2Timote 4:17 - Nouveau Testament en Guidar

¹⁷ Amma Ɗəfdaya tay də ina, asɓawəka, vi nəgrak gən wəza narban wənna Maŋgəlva nawa, ɗii məs dəzoŋ səka dələv məza Yahudiyenɗeŋ ɓa pak dəpprəmən gən wənnani. Ndəni dəkoh gu səma ɓolu.

Bible en Guidar

¹⁷ Ya Daya tay də iyna, avayək gbogboŋgo, vi nəpelgən wən nan gərakə, ɗiy-ɗar dəprəməngən baymeti. Ndəni dəkõhgu səma ɓoolu.

2Timote 4:17 ပူးပေါင်းရင်းမြစ်များ

Matiye 10:19

Payan adaw kukumən aba kita, kədaɗumoŋ an kəl peleŋ sitin ɓa walla kuket an kəl nahsitin ɓa. Wəpel an kəl pelsitini wade amokum dəpaska.

Luka 1:1

Ɗəf gakdak Tewfilu: Ɗii diiɗa agayaŋgək wəver zigeɗ məs dəɗaŋ awalaŋgmə.

Luka 21:15

Vi wanəpsukum mokum də maɗula, ha məzu zel kumən aɓapaŋ na wəbayaŋ ma də munokum ɓa də wə day kikum ɓa.

Wəza net Masləŋɗe 23:11

Dəfəɗ nani, Ɗəfdaya arbanək zən aza Pol, apsən na: Kədaw geslne ɓa, kərbanək wənnaw aŋka a Zerusalem, say kərban gən wənnaw əmpa a Roma.

Wəza net Masləŋɗe 9:15

Ɗəfdaya apsən na: Doko, kakaŋ na, nəwelik dəgəɗ suwə gən wəza, dərban gən iya naw azet ɗii meɓɓeti gəm azet məlyeŋge də azet ɗii na Israyel.

Roma 15:31

Vi nəkoh gən səvet ɗii məs dəsənən Maŋgəlva ɓa sə Zude, gəm vi zəga məs nədawka sit ɗii na Maŋgəlva a Zerusalem dətafnən gən də zit neki.

2Korintus 12:9

Amma yaŋ azlan su na: Mbəlembəle naw watər suk wəray nok pakə. Pay kəsok məddako, dəpaski sembe naw adaɗɗaŋ wəza də is day. Kakaŋ na anəɓəs ədak naw də ənek nawa, əntatə kaɓ dənɗaŋ vi sembe na Krestu dəsoŋ gən də ina.

Efesus 3:8

Əntə dərɓe an faɗ azet ɗii na Maŋgəlva: Yas dərəŋ kana, Maŋgəlva awəl saha akawa apsuwək tive vi nəpel gən Wən Nenek nan sit ɗii məs dəsənən Maŋgəlva ɓa, vi nərban sit gən arya na Krestu diiɗayi ka səni ɓa.

1Timote 1:12

Nəgəɗək soko sən Ɗəfdaya nam Zezu Krestu, məs dəpsu sembe naɗɗa wəza nawa. Nəgəɗ sənək soko vi awləwək va ɗəffa, aɗiwək aka wəza nani.

2Timote 2:1

Anoko wətuwa, asok zuko də mbəlembəle məs mərah də wəsap nam də Zezu Krestu.

2Timote 2:9

Vi wənna labara nenek nani nədarə wəsaa bonoy, minawi də ngiyam va məgəɗ mambraya, amma wəpel na Maŋgəlva aynə na ɓa.

2Timote 3:11

Bonoy naw də wəzəm saha nawa, kəsənək məs dərəhu a Antakiya də Ikoniya də a Listira, saha an tattuwãh nəzəm adakəŋka. Amma də as pak Ɗəfdaya kohguwəka.

2Timote 4:5

Amma nok na asok də maɗulok aza zəga pakə. Aɓəs bonoy noko, aɗɗa wəza narban labara neneke, agrak wəza noko.

Titus 1:3

Amma arbanək wəpel nan suwa adəv pay məs dəslə də wərban wənnani. Maŋgəlva məzukoh gəm dəpsu tive də wəɗi su wənnani ndəni nədaw pel wənnani.

Ibriɗe 11:33

Ndəɗaŋ pak atafənək Maŋgəlva, vini agayaŋ dit milyeŋge temtem adayaŋ kiti. Aɗɗanənək wəŋgla na Maŋgəlva, ndəni arəhən an Maŋgəlva anah na wapsiti. Asukunək met ɓoliɗi.

1Piyer 5:8

Məzi zukum, məga, vi məzuzel nokum Satan, tay va ɓolu adawhay daw kay zəga naw zəm nani.

2Piyer 2:9

Ɗəfdaya asənək va adaw koh git ɗii məzu dawaŋ amban səka wəzəm saha neti, asənək bo va adawge məɗɗaŋ mambraya, vi kawtaw kita aket pay na kita.