suɗike vanəs bo wazə an goŋga arbanək zən pakə.

1Korintus 13:12

Kakaŋ mənam tatulan va foto adəv darawgal, mawlan appaka taa ɓa. Amma pay maɓɓan wade wamula Maŋgəlva haram aza zəm seksekki. Kakaŋ zəga nan suɗike suɗike nəsən wənnan ɗarə, amma pay maɓɓan wade, wa nəsən lewlewi va asənwa.

1Korintus 9:24

Kəsənənka ɗii diiɗa dədanzoŋ na naway dabəŋ di, amma say ɗəf taka kaaka dədawrəh zəga məɗiyən vi ɗəffan dənzan dəday kiyit ɗiiyi. Vaski nokum bo məsok zukum mənzoŋ kərəhaŋ gən zəga nani.

2Korintus 13:9

Zəm nenekeɓ ɓa an mədakəm mənani, amma nokum də sembe kənanaŋ. Vini mədakaman Maŋgəlva, ka kəsoŋ gən təstəs grakə.

2Korintus 7:1

Bayneŋgiɗwa əpel na Maŋgəlvas pak aslək vimə. Vini kakaŋ na say məgasəm zəmə məsam gən salala*, məppan səm zəga məs nawray gən gəɓa zəm də məs nawray gən əmpəsa. Say məsam gən salala grakə, məsam səm də geslne na Maŋgəlva.

Galatiyen 5:17

Vi gəɓa zə ɗəf tayəŋgla an məs Əmpəs dəŋgəl ɓa, Əmpəs bo dəŋgəl an məs gəɓa zə ɗəf aŋgəl ɓa. Vi wənna əgay vaski, kərah na wəɗɗa mogon an məs kəŋgəl ɓa.

Efesus 1:4

Daga dəɓəl əzəməɗ duniya tagay ɓa, awelməka ka məsam gən ɗii nani də əsap də Krestu, ka məziw gən abani, məsam gən salala* məza də mambray ɓa. Aŋgələməka.

Efesus 4:12

Adaɗɗan vasna vi kazeɓet ɗii na Maŋgəlva də wəgrak wəza naw ɓay gən gəɓa zə Krestu adəv ətafa.

Filipi 1:1

Letərəŋka, səza Pol də Timote ade, belemɗe na Zezu Krestu, azet ɗii na Maŋgəlva a Filipi mes de tafnen Zezu Krestu pakə, dit mezuteɗeŋɗe dit ɗii gugiriɗ net kretiyenɗe.

Filipi 3:16

Say məsok səm zəmə də wəsban tive an məs məsban laŋka ha gap dəpaŋka.

Filipi 3:3

Vi mənamtə ndəɗaŋgəŋ ɓa, mənamtə ɗii məs dəsklaŋ awra an də goŋga, mənamtə məɗɗaŋ wəza na Maŋgəlva də Əmpəsa, gakdak nam aka Zezu Krestu məɗiya, nam ɗii narban gəɓa zəm mənan ɓa.

Filipi 3:8

Zəga aski kaaka, amma gesiŋ intatə ɗi wənnəs pak azaw va məs dəray səkay, vi nərah gən zəga an na sləma ndəni Zezu Krestu Ɗəfdaya nawa. Vini nəppan wəsən nawsən kiwa. Intatə ɗi wənəs pak azaw va zəga məsgan aka gadərgiya vi nərahə gən Krestu.

1Tesaloniki 5:15

Məzi zukum ɗəf adamnda gan sən ɗəf mambray də mambray ɓa, amma məsban wəɗɗa mogon pay pak awalaŋ zukum də azet ɗii pakə.

2Tesaloniki 2:13

Milmiŋgiɗwa pay pak mənam tatəɗɗa soko sən Maŋgəlva vikum, annokumi. Ɗəfdaya aŋgələ, Maŋgəlva awel kumko vi kəsoŋ gən kana koh dabəŋ. Wakəkohoŋ vi Əmpəs na Maŋgəlva tayəɗɗa wəza amkrokum, vi kətafənək goŋga nani.

1Timote 5:10

Say ɗak nat wəza mogon nat dərbat gəni, məs təɓay git kirtət mogoni, məzu taf melekeɗi, məzəskoɓ təlit ɗii na Maŋgəlva, məzəbaah sit ɗii adəv saha neti, təsat məgəɗ zev wəza mogon pakə.

1Timote 6:19

Də wəɗɗan vaski adawzaɓanən zəga net mogon də sembe vi pay məs dədazani vi dərəhaŋ gən zeŋgille an də goŋga gesiŋ.

Ibriɗe 12:14

Məsok zukum wəsuwa zamə dit ɗii pakə. Məsok zukum wəmbat abe də salala, an də wəsuwa vaski ɓana, ɗəf tay nawla Ɗəfdaya ɓa.

Ibriɗe 12:23

Kəzoŋguk atəki wəkal net kirtin Maŋgəlva en dabəŋ, en məs məver iya net a disiŋ. Kəzoŋguk aza Maŋgəlva məs nawtaw kita aket ɗii pakə, kəzoŋguk aza zeŋgillet ɗii məs də goŋga, məs Maŋgəlva akpeŋget salala ha faɗə.

Ibriɗe 13:21

Maŋgəlva dəpsəm zamə, də wəbaah sukum kəɗɗanən gən wəza mogon an məs aŋgəl azokum. Ndən sən kiyən waɗɗa wəza an məs aŋgəl van adəvəmə. Də Zezu adaɗɗani. Gakdak sən Krestuwi ha faɗə dudan. Amin.

Yakob 3:2

Mənam pak mənam tatə ray gən wən pay pak də tive temtem diiɗa. Ɗəf məs awray gən wən də wəpel nan ɓa, nan ɗəf mogoni sawɓa, asənək ərma zən səza mambray pakə.

1Piyer 5:10

Amma dərɓaga saha məs kədaw zəmaŋ suɗike, Maŋgəlva Affən mbəlembəle pakə, məs dəyukum aka gakdak nan məza agrak ɓa ka kəsapaŋ gən də Zezu Krestu, wasugukum ɓəlɓəl va aka milɓe. Ndən sən kiyən waɓəlokum, wapsukum sembe.

2Piyer 3:18

Amma məsok zukum məɓay adəv mbəlembəle də wəsən na Ɗəfdaya məzu kohgəmə, ndəni Zezu Krestu. Gakdak nani daga kakaŋka ha faɗə. Amin.