2Timote 4:18 - Nouveau Testament en Guidar

¹⁸ Gesiŋ, Ɗəfdaya wakoh gu səza mambray pakə, wagap gu azam adəv məlĩ nan a disiŋ. Gakdak nani pay pakə ha faɗə. Amin.

Bible en Guidar

¹⁸ Daya wakõhgu səza wəza mbərayən pakə, wakõhgu vi kawku addəv məlĩ nan a disiŋ. Gagdak nani va sayit ɗiy amə pakə. Amin.

2Timote 4:18 ပူးပေါင်းရင်းမြစ်များ

Matiye 13:43

Amma pay nani məzu ɓe'eŋ sən Maŋgəlva wawiɗeŋ va paya, adəv məlĩ na Affiti. Ɗəf məs də sləman pak dəpprəma.

Matiye 25:34

Məlĩ wanah sit ɗiiyen naka van dəzəŋ na: Mide munokum məs Affu agəɗ sukum zəzaya, mətoŋ adəv məlĩ an məzaɓan vikum daga wətəŋ na dəlva fuŋ.

Matiye 6:13

Ataɗmə vi Satan ada mbəɗamə, kapan wətaf nam ɓa. Amma agil gəm səva Satan. Vi məlĩ van noki də sembe də gakdaka, ha faɗə. Amin.

Luka 11:4

Aviyan səm mambray namə, vi nam van bo mənam tatə viyan mambray net ɗii məzaɗɗaŋ səmən mbrayen pakə. Ataɗmə vi Satan ada mbəɗamə, kapan wətaf nam ɓa.

Luka 12:32

Kədaw geslne'eŋ ɓa, ngaɓa muzliya kənanaŋ ɓa, vi Affukum aŋgəl kapsukum məlĩ nani.

Luka 22:29

Nəɗi sukumək məlĩya va Affu aɗi suwa.

Yohanna 17:15

Nəkomok na vi kəgil giti gən sə duniyayi ɓa, amma vi kəkoh giti gən səva ɗəf mbrayenəŋka.

Roma 11:36

Maŋgəlva azəməɗək zəga pakə, səzani zəga pak ade azani adaw milyoŋ pakə bo. Gakdak pak na Maŋgəlvayi ha faɗə. Amin!

Roma 16:27

Məgəɗ səm soko sən Maŋgəlva də iya na Zezu Krestu, ndəni dəsən zəga katər gəni, ha faɗ faɗə. Amin!

1Korintus 1:21

Maŋgəlva məs dəsən zəga pakə, apsitik tive sit ɗii dəsənnən gən dəveti, amma dəŋgəmaŋ wəɗɗan vas ɓa, aɓoŋgoŋguk daw sənni. Vaski Maŋgəlva aŋgəl əkoh git ɗiiyen dətafaŋ də tive na dərwa an məs mədarbani. Va wənah na də labara namta aka wəlaŋga məzliwrihe, ko naway dətafa wakohu.

1Korintus 10:13

Wərak məs dərukum pakə, tay rəh ɗii pakə. Amma Maŋgəlva ɗəf də goŋgayi apana ərak dəday gən ki gurom nokum ɓa. An arokokumko, wapsukum gurom naɓəs ərak nani ka kəkohoŋ gəni.

1Korintus 15:50

Milmiŋgiɗwa an məs nəŋgəl ərban sukum na, ndən yaŋka: Ɗii məs də slu ziti dit mbeli atoŋgoŋ na məlĩn na Maŋgəlva ɓa. Gəɓa zə ɗəf məs namta, arəh na əsan ha faɗ ɓa.

2Korintus 1:10

Ndən dəkoh gəm səma tattuwãh namta pakə, mulaka məsənka, wakoh gəm ko abe pakə.

Galatiyen 1:5

Gakdak dəsan aza Maŋgəlva ha faɗə. Amin.

