Filipi 2:17 - Nouveau Testament en Guidar

¹⁷ Ya an zəŋgiləw taya zokum va mbel na sazlaga ka meŋgeslin aka wətaf nokum aba Maŋgəlva, an vini gesiŋ na zu anneki wanəsapan wənek nokum.

Bible en Guidar

¹⁷ Ya an anəsaw va mbazla nawpesl aka əzaɓ-Maŋgəlva gəm aka wəza na ətaf nokum dayday na, zu neki, zu neki də mənokum pakgukum.

Filipi 2:17 ပူးပေါင်းရင်းမြစ်များ

Wəza net Masləŋɗe 20:24

Amma naw azaw na, ko an əmtəka ko nəmtə ɓa, an nəɓapək wəgrak wəslən nawa də wəza naw məs Ɗəfdaya Zezu apəl suwəŋka, wəza nan ndəni wərban labara nenek aka wənna mbəlembəle na Maŋgəlva.

Wəza net Masləŋɗe 21:13

Amma nan azlanək na: Vimi kədawhəmaŋ di? Mokum aka wəzla gən makraw sa? Naw na say məs adaynawəni a Zerusalem mi kaaka ɓa, amma əntatə zaɓan zu kamta vi wənna Zezu Ɗəfdaya namə.

Roma 12:1

Milmiŋgiɗwa, Maŋgəlva arban səmək ula saha nan akam diiɗa. Vi wənnəski, ndəni məkomokum məpsən ki zukum sən Maŋgəlva də wəgəɗ sən wəza. Aski wəpsən zəga an nenek zəni.

Roma 15:16

ka nəsaw gən məgəɗ wəza na Zezu Krestu viyit ɗii məza Yahudiyenɗeŋ ɓa. Nəkpaŋgək məgəɗ wəza na Labara Nenek na Maŋgəlva. Vi ɗii məza Yahudiyenɗeŋ ɓa dəsoŋ gən va zəga məpsən Maŋgəlva də məŋgənən hõnyu təstəs abani də Əmpəs Salala.

2Korintus 12:15

Azaw anaw sən kiyu na, zu neki də əsgan zəga naw pak də zək naw pakə, vi kabaah sukum. Akə gəsanən əŋgla məs kəŋgəluwən vi nəŋgulukum diiɗa sa?

2Korintus 4:12

Va wənah na: Əmta na Zezu tayəɗɗa wəza adəvəmə. Amma zeŋgillen tayəɗɗa wəza adəvkum.

2Korintus 6:10

Tay kiyaŋ səmən wən tattuwãh, amma mənam tatənan nek pay pakə. Məgilik va məs saheŋɗe, amma mənam tatəkpeŋget ɗii meɓɓet məs aryeɗ diiɗa, mənam tat va ko mi taya vam ɓa, amma gesiŋ nam na, mənam tat də zəga pak avamə.

2Korintus 7:4

Məsənkumək grak lewlewi, mənam tatəɗi kikum diiɗa, adəv bonoy nam pakə, məknahək də ərma makramə də əneken zəmə.

Filipi 1:20

An məs nədawga aziwke, nəsənək Maŋgəlva arbə suna wil aka wəza naw ɓa. Amma va pay pakə, vaski bo kakaŋka'a an məs nəsən agraka, nəsənka wanəgakdakan Krestu ko də zeŋgillewa, walla də əmta nawa.

Filipi 2:18

Vaski nokum bo makrokum waneki, zukum wasan nek də ina.

Filipi 2:30

Yaŋ akay əmta vi wəza na Krestu. Akay wəbay zəni dawki zəga məs kabaahaŋ suwəni məs kəɓapənən na wəkiyən dəvokum ɓa.

Filipi 4:18

Nərehək zəga məs kəslənən Epafroditus dəndən. Adayək ki wəray naw sawɓa. Tay va wəvəl məs də məŋ gənən neki. Maŋgəlva waneken zən dəndən, watafa.

Kolosi 1:24

Kakaŋ na zu neki də bonoy naw vikum, kəsənənka Krestu asək bonoy də gəɓa zəni, va wənah na kretiyenɗe nani, dewle say dəsə gən bonoy vaska əzəm saha nan pak vikumi ndəni haran naw aza bonoy nani.

1Tesaloniki 2:8

Məŋgəlukumək sawɓa, ha məpsukumək zeŋgillemə, say labara neneki kaaka ɓa'a, amma də əŋgla nam diiɗa azokum.

2Timote 4:6

Naw na, mbel naw gu'oŋ aza wəkpaŋ napsən ka sazlaga, pay namta naw agapka.

1Piyer 2:5

Məde, məkpaŋ gərəm madarokum, karka gəla nasuwa na Əmpəs Salala də munokum. Məppan Zezu Krestu amakrokum dəpsukum gən sembe nakpaŋ məs dəlvəŋge en salala, napsən zəga an dəslə sən Maŋgəlva.

1Yohanna 3:16

Də aŋki məsən wəŋgla na Zezu Krestu, aŋgələməka appanək zəni amtək vimə. Aslək nam bo məppan gən ki zem viyit milmiŋgiɗmə.