Filipi 2:1 - Nouveau Testament en Guidar

¹ An ɗəf asɓokumək də iya na Krestu, an apel sukumək də əŋgla wakətafən sa? Munokum tatə gakdakanən wəsap məs Əmpəs na Maŋgəlva asapaməŋ sa? Munokum tatəŋgluwən zukum sa? Munokum tatulaŋ saha aka zukum sa?

Bible en Guidar

¹ An əsap nokum də Kristu tay əɓəlokum kana, əŋgla nan tay əsɓokum, kəsapaŋgək də Zeŋgile Salala, kəŋgluwənək zukum gəm ulasahã tay a walaŋkum,

Filipi 2:1 ပူးပေါင်းရင်းမြစ်များ

Luka 2:25

Ɗəf maɓɓan taya daka, iya nan na Simeyoŋ, ɗəf təstəssi, tay ɓesən Maŋgəlva, tay ga ɗəffan nawkoh git ɗii na Israyel. Əmpəs Salala tay dəni,

Yohanna 14:18

Nəpokum na katər gukum va mətuɗeŋge ɓa, amma wanəmil azokum.

Yohanna 14:27

Intatə pokum də zamə, əntatə pan sukum zam nawa. An məs nədapsukum, tay va an duniya adapsən ɓa. Makrokum adazlab ɓa, kədaw geslne'eŋ ɓa.

Yohanna 17:13

Kakaŋka əntatə mbat azoko, əntatə pelin pak daga əntatə a duniya tagay, vi wənnek naw dəkna gən amekreti.

Wəza net Masləŋɗe 2:46

Ɗii na Maŋgəlva pak tahəŋ wəkalaŋ adəv gəla metiŋ naw zuliya* də gəla net pak adakalaŋ adawzəmaŋ. Tahəŋ wəzəmaŋ də wənneken ziti, də makret taka.

Wəza net Masləŋɗe 4:32

Ɗii na Maŋgəlva akpaŋgaŋgək makret taka, maɗulet taka. Ɗəf tay dədawnah na aŋ arya nawi katər gən ɓa, amma asapanənək arya net pakə.

Roma 5:5

An məs mərəm amakraməŋ arbəsəm na wil ɓa. Vi Maŋgəlva arban səmək əŋgla nani, apsəmək Əmpəs nani.

Roma 8:26

Əmpəs na Maŋgəlva tay baah səmə, vi mədakəm mənani. Məsən wəzuli sən Maŋgəlva va an də slə ɓa. Əmpəs sən kiyən tay zuli sən Maŋgəlva vimə, də ma net ɗiiyi ɓa.

1Korintus 12:13

Mənam pakə, Yahudiyenɗe dit ɗii məs Yahudiyenɗeŋ ɓa, balemɗe dit ɗii məs balemɗeŋ ɓa pakə, mərahək baptem də əmpəs məs taka naka, ka vi məsap gən adəv gəɓa zə ɗəf taka, mənam pak məkpaŋgək ɗii məsaaŋ əmpəs taka bo.

1Korintus 15:31

Milmiŋgiɗwa, gesiŋ vaski nədaw ɗi kikum aba Ɗəfdaya nam Zezu Krestu, pay pak in tatadəv əmta.

1Korintus 3:16

Munokumtə gəla metiŋ naw zuliya* sən Maŋgəlva, kəsənən na Əmpəs na Maŋgəlva taya makrokum ɓa sa?

2Korintus 2:14

Soko sən Maŋgəlva, vi zəzay na Krestuwi pay pak tay ku malaka nawa an nawday kini. Vaski adaɗɗa səmə, ka mərban gən labara nan ko aŋga pakə, zəga məs mərbanəŋ tay əknah adəv dəlva va məŋgən zəga mogoni.

Galatiyen 4:6

Vi nokum kirtin Maŋgəlva kənanaŋ gesiŋ. Maŋgəlva aslənək Əmpəs na Wətən amkaramə, Əmpəs məzuɗi geŋgere na: Əbba!

Galatiyen 5:22

Amma uwa na Əmpəs na ndəni: Wəŋgla, wənneke, zamə, wəɓəsən, ula saha, wəɗɗa mogoni, wəɗɗa zəga də tive nani,

Efesus 4:4

Munokum pak kərəhaŋgək əmpəs taka, gəɓa zukum bo takayi, vaski wəɗum bo takayi, də an məs Maŋgəlva ayukyum.

Filipi 1:8

Maŋgəlva asənək pak goŋga nədawnaha, pay nədawnah na nəŋgulukumək diiɗa də ula saha na Zezu Krestu.

Filipi 3:3

Vi mənamtə ndəɗaŋgəŋ ɓa, mənamtə ɗii məs dəsklaŋ awra an də goŋga, mənamtə məɗɗaŋ wəza na Maŋgəlva də Əmpəsa, gakdak nam aka Zezu Krestu məɗiya, nam ɗii narban gəɓa zəm mənan ɓa.

Kolosi 2:2

Nədawgay vasna kəsoŋ gən ɓəlɓələ də wəsap adəv wəŋgla, kəkpaŋgaŋ gən ɗii məziweŋ aka goŋga pakə, dəsənən gən wən məɗama na Maŋgəlva ndəni Krestu.

Kolosi 3:12

Kəkpaŋgaŋgək ɗii na Maŋgəlva aŋglukumko, awelkumko. Vi vaski nokum bo məsoŋ də ula saha aket ɗii meɓɓeti, məzu ɓe'eŋ sitin ɗii yi, də wən mogoni, məzu ɓəsən wənna.

Ibriɗe 6:18

Zəga tay sula apəl naɓa, ndəni wən minani də wəsuwaya, Maŋgəlva awəna wən dənɗaŋ ɓa. Ndəni dədasɓamə, mərma gən wən an nawga an məs apsəmə.

1Piyer 1:2

Kəkpaŋgaŋgək muwelkum vi wənna əŋgla na Maŋgəlva Affən. Əmpəs nan aɗukumko kəsoŋ gən məzəsbanən Zezu Krestu, vi mbel nan dəskoɓ kumən gəni. Mbəlembəle də zam dənzlər sukum.

1Yohanna 3:24

Ɗəf məzəsban ma henziŋ na Maŋgəlva, nan asapək də Maŋgəlva, Maŋgəlva bo tay san amakrani. Maŋgəlva apsəmək əmpəs nani, dəndəni mədaw sənən na Maŋgəlva tay də mənamə.

1Yohanna 4:12

Ɗəf tay dula ɗaah Maŋgəlva ɓa. Amma an məŋglumək zəmə, asna Maŋgəlva wasan də mənamə, wəŋgla nan bo wagəɗ wəza amakram an məs aŋgəl pakə.

1Yohanna 4:16

Nam bo məsənəka mətafək na Maŋgəlva aŋgələməka. Maŋgəlva əŋglayi, ɗəf dədawsan də əŋgla pay pakə, nan taya makra Maŋgəlva, Maŋgəlva bo taya makrani.