1Tesaloniki 5:23

Maŋgəlva məs dədapsəm zamə, ndən sən kiyən də ɗikum ɗii təstəssə, dəga sukum əmpəs nokum də ma genegenekum də gəɓa zukum pakə, məza də mambray ɓa ha gap pay naziya na Ɗəfdaya nam Zezu Krestu.

2Tesaloniki 3:3

Amma Ɗəfdaya də goŋgayi. Waɓəlokum wagukum vi Satan adasbər gukum ɓa.

1Timote 1:17

Maŋgəlvayi məlĩ an ha faɗə, məza amta ɓa, məs kaw ɓappi ulan ɓa, ndəni Maŋgəlva tətaka katər gəni. Məs dəsan də gakdak ha faɗə. Amin.

1Timote 6:16

Ndəni katər gən məza amta ɓa, tay san atəki babara, ɗəf tay nawɓap wəzar amaŋgavan ɓa, ɗəf tay dula ɗaah ɓa, ɗəf tay nawlan ɓa'a bo. Gakdak də sembe pak nani ha faɗə. Amin.

2Timote 1:12

Vini nədawssaa bonoyəŋka. Amma bonoy nan geslne duna sən ɓa, vi nəsənək an məs nətafə gesiŋgi də sembeyi nawga məs avayə, ha gap pay na kita adazani.

2Timote 4:1

Intatə komoko aba Maŋgəlva də Zezu Krestu məs dəda taw kita aket ɗii mimtiti dit mederet pakə. Wade gesiŋ vi kawziwgin məlĩ nani. Vini kan nənah suk na:

Ibriɗe 11:16

Amma aŋgluwənək dələv an mogon diiɗa dayki məs appaŋ, ndəni təki na disiŋ. Ndəni kan wil dədanən Maŋgəlva dawyazən na Maŋgəlva neti ɓa.

Ibriɗe 12:22

Amma nokum kəzoŋguk aka gərəm na Siyon, ha awalaŋ gəla na Maŋgəlva madarani, va wənah na, Zerusalem na disiŋ, dit maslayɗe nan məs ɗəf aɓapna wəŋɗet ɓa, vi diiɗa neti.

Ibriɗe 13:21

Maŋgəlva dəpsəm zamə, də wəbaah sukum kəɗɗanən gən wəza mogon an məs aŋgəl azokum. Ndən sən kiyən waɗɗa wəza an məs aŋgəl van adəvəmə. Də Zezu adaɗɗani. Gakdak sən Krestuwi ha faɗə dudan. Amin.

Yakob 2:5

Milmiŋgiɗu na makrawa, məpak sləmokum amba wəpel nawa. Maŋgəlva awelik məs saheŋɗe na zəga na duniya dəsoŋ gən məs aryeɗ də wətaf Zezu Krestu: Vi dəsoŋ gən adəv məlĩ na Maŋgəlva va an məs anah na wapsit ɗii məs dəŋgluwəni.

1Piyer 1:5

Sembe na Maŋgəlva dəga wətaf nokum ha gap wə koh adazani, məs məzaɓan naw gil gən pay dələv adagraka.

1Piyer 5:11

Sembe pak nani ha faɗ dudan. Amin.

2Piyer 1:11

Vaski bo Maŋgəlva apsukumək tive mogon nawtoŋ adəv məlĩ nan məza agrak ɓa na Ɗəfdaya nam Zezu Krestu məzu koh gəmə.

2Piyer 3:18

Amma məsok zukum məɓay adəv mbəlembəle də wəsən na Ɗəfdaya məzu kohgəmə, ndəni Zezu Krestu. Gakdak nani daga kakaŋka ha faɗə. Amin.

Zuda 1:1

Letər na Zuda masləŋ na Zezu Krestu məlmən Zakə, əslənən azet ɗiiyen muwelit na Maŋgəlva, məs dəsoŋ adəv əŋgla na Maŋgəlva Affəni, məs Zezu Krestu adawgeti.