Filipi 3:10 - Nouveau Testament en Guidar

¹⁰ An nədaŋgla na, nəsən gən Krestu də sembe nani məs asil sətəki əmta nani, də wəsap dəndən də wəzəm saha nani, nəsaw gən va ndən də wəmta nani.

Bible en Guidar

¹⁰ Ka nəsəngən Kristu də əɓap na əsilye nan səka əmta, nəsapgən dəndən addəv əzəmsahã nani, nəsawgən va ndən addəv əmta nani.

Filipi 3:10 ပူးပေါင်းရင်းမြစ်များ

Matiye 20:23

Zezu azlan sitik na: Wakəɓapən wəsət huloŋ na bonoy nawa, amma wəsuwa aka vaw dəzəŋ walla aka vaw zlaɓay, əntə nədapsit ɓa, amma ɗiiyen məs Affu awel tay viti, ndəɗaŋ dədawrəhaŋ.

Yohanna 10:18

Ɗəf tay naw ɓap wəgəm zeŋgillew ɓa, əntə nədapsən də əŋgla nawa. Intat də sembe napsəni, əntat də sembe nawsil gən meleketeni. Aski an Affu aɗi su wənnan naɗɗa.

Yohanna 17:3

Aŋki zeŋgille məza agrak ɓa, asənkunko istə Maŋgəlva taka təstəssə, asənənək Zezu Krestuwi masləŋ noko.

Roma 8:17

Ya an kirtin mənan na, asna wamərah zəga an məs məzaɓan sit kirtini, zəga məs apsən Krestu wəŋ bo, wapsəmə. Vi an mərahək hara bonoy na Krestu məs azəm saha, asna wamərah haran nam səza gakdak nani.

Roma 8:29

Daga far lahəŋki Maŋgəlva asinik ɗii nan məs awel pakə, vi dərəhaŋ gən wəkoh vana Wətəni, vi Krestu bo dəsan gən tizi abet milmiŋgiɗin diiɗa.

Roma 8:36

Va wən məverin adəv ɗerewel anah na: Aka wən noki məsɓət huruɓu, ama əmta, yaŋ adawləmən va timeŋgiɗ məs adawkaŋ atəki nawtaw wəleti.

2Korintus 1:10

Ndən dəkoh gəm səma tattuwãh namta pakə, mulaka məsənka, wakoh gəm ko abe pakə.

2Korintus 1:5

Va haran nam asan diiɗa aza bone vi Krestu, vaski bo adawsan səm diiɗa aza əsɓa nam də Krestu.

2Korintus 13:4

Pay məs amtə aka wəlaŋga məzliwrihe, pay nani mədakni. Amma kakaŋ na madarani də sembe na Maŋgəlva. Vi wənna əsap nam də Krestu məddakəm mənani. Amma akulanən məda sam madaram dəndən vi wənna sembe na Maŋgəlva.

Galatiyen 2:20

vi nədaw saw madaraw sən kiyu ɓa, amma Zezu də ɗiyu madarawa. Zeŋgille ana gəɓa zu nəsaw dəndən kakaŋka, əntatə saw də wətaf aza Wətən Maŋgəlva*, an məs dəŋgəluwa, appanək zeŋgillen viwa.

Galatiyen 6:17

Daga kakaŋka ɗəf adaw kisu wən ɗarɗar ɓa, vi gəla huwa məs naka gəɓa zuwəŋ tayərbanna, balam na Zezu nani.

Efesus 4:13

Vi mənam pak məsam gən aza wətaf taka, də wəsən Wətən Maŋgəlva*, məsam gən ɗii gugiriɗ də əsap də Krestu, də əgap salala vana Krestu.

Filipi 3:8

Zəga aski kaaka, amma gesiŋ intatə ɗi wənnəs pak azaw va məs dəray səkay, vi nərah gən zəga an na sləma ndəni Zezu Krestu Ɗəfdaya nawa. Vini nəppan wəsən nawsən kiwa. Intatə ɗi wənəs pak azaw va zəga məsgan aka gadərgiya vi nərahə gən Krestu.

Kolosi 1:24

Kakaŋ na zu neki də bonoy naw vikum, kəsənənka Krestu asək bonoy də gəɓa zəni, va wənah na kretiyenɗe nani, dewle say dəsə gən bonoy vaska əzəm saha nan pak vikumi ndəni haran naw aza bonoy nani.

Kolosi 2:13

Laŋka Maŋgəlva tayulukum va məmtukum, vi wənna mambray nokum, vi Krestu dəɓəl wəskəlkum awra tagay ɓa. Amma kakaŋ na Maŋgəlva aməs kəmbəl gukum, sap də Krestu aviyan sukumək mambray nokum pakə.

Kolosi 3:1

Kəsilyoŋguk sətəki əmta də Krestu, kərəhaŋgək zeŋgille meleketeni. Vi wənnani məsok zukum məɗi wəɗum nokum aka zəga an na disiŋ, atəki Krestu asan aka va dəzən na Maŋgəlva.

1Piyer 1:3

Məgəɗ sən soko sən Maŋgəlva, Affən Ɗəfdaya nam Zezu Krestu. Aɗɗak mogon nan azəmə, apsəmək zeŋgille meleketeni, vi asil gən Zezu Krestu sətəki əmta asan madarani. Aknahək makram də zəga nawga an də goŋga.

2Piyer 1:13

Amma nəɗumonək na mogoni an əntat aka dəlvəŋka, wanə məs wəfɗohokum.

1Yohanna 2:3

An mərmak ma henziŋ na Maŋgəlva, ndəni dədarbana məsənək Maŋgəlva gesiŋ.

1Yohanna 2:5

Amma ko naway dərma əpel na Maŋgəlva gesiŋ wəŋgla na Maŋgəlva aknahək amakrani. Də aski mədaw sənən na məsappək də Maŋgəlva.

Hənhən 1:18

Əntə ɗəf madarani, nəmtək laŋka, amma kakaŋ na madaraw nan ha faɗə. Əntə də sembe aka əmta, də aka təki məs ɗii mimtit adadoŋgu.