Filipi 1:7 - Nouveau Testament en Guidar

⁷ Aslək azaw nəɗum gən akokum vaska. Intatə ɗikum amakrawa, munokum pak kərəhaŋgək mbəlembəle məs Maŋgəlva avayə, ko kakaŋ bo, va pay məs nəsaw a daŋgay, nəɗɗak saydawa na Wən Neneke ko va nəsaw nakiyu nawtakən walla naw ɗi Wən Neneke.

Bible en Guidar

⁷ Aslək azaw nəɗɗumgən akokum pak vaska. Nəɗikumuk a makraw munokum pakə, addivit ngiyamɗe nawa, addəv əsok zu narban Alabara Nenek dəsangən ɓəlɓələ, kərəhaŋgək mbəlembəle məs Maŋgəlva avayə.

Filipi 1:7 ပူးပေါင်းရင်းမြစ်များ

Wəza net Masləŋɗe 20:23

Amma zəga taka an nəsən harana: Əmpəs Salala tay nah su na, ko aŋga pak ngiyamɗe də bonoy tay narəwa.

Wəza net Masləŋɗe 21:33

Yaŋ daya net sozeɗ ambat gu'o də Pol armaka, apsit na minan dit ngiyamɗe sula. Yaŋ assoheti: Naway di? Ma gəɗ di?

1Korintus 13:7

Ɗəf məs də əŋgla, waɓəs zəga pakə, ətaf nani də məs adaɗum nawga, də əɓəs nani pak avir sən na ɓa.

1Korintus 9:23

As pak nədaɗɗan na vi labara neneki, ka nərah gən haran naw səza zəzay nani.

2Korintus 3:2

Munokumtə letər namə, məverkum amakramə ɗii pak waɓapən əŋɗani də əsəni.

2Korintus 7:3

Nədawnah vasna kawtaw kita akokumi ɓa, nənahək dabəŋ na, makram akol sukumko vi məsam gən matakə ko də əmta ko adəv zeŋgille.

Galatiyen 5:6

Vi an məsapək də Krestu wəskəl awra atərna wəray ɓa, ko məs dəskəl awra ɓa pak atərna ɓa, say wətaf an məs dəsap də wəŋgla.

Efesus 3:1

Vi vaski, in Pol mədaŋgay na Zezu Krestu nan vi zam nokum munokum ɗii məs kəsənən Maŋgəlva ɓa, əntatə kaman Maŋgəlva.

Efesus 4:1

Vi vaski, mədaŋgay nan vi nədaɗɗa wəza sən Ɗəfdaya; Vini nəda kamokum kədawaŋ gən va an dəslə azokum va Maŋgəlva məs dəyukum asani.

Efesus 6:20

Ko də nəsaw mədaŋgay kakaŋ zlaŋ, masləŋ nani ka nəɗɗa gən wəza na labara Neneke. Mezuli viwa ka nərban gən də zu soksoku va annah su nəɗɗa gəni.

Filipi 1:12

Milmiŋgiɗwa, nəŋgəl kəsənən gəni, an məs dəgəɗ azawa, vi dəɓay gənə gən Wən Nenekki.

Filipi 1:13

Ha gap a daŋgay ɗii mətawaŋ kita dit məsənaŋ zəga pak asənənək na, nətoŋ a daŋgay na vi nədaɗɗa wəza sən Krestuwi.

Filipi 1:14

Milməŋgiɗu diiɗa məs dəŋgluwən Ɗəfdaya adan awluwən a daŋgay asɓanənək ziti, tahəŋ wəmbataŋ abe abe, ha wəpelin wənna Maŋgəlva məza də geslne ɓa.

Filipi 1:5

vi wəbaah mes kəbaahaŋ suwən de wəbalan Wən Neneke, daga wətəŋ nani, ha kakaŋka.

Filipi 2:22

Kəsənənka va an Timote agəɗə, aɗɗak va wiyən adaɗɗa wəza sən affəni, vaski agəɗ su wəza vi Wən Neneke.

Filipi 4:14

Amma kəɗɗaŋgək mogon də wəbaah su kakaŋ adəv wən tattuwãh nawa.

Filipi 4:15

Munokum ɗii na Filipi, kəsənənək lewlewi, pay nətəŋ wəpel Wən Neneke, səza nəgil sə Makedoniya, kretiyenɗe tahəŋ də sapaŋ də nakkal zəga də wətaf zəga nan ɓa, say munokum kaaka'ə.

Filipi 4:3

Ya nok bo is məzəɗɗa wəza də inkəŋkə, əntatə kamoko: Abaahsit gil məzəɗɗaŋ wəza na Wən Nenek də inəŋki gəm Kelemaŋ dit ɗii dambərgit məɗɗaŋ wəza də ina, iya net tayadəv ɗerewel na zeŋgille.

Kolosi 4:18

Əntə nəver wənnəŋ də vawa. Nəsɗokumko, kədasgətaŋ kiyu ɓa a daŋgay nani! Mbəlembəle na Maŋgəlva dəsan də munokum.

Kolosi 4:3

An munokum tatə zuliyaŋ na, məzuli viyəm tamə, vi Maŋgəlva də zaɓan su gən tive narban labara nani, nərban gən wən məɗama na Krestu. Vi wənna wən məɗama nan vani nəsaw a daŋgay.

1Tesaloniki 5:5

Munokum pak kirtin təki babar kənanaŋ, kirtin kapay kənanaŋ, ɗii nara guzli kənanaŋ ɓa, walla na dəfəɗ ɓa.

2Timote 1:8

Wil adawdukun daɗɗa saydawa aka Ɗəfdaya ɓa, walla daɗɗa saydawa akaw innəŋ mədaŋgay vinəŋ ɓa. Say nok dərəŋ na agəm hara bonoy noko, vi labara nenek va məs Maŋgəlva apsuko.

2Timote 2:9

Vi wənna labara nenek nani nədarə wəsaa bonoy, minawi də ngiyam va məgəɗ mambraya, amma wəpel na Maŋgəlva aynə na ɓa.

Filemon 1:13

Nəŋgələk wəppan azaw dəgəɗ suwə gən wəza va məs kəgəɗ su pay nəsaw a daŋgay vi Wən Neneke.

Ibriɗe 3:1

Munokum milmiŋgiɗu kretiyenɗe, məs Maŋgəlva ayə nawtoŋgukum məlĩ nani, məɗumon wənna Zezu an Maŋgəlva aslən dəsan gən daya net məs dəlveŋge də wətaf an məs mədarban wənanəŋka.

1Piyer 4:13

Amma məneken zukum, vi kəsapaŋgək də Krestu adəv wəzəm saha nani, kərəhaŋ gən wənneken zukum, pay adarban zən də gakdak nani.

1Piyer 5:1

Kakaŋ na, intatə səɓ sit ɗii gugiriɗ net kretiyenɗe suwaloŋkum, naw bo ɗəf daya nani. Məgəɗ saydawa na wəzəm saha na Krestu nani, wanərəh haran naw aza gakdak məs Maŋgəlva adarban səmə.

2Piyer 1:13

Amma nəɗumonək na mogoni an əntat aka dəlvəŋka, wanə məs wəfɗohokum.

1Yohanna 3:14

Məsənka məzarək səza əmta mətoŋguk adəv zeŋgille. Məsən vasna, vi məŋglu milmiŋgiɗmi. Ɗəf məzel məlməni, nan dəɓəl wəzar sətəki namta ɓa.