Filipi 2:15 - Nouveau Testament en Guidar

¹⁵ Vi kəsoŋ gən salala* məza də mambray azokum ɓa, kirtin Maŋgəlva, məza də mambray azokum ɓa, aweleŋgit ɗii na duniya ɗəɗerɗe mes mbreyit naka dəlviŋki. Kəkasakaŋ gən aweleŋgit va ngərzleɗi.

Bible en Guidar

¹⁵ Vi kəssoŋgən məza də heslepe ɓa gəm bartata, kirtin Maŋgəlva məza wən aket a walaŋ sayit ɗiy mə slokorslor gəm mbəreytiŋ ɓa, məs kədawiɗeŋ a walaŋgit va offoɗe aka dəlva,

Filipi 2:15 ပူးပေါင်းရင်းမြစ်များ

Matiye 10:16

Yaŋ, əntatə slən kum va timeŋgiɗ aweleŋgit kərɗe munya. Vi vaski məsoŋ də kuket va dohoŋɗe, məza mbrayen akokum ɓa va məŋgərwiɗe.

Matiye 17:17

Zezu amna: Awlet kana munokum məs wətaf nokum tay diiɗa ɓa, məs mambrayɗe, pay gbəgbari nənzi də munokum kpak di? Məkki su wiyən vani.

Matiye 5:45

Vi kəsoŋ gən kirtin Affukum na disiŋ. Tay gilgin paya ket ɗii mambrayɗe dit məɗɗaŋ mogon pakə, tay zi buwən viyit məɗɗaŋ wəza mogoni dit məɗɗaŋ mambray pakə.

Matiye 5:48

Məsoŋ məza də mambray ɓa, va Affukum na disiŋ nan tay də mambray ɓa.

Luka 1:6

Sulegit pak ɗii təstəssəŋ aba Maŋgəlva. Tahəŋ wəsbanən wən məs Ɗəfdaya aɗiyə də ma henziŋ nan pak lewlewi.

Luka 6:35

Amma məŋliw məzu zel kuməni məgəɗ sit mogoni məza wəɗum na wanərahə ɓa. Wakərəhaŋ riba diiɗa, wakəkpaŋgaŋ kirtin Maŋgəlva an dəday pakə. Vi ɗəf mogoni azet ɗii mogeti dit məɗɗaŋ mambray pakə.

Yohanna 5:35

Zaŋ tay va pitirla məsɗani, tay kasaka, kənekenənək zukum də pitirla nan suɗike.

Wəza net Masləŋɗe 2:40

Piyer aməsək wəpel sit də wən diiɗa, akkemetike: Duɗakanən gən zit səzet ɗii məzeti.

Wəza net Masləŋɗe 20:30

Pay maɓɓan wade, ɗii səmbokum wawaŋ tepelke, vi ɗii na Maŋgəlva dəsbetin gəni.

Roma 16:19

Munokum məs kədapprəmən ma Ɗəfdayaŋka, ɗii namba dələv pak apprəmənək wənnani. Ndəni nəda neken zu də wənnani, amma nəŋgəl na, kəsoŋ gən məsənaŋ tive naɗɗa zəga mogoni, mətip horokum səza mambraya.

1Korintus 1:8

Ndəni naw ziw gukum ha gap wəgrak nani, vi adawpeleŋ mbrayen akokum pay naziya na Ɗəfdaya nam Zezu Krestu ɓa.

2Korintus 6:17

Vini anah na: Məgil suwaleŋti, muɗak dənɗaŋ. Kədaw rəŋgənən zəga naw see'* ɓa, asna wanətafkum.

Efesus 5:27

Manaka wəkpaŋget ke ɗii na Maŋgəlva va ndən də mogon nan pakə, məza də mambray ɓa, ko darnyaw awandi pak taya zet ɓa. Amma salalaŋ, lewleweŋ məza də gəla voɗoko azet ɓa.

Filipi 1:10

Vi kəgapaŋ gen na welen an mogoni, vas bo kəsoŋ gən salala*, məza də mambray ɓa, ha gap pay na Krestu adawtaw kita.

Filipi 3:6

Nəsokuk zu adəvən sawɓa, ha nəzemgitik saha net kretiyenɗe, klaza wənna ma henziŋ, salala nani ɗef tay nagapu ɓa.

1Tesaloniki 5:23

Maŋgəlva məs dədapsəm zamə, ndən sən kiyən də ɗikum ɗii təstəssə, dəga sukum əmpəs nokum də ma genegenekum də gəɓa zukum pakə, məza də mambray ɓa ha gap pay naziya na Ɗəfdaya nam Zezu Krestu.

1Timote 3:10

Say kretiyenɗe dulenin gin ɗii net lewlew tagay. An wən tayaket ɓa, asna də gimin gən aka wəza kana.

1Timote 3:2

Ɗəfdaya net na, adawsan də wən akan ɓa, dəsan dət guluk taka, məzərma zəni, məs maɗulani, məs də goŋga məgəɗ zəga də tive nani, məzutaf melekeɗ annanda, məs dəsən wərba zəga sit ɗiiyi.

1Timote 5:14

Vi wən vas kəŋka, naw nəŋgəl na ɗəɗaah gil zemvit vas dəkayaŋ zel əmpa'a dəwaŋ gən kirni, dəgayaŋ gən də wərma gəla neti, vi məzu zelmən adawrəhaŋ tive nawpel mbrayen akam ɓa.

1Timote 5:20

Məzəɗɗaŋ mambray pak say a hayyet karet kretiyenɗe pakə, vi ɗii məs dəppaŋ də geslne'eŋ gəni.

1Timote 5:7

Aski kan kədawnah sit gil net gəbayɗe, vi ɗəf adawrəh wən nawhayẽt akan ɓa.

Titus 1:6

Daya net kretiyenɗe, say dəsan ɗəf məs tay də wən akan ɓa, dət guluk taka, an kirin tahəŋ, dəsoŋ məzutafaŋ, adosoŋ məɓoŋgit ɓa də wədaw mbrayen ɓa, məza apprəmaŋ ɓaɓa.

Titus 2:10

Adaw halaŋ sitin ɓa, amma dərbanən zit na məɗɗaŋ mogonəŋ də wəga zit təstəssə, də ɗiiyən gən ki zəga narba pak na, Maŋgəlvayi məzukoh gəmə.

Titus 2:15

Wən aski kan kədarbani, asəɓsiti, ahayẽti də sembe nok grakə. Kədapan ɗəf səmbet wəzelok ɓa.

Ibriɗe 7:26

Zezuwi məs dələv metiŋgini, də sembe nawtər səm wəray nam pakə. Salalayi*, mambray taya zan ko suɗike ɓa, awɗakək dit məɗɗaŋ mambraya, məslani a disiŋ ki disiŋ.

1Piyer 2:12

Wədaw nokum dəsan mogon aweleŋgit ɗii məs dəsənən Maŋgəlva ɓeŋki, an aɗikumənək va məɗɗaŋ mambraya, an tahəŋ ulanən wəza mogon nokum, wagakdakanən Maŋgəlva pay adazani.

1Piyer 2:9

Amma nokum munokumtə əlfa an muwelin, munokumtə məs dəlvəŋge na məlĩya, ɗii yen salala, na Maŋgəlva kənanaŋ. Agil gukumək səra guzliyo, akukumək ara təki babar nan nagət akani. Awel kumuko ka kəpelin gən wənna wəza nan məs mogonəŋka.

2Piyer 3:14

Vi vaski bayneŋgiɗwa, dawga pay naməŋka məsok zukum kəsoŋ gən salala, məza də mambray azokum ɓa aba Maŋgəlva, məsoŋ zay dəndəni.

Hənhən 2:5

Aɗumon əza məs kəzə ki tive, apan mambray noko, adaw va məs kədaw dabəŋ. An kəzaɓan makrok ɓana, wanəzawrəhko, wanəgəm zəga naɗi pitirla nok sə gəlani say an kətubika.

Hənhən 3:9

Aŋki zəga məs nədawgəɗ sit ɗii na Satan, məs tepelkeɗi məɗəyən zit na Yahudiyenɗeŋ, mbaraka na Yahudiyenɗeŋ ɓa, wanəgəɗ sit dewle dəzoŋ gən wəkdukun takpret aboko də gakdokokun gəni. Wasənən na nəŋglukuko.