Filipi 2:14 - Nouveau Testament en Guidar

¹⁴ Adəv wəza nokum kəɗɗaŋ wərwər aka Maŋgəlva ɓa, kəɗɗaŋ kuzuŋ aka aŋgla nan ɓa.

Bible en Guidar

¹⁴ Məɗɗa zəga pak məza də wərwər gəm əŋzla ma ɓa.

Filipi 2:14 ပူးပေါင်းရင်းမြစ်များ

Matiye 20:11

Atafənək də wəɗɗa wərwər aka affən gulyo.

Markus 14:5

Va təvələk mel nan tərah gən suleyɗe səkat hoku na ɗəɗaah ɓasa, təpsit gin məs saheŋɗe, watər wəray kəta. Vaski aɗɗaŋ wərwər akata.

Markus 9:14

Adan agapaŋ azet gewleɗ meɓɓeti, awleninik ɗii diiɗa akdahaŋgək kiyit karkar. Yaŋ məsənaŋ zəga na ma henziŋ adawbayaŋ ma dənɗaŋ.

Luka 5:30

Dətaf makret Farisiyenɗe* dit məsənaŋ zəga na ma henziŋ ɓa, vini anah sitin gewleɗ nan na: Vi mi kədawzəmaŋ dit mətafaŋ zəga may məɗɗaŋ mambray pakəŋ di?

Wəza net Masləŋɗe 15:2

Pol də Barnabas abayaŋgək ma dənɗaŋ diiɗa aka wənnəs sawɓa. Vini aslereŋ də Pol gəm Barnabas dit ɗii na Antakiya meɓɓeti, dəmbataŋ gən a Zerusalem wədawtawan wənnan dit masləŋɗe gəm ɗii gugiriɗ net Kretiyenɗe.

Wəza net Masləŋɗe 15:39

Wən memeɗeŋ agəɗək awaleŋgti, ha awɗakaŋka. Barnabas agəmək Markus, atoŋgoŋguk adəv bəlay ambataŋgək a Kiprus.

Wəza net Masləŋɗe 15:7

Adan anziyaŋ aka wəpelən wənnani, Piyer asilke, amna: Milmiŋgiɗwa kəsənənka daga farfarə Maŋgəlva awelwəka, nərban gən labara nenek azet ɗii məza Yahudiyenɗeŋ ɓa, dəpprəmən gəni, dətafən gəni.

Wəza net Masləŋɗe 6:1

Pay nan dəpaska, ɗii məzu tafaŋ tahəŋ wənzləraŋ pay pakə, wəgay agəɗək aka waleŋgit Yahudiyenɗe məzupeleŋ ma Grek, dit Yahudiyenɗe na walaŋ gəla. Yahudiyenɗe məs dəsənaŋ ma Grek aɓɗaŋ na: Gil net gəbayɗe nam awrəhaŋ way va adawɗakən pay pak ɓa.

Roma 12:18

Məsok zukum va kəda ɓapən pakə ni, vi kəsoŋ gən zam dit ɗii pakə.

Roma 14:1

Ɗəffan tay də wətaf nan də sembe ɓa, mərma awaloŋkum, amma kədaw zelenən wəɗum nan ɓa.

Roma 16:17

Amma əntatə kamokum milmiŋgiɗwa, məzi zukum azet ɗii məziweŋ aka wən nawɗeket ɗiiyi naw zet ɗii məs dətafaŋ, məzu zelin zəga məs kəyaganən kəsənaŋ. Məsla zukum səzet ɗii net faraɗa.

1Korintus 10:10

Kədaɗɗaŋ wərwər aka Ɗəfdaya vanet ɗii meɓɓet suweleŋgit ɓa, maslay namta azetike.

2Korintus 12:20

Geslne duwəka, pay nədadaw annokumda, nərəh kum na aka tive nan va nəŋgəl ɓa, nokum bo kərəh wənna va kəŋglaŋ ɓa. Geslne duwəka, pay nəda zaw annokumda na: Wanərah wəgaya də kotoroku də wəda gədəva də əlpa də əpel mbrayen də tepelke, də wəgadakan zə ɗəffa də ɗarɗar pak awaloŋkum.

Galatiyen 5:15

An menokum tatə zelin zukum, menokum tatə weharan zukum, wəzəm zukum va zigeɗ nawra. Məzi zukum vi kəɗasɗəkən zukum ɓa.

Galatiyen 5:26

Kədampaŋ sənən zukum ɓa, wədda gədəva də kotoroku adaw san ɗaah awaloŋkum ɓa.

Filipi 2:3

Ko mi adaɗɗa də wəgay ɓa, walla də wekaɓ ɓa, amma də wəɓegən ki zukum də ula ɗii meɓɓet day kiko.

1Tesaloniki 5:13

Məgakdaketi, məŋliwe, vi wəza məs adaɗɗaŋ awaloŋkum.

1Tesaloniki 5:15

Məzi zukum ɗəf adamnda gan sən ɗəf mambray də mambray ɓa, amma məsban wəɗɗa mogon pay pak awalaŋ zukum də azet ɗii pakə.

Ibriɗe 12:14

Məsok zukum wəsuwa zamə dit ɗii pakə. Məsok zukum wəmbat abe də salala, an də wəsuwa vaski ɓana, ɗəf tay nawla Ɗəfdaya ɓa.

Yakob 1:20

Vi ɗəf mədə gədəva, aɓapna wəɗɗa zəga nenek zə Maŋgəlva ɓa.

Yakob 3:14

Amma an kotorok taya zokum, an makrokum tay mbrayen, an wəɗum nokum pak say aka zukumi kaaka'ə, kədawɓay gənən ki zukum ɓa, kədawwaŋ tepelke vi kawzla ki goŋga ɓa.

Yakob 5:9

Milmiŋgiɗwa, kədaɗɗaŋ wərwər aket ɗii meɓɓet ɓa, vi Maŋgəlva bo adawtaw kita akokum ɓa. Mətaw kita tay ziwe, amadamba manaka toŋgo.

1Piyer 3:11

Say dəppan gən mbrayen dəgəɗ mogoni, dəkayan gən zam də gurom nan pakə.

1Piyer 4:9

Mətaf zukum eŋgil annokumda va melekeɗi, məza də wərwər amban ɓa.

Zuda 1:16

Ɗii veti, tahəŋ wəpeleŋ wərwər aket ɗii məs dəmbraŋ, tahəŋ wəɗi sitin mambraya. Tahəŋ əsbanən wəsim zəga net mbrayenəŋka, tahəŋ əgakdakanən ziti, tahəŋ wəɗiyən kiziti, vi dərəhaŋ gən an məs aŋglaŋ.