2Timote 3:15 - Nouveau Testament en Guidar

¹⁵ Kəsənək ɗerewel na Maŋgəlva səka suɗike noko. Ndəni dədarban suk tive na kohəŋka, an mətafək Zezu Krestu, kisinik ɗii məs dəraban sukun zəga vani.

Bible en Guidar

¹⁵ Təŋ səka muzliya nok ləŋgə, kəsinik Əverɗe en Salala en nakkpaŋgok məsmaɗɗula nawkuk aka əkõh də ətafa məs dəsan addəv Kristu Yesu.

2Timote 3:15 ပူးပေါင်းရင်းမြစ်များ

Matiye 22:29

Amma yaŋ Zezu azlan sit na: Munokum tatə Zaŋ sawɓa, vi kəsənən an məverin adəv ɗerewel ɓa də sembe na Maŋgəlva pak kəsənən ɓa.

Luka 1:15

Vi wasan ɗəf metiŋ aba Ɗəfdaya. Assə na mbazla net wəleŋɗe ɓa, walla mbazla maɓɓan məbay ɗəf ɓa. Waknahək də Əmpəs na Maŋgəlva daga sədəvət mani.

Luka 2:40

Wiyən tay ɓaya, tay ɓəlan zəni, aknahək də wəpprəma. Maŋgəlva aɗɗak zəzay nan akani.

Luka 24:27

Yaŋ apprəman sit an ɗerewelɗe apeleŋ akan pak daga ɗerewelɗe na Moyis ha ɗerewelɗe net məs kleŋɗe pakə.

Luka 24:32

Yaŋ anahaŋ awalaŋ zit na: Makram dəzla va offo daga adawpel səm aka tive, də wəpprəman səm wənna ɗerewelɗe net məs kleŋɗe nak ɓa sa?

Luka 24:45

Yaŋ akol maɗuleti dəpprəmanən gən wənnet ɗerewelɗe,

Yohanna 5:47

Amma adan kətafən an aver ɓa, mbari kəda ɓapən wətafən wəpel naw di?

Wəza net Masləŋɗe 10:43

Məs kleŋɗe pak apelinik wənnani, aɓɗaŋ na: Ko naway dətafa, Maŋgəlva waviyan sən mambray nan vi iya nani.

Wəza net Masləŋɗe 13:29

Adan agrakən wəgəɗ sən an va ɗerewel na Maŋgəlva apel akan pakə, aprik gənənək səka wəlaŋga məzliwrihe, məndəkni.

Wəza net Masləŋɗe 16:1

Pol ambatək a Derbe də Listira. Ɗəf na Maŋgəlva tayadaka, iya nan na, Timote, man bo Yahudiyenəktə ɗak na Maŋgəlvatə ɓa, amma affən na Grekki.

Wəza net Masləŋɗe 17:2

Pol ambatək adəv gəla vani, va məs adaɗɗa ɗayɗay. Agəɗək vas ha gap pay naffet* hoku, tahəŋ wəbayaŋ ma aka wənna ