2Timote 4:8 - Nouveau Testament en Guidar

⁸ Kaakaŋ na zəga nawrəh na ɗəf məs dənzan dabəŋ tay guwa: Ndəni mətər kiya na gakdak məs Ɗəfdaya mətaw kita də goŋga adawvaya, pay nawtaw kita nani. Suwi adawvay kaaka ɓa, amma sit məzu ganən pak də wəŋgla pay məs adarban zəni.

Bible en Guidar

⁸ Kakaŋ na mətərkiya na təstəs tay zaɓɓa viwa, məs Daya mətawwən an təstəs adapsu pay nani, suwi kaka ɓa, sit ɗiy en məs dəŋglunən əzza nan pakə'e yi.

2Timote 4:8 ပူးပေါင်းရင်းမြစ်များ

Matiye 24:36

Ɗəf tay dəsən pay adazan ɓa walla wənziya na pay nan ɓa. Ko maslayɗe na disiŋ, ko Wətən, say Affən kaaka dəsəna.

Matiye 7:22

An pay nan agapka, ɗii diiɗa wanahaŋ na: Ɗəfdaya Ɗəfdaya məpelik wənna Maŋgəlva də iya noko, mərɓihik tuyeŋɗe də iya noko məgəɗək sokeneɗ diiɗa də iya noko.

Luka 10:12

Intatə nah sukum, pay wəgrak dəlva, kita naka walaŋ gəla na sodoma wasan ɗəɗaah ki na walaŋ gəlaŋ nan də tattuwãha.

Roma 2:5

Amma makrokum ɓəlli kəngereŋ ətubi ɓa. Də wəɗɗa vaski kəda tattuwãhnən kita na Maŋgəlva diiɗa akokum pay adarban zən də wəda gədəv nan də kita nan an də goŋga.

Roma 8:23

Duniyayi kaaka ɓa, amma də mənam kirtin əmpəs na Maŋgəlva məs wəvəl nan dabəŋ, mənam tatənɗəsa. Mamaka əŋgla kaw sam də Maŋgəlva va kirtini, amamək səza wəzzan gəɓa zamə.

1Korintus 2:9

Va ɗerewel anah na: Zega məs hara ɗəf dula ɓa, məs sləma ɗəf dəpprəm ɓa, ɗəf tay naɗum wənnan ɓa. Maŋgəlva azaɓan sitik ɗiiyen dəŋgluwəni.

1Korintus 3:13

Vaskana, ko naway pak wəza nan warban zən payan məs məɗiyən vi kita, vi payan dəpaska, offo warban wəza na ko naway pak va aɗɗa, offo wasla wəza net ɗii taka taka pak va asani.

1Korintus 9:25

Ɗəf məs dəŋgəl dəday gən pak na, say dəsok zən əyagan ənzuwa pay pak dayadaya, vi dərah gən mətər kiya na gaslamba məs naw ɓəta. Amma namə mənam tatəɗum na, a mərah mətər kiya məza aray na ɓa.

2Korintus 5:2

Daga mədaw sam a duniya, mənam tatənɗəsa. Mənam tatezelen wətoŋ adəv gəla məs dəde sə disiŋ.

Filipi 3:11

Vi nəgap gən naw silyaw sətəki əmta də zeŋgillewa.

Kolosi 1:5

Pay sən labara na Wən Nenek agap anokumda, dabəŋ mərban sukum wənna wəga zəga nani. Ndəni bo wətaf nokum də wəŋgla nokum pak kəɗiyənək aka zəga məs kədawgaŋ, məs Maŋgəlva azaɓan sukum a disiŋ.

1Tesaloniki 1:10

Munokum tatə ganən Wətən dəde gən sə disiŋ, ndəni Zezu məs asil gən sətəki əmta, dəsan də zeŋgilleni, ndən dədawkoh gəm səma wəda gədəv na Maŋgəlva məs dədazani.

1Tesaloniki 5:4

Amma nokum, milmiŋgiɗwa, ara guzli kənanaŋ ɓa, vi pay nan adazan azokum mədəgirzike va məhal ɓa.

2Tesaloniki 2:8

Ɗərɓagan kana, ɗəf mbrayen nak warban zən kana. Amma Zezu Ɗəfdaya nam wabay də əmpəs na mani, wazani pay adarban zən də wəziya nani.

1Timote 6:19

Də wəɗɗan vaski adawzaɓanən zəga net mogon də sembe vi pay məs dədazani vi dərəhaŋ gən zeŋgille an də goŋga gesiŋ.

