Filipi 2:11 - Nouveau Testament en Guidar

¹¹ Ndəɗaŋ pak waɗɗaŋ saydawa na Zezu Krestu Ɗəfdaya, gakdak na Maŋgəlva Affəni.

Bible en Guidar

¹¹ Ma pak dənahgən na Dayay Yesu Kristu, ka gagdak na Maŋgəlva Afəni.

Filipi 2:11 ပူးပေါင်းရင်းမြစ်များ

Matiye 10:32

Ko naway dənah wənnawa abet ɗiiyi, wanənah wənnan tam aba Affu na disiŋ.

Luka 2:11

Dəfɗəŋki, muwa məzu koho vi kum awalaŋ gəla na Davit, ndəni Krestu Ɗəfdaya.

Yohanna 12:42

Ko aweleŋgit Yahudiyenɗe bo ɗii diiɗa atafənək Zezu. Amma dərbanən zit ɓa, vi geslne net Yahudiyenɗe, vi ada rohən met sədəv gəla na zuli net Yahudiyenɗe ɓa.

Yohanna 13:13

Munokum tatə yəwənna mərbə zəga may Ɗəfdaya, Vaski gesiŋ bo, vi vas nan gesiŋ.

Yohanna 13:14

Vi vaski, an mərbə zəga nani, wala Ɗəfdaya, wanəskoɓ təlkum sa, an vaski na aslək kəskoɓən gən təl zukum.

Yohanna 14:13

Ko mi kəssohoŋ də iya nawa, wanəɗa, vi Wətən dərban gən gakdak na Affən.

Yohanna 14:23

Zezu azlan sənəka: Ko naway dəŋgəluwa, aɓe sənək wəpel nawa, Affu waŋgluwa. Affuwa ina, waməde waməsam dəndən.

Yohanna 17:1

Yaŋ adan Zezu agrak wənnəs pakə. Aslanək haran a disiŋ, amna: Aw Əbba, pay naw agapka. Arban gakdak na Wətuko, vi Wətən bo dərban gən gakdak noko.

Yohanna 20:28

Tomas azlan sənəka: Ɗəfdaya nawa, Maŋgəlva nawa.

Yohanna 5:23

vi ɗii dəgakdakanən gən Wətən va ada gakdakanən Affən məs dəsləna, ɗəf məs aw gakdakan Wətən ɓa, agakdakan na Affən məs dəslən ɓa.

Yohanna 9:22

Migilin anəhaŋ vas na vi tahəŋ wəgeslne'eŋ, sit ɗii gugiriɗ net Yahudiyenɗe. Vi ɗii gugiriɗ net Yahudiyenɗe aslereŋgək na, an ɗəf asənək na Zezuwi Messiya* wagil gənən sədəv gəla nawpel wənneti.

Wəza net Masləŋɗe 10:36

Kəsəŋ gənək wən məs asləŋ sit ɗii na Israyel, arban sitik labara nenek ziti, va wənah na zam adek də Zezu Krestu Ɗəfdaya net ɗii pakə.

Wəza net Masləŋɗe 2:36

Vi vaski say Israyelɗe pak dəsənən gesiŋ na, Zezu wəŋka, ndəni məs kəkpa'aŋ aka wəlaŋga məzliwrihe, ndəni Maŋgəlva aziw gəni dəsan gən Ɗəfdaya Messiya.

Roma 14:11

Vi Ɗerewel na Maŋgəlva anahək na: Gesiŋ nulek ɗii pak tahəŋ wəkdukun matakperet abawa, ko naway wanah də wəlan dayadaya na əntə Maŋgəlva. Vaski Ɗəfdaya anahə.

Roma 14:9

Krestu amtəka, asilik səkəti əmta madarani, vi kawsan Ɗəfdaya net ɗii məmtiti dit ɗii maderet pakə.

Roma 15:9

Ade na, vi ɗii məs Yahudiyenɗeŋ ɓa dərəhaŋ gən wəgakdakan Maŋgəlva, vi mogon nan məs agəɗə, va ɗerewel məsvan anah na: Vi vaski wanəgəɗ suk usoko aweleŋgit ɗii məs Yahudiyenɗeŋ ɓa. Wanəya gəlya naw gakdakan iya noko.

1Korintus 12:3

Ndəni nəŋgəl kəsənən gən na: An Əmpəs na Maŋgəlva armak ɗəffa, ɗəf nan aɓapna ənah na: Zezu məray gəni ɓa. Vaski bo ɗəf aɓapna ənah na Zezu Ɗəfdayayi ɓa, say an əmpəs na Maŋgəlva taya makrani.

1Korintus 15:47

Adamu an dabəŋ məɗɗan də dəlva fuŋgi. Adamu ma sula'ən ha sə disiŋ ade.

1Korintus 8:6

Də as pakə, nam Maŋgəlva taka kaaka məsənə, Affən məs dəɗɗa zəga pakə, azani məda milyamə. Vaski bo Ɗəfdaya takayi ndəni Zezu Krestu. Dəndəni məɗɗa zəga pakə, dəndəni bo mədawrəh zeŋgille meleketeni.

1Piyer 1:21

Vi zəzay nani kərəhən ətaf Maŋgəlva, Maŋgəlva məs dəsil gən sətəki əmta, apsənək gakdaka, vi wətaf nokum də wəɗum nokum dəsan gən aza Maŋgəlva.

1Yohanna 4:15

Ko naway məs dənah na Zezu Wətən Maŋgəlvayi*, nan Maŋgəlva wasan amakrani, nan bo wasan amakra Maŋgəlva.

1Yohanna 4:2

Məpprəma tive məs kədaw ɗeketin na aŋki Əmpəs na Maŋgəlva: Ko naway dəgəɗ saydawa də man na Zezu Krestu akpaŋgək ɗəffa, adek aka dəlva, asna ndəni əmpəs məs dəde səza Maŋgəlva.

2Yohanna 1:7

Məwaŋ tepelkeɗ tahəŋ ko aŋga pakə. Dəŋgereŋ ətafən na Zezu Krestu adek də gəɓa zənni ɓa. Ndəni kan mədawsən məwə tepelke də məzuzel na Krestu.

Hənhən 3:5

Ɗii məs dədayaŋ ki zəga nan pak waguloŋ lukutɗe baberɗe, nəviyan na iya net sədəv ɗerewel na zeŋgille ɓa. Amma wanənah aba Affu gəm abet maslayɗe net na, ɗii nawəŋ.