Filipi 2:21 - Nouveau Testament en Guidar

²¹ Vi ɗii pak takəŋ wəgayaŋ aka wəza na gəba ziti kaaka'ə, məza aka ana Zezu Krestu ɓa.

Bible en Guidar

²¹ Vi pak zəga sən kiya adawkayanəni, məza en na Yesu Kristu ɓa.

Filipi 2:21 ပူးပေါင်းရင်းမြစ်များ

Matiye 16:24

Yaŋ Zezu anah sit gewleɗ nan na: Ɗəffan dəŋgəl wəsbawa say dəppan wəɗumsən kini, dəslan gən məzliwrihe nani dəsbaw gəni.

Luka 14:26

An ɗəf aŋgələk wəkpaŋ gawla nawa an dəzel affən dət mani dət ɗak nani dit kirtini dit milmiŋgiɗin mezeŋgilleketi dit muguluŋgiti, daga də zeŋgillen pak ɓa, aɓapna wəsan gawla naw ɓa.

Wəza net Masləŋɗe 13:13

Pol dit ɗii məs dədasoŋ dəndən, atoŋgoŋgək adəv bəlay sə Pafos, ambataŋgək a Perge dələv na Pamfiliya. Amma Zaŋ Markus apetike, amilik dirɓe a Zerusalem.

Wəza net Masləŋɗe 15:38

Amma Pol dəŋgəm ɓa, vi Markus apetik aka tive a Pamfiliya, amilik dirɓe dəgrak wəza məs atəŋ ɓa.

1Korintus 10:24

Kədaw kayanən zəga natər sukum wəray kaaka ɓa. Say an natər wəray sit ɗii meɓɓeti.

1Korintus 10:33

Məɗɗa vanaw nədaɗɗani. Intatə sok zu əɗɗa an nanek zit ɗii pak də zəga pakə. Naw nawkay an natər su wəray ɓa, say an natər wəray sit ɗiiyi vi dəkohoŋ gəni.

1Korintus 13:5

Ɗəf məs də əŋgla aɗɗa zəga na wil ɓa, awsan məzəmbana ɓa, awda gədəv go'ləŋ ɓa, ɗəf məs dəgəɗ sən mambray aŋɗan ɓa.

2Korintus 1:5

Va haran nam asan diiɗa aza bone vi Krestu, vaski bo adawsan səm diiɗa aza əsɓa nam də Krestu.

Filipi 2:4

Ɗəf adaɗɗa an natər anan kaka ɓa, amma an natər sit ɗii meɓɓeti.

2Timote 1:15

Kəsənka ɗii naka dələv na Asiya pak appawənka, ko Figelus də Hermogenes pak tahəŋ aweleŋti.

2Timote 3:2

Gesiŋ ɗii wasoŋ məŋgluwən zit kaaka'ə də wəsimeŋ deleɗi, mulanən ziti, məgakdakanən ziti. Waretin ɗii meɓɓeti, apprəmənən na met migilit ɓa, ko naway aɗɗaŋ sənən na soko ɓa. Agakdakanən na zəga an salala* ɓa.

2Timote 4:10

Demas appawəka, vi aŋgələk duniya an kakaŋka, ambatək a Tesalonika Kereskes tamə ambatək a Galatiya, Titus bo ambatək a Dalmatiya.

2Timote 4:16

Payan dabəŋ nan nəsaw aba kita, ka nəpel gən aka zuwa, ɗəf tay dəbaah su ɓa. Ɗii pak appawənka, də vas zlaŋ Maŋgəlva adaŋɗan sit ka mbrayen ɓa.