2Timote 1:10

Amma kakaŋ na arban səmək də wəziya na Zezu Krestu, məzukohgəmə. Zezu Krestu agrakək sembe na əmta, arbanək zeŋgille məza amta ɓa, ndəni labara nenek adarban səmə.

2Timote 1:12

Vini nədawssaa bonoyəŋka. Amma bonoy nan geslne duna sən ɓa, vi nəsənək an məs nətafə gesiŋgi də sembeyi nawga məs avayə, ha gap pay na kita adazani.

2Timote 1:18

Ɗəfdaya dəbaah səni dərah gən riba mogon səva Ɗəfdaya pay wəziya nani. A Efesus agəɗ suwək wəza mogoni, nok bo kəsənək wənnani.

2Timote 2:5

Vaski bo də ɗəf məzənzan kawrəh zəga. An dəsban dawka mərban ɓana, arah na zəga nan ɓa.

2Timote 4:1

Intatə komoko aba Maŋgəlva də Zezu Krestu məs dəda taw kita aket ɗii mimtiti dit mederet pakə. Wade gesiŋ vi kawziwgin məlĩ nani. Vini kan nənah suk na:

Titus 2:13

Mənam tatə ga an mədaɗum akani, tay də nenek akan də wərban akdak na, Maŋgəlva metiŋgini, də məzukohgəm Zezu kertu.

Ibriɗe 12:11

Pay adawhãyam na, mənam tatə nan tuwãhə, zəm awsan nek ɓa. Amma dərɓagan na ɗəf məs dəpprəm wə hay nan pak na, mogoni akpaŋgetik ɗii məɗɗaŋ wəza məs mogon ama harani, aki səmək zamə.

Ibriɗe 9:28

Vaski bo Krestu apsən zeŋgillen təl taka vi kaskoɓ mambray net ɗii diiɗa səka dəlva, warban zən ma sula'ən, ya nan vi kapay mambrayi əmpa ɓa, amma vi kawkoh git ɗii məs dədawganəni.

Yakob 1:12

Zəzay aza ko naway məs dəɓəs wən tattuwãha, an asanək də sembe aɓəsəka, warah zəŋgille va an Maŋgəlva anah na wapsit ɗii məs dəŋgluwəni.

1Piyer 1:4

Məneken səm zəm vi zəga naw zəm gəla, an məs Maŋgəlva aɗi sit ɗii nani, zəga nan aŋgənna ɓa, haramba arma azan ɓa, awrayɓa, wasan ha faɗə. Maŋgəlva azaɓan a disiŋ na vikum.

1Piyer 5:4

An məzutaɗa an daya adek na, wakərəhaŋ mətər kiya an də gakdaka, an məza awray ɓa.

Hənhən 1:7

Awla tayəzan aka slay buna, ɗii pak wawlanəni. Dit ɗii məs dəppanən wənnan pak zlaŋ wawlanəni. Ɗii naka dələv pak waskaŋ morkoyo aka wənna əziya nani. Vaski wagəɗ vaska.

Hənhən 19:11

Yaŋ nula disiŋ akolko, pələs babar taya dak zuwwe, ɗəf nakani ndəni ɗəf təstəs də goŋga. Tay taw kita nani, tayəɗɗa wəgay nan va an dəslə.

Hənhən 2:10

Kədaw geslne'eŋ vi bonoy məs dədaw rəhkum ɓa. Apprəma, Satan wasluko wasget ɗii meɓɓet sə walaŋkum diiɗa a daŋgay hagap pay klaw. Asok də goŋga hagap wəmta noko, wapsuk mətər kiya na zeŋgille.

Hənhən 22:20

Ɗəffan məs dədaɗɗa saydawa aka goŋgaŋ pak amna: Gesiŋ gu'o nan aza əzawa. Ha'aw dəgəɗ vaska! Ade Ɗəfdaya Zezu!

Hənhən 4:10

Ɗii gugiriɗ kaklaw sula kiyit poɗo nek akdukunək takperet aba ɗəf məs dəsan aka mazaŋga na məlĩ naka, tahəŋ wəzuliyaŋ sənən ɗəf məs nawsan ha faɗ naka. Tahəŋ wəsganən mətər kiya net aba mazaŋga na məlĩ naka, tahəŋ wənahaŋ na:

Hənhən 4:4

Mazaŋgeɗ tahəŋ kaklaw sula kiyit poɗo tuwəɗ ki mazaŋga na məlĩ naka, ɗii gugiriɗ tahəŋ kaklaw sula kiyit poɗo tuŋ tuŋ aket mazeŋgeɗ neki, dit lukutɗe baberɗe azeti, də mətər kiya na meleŋge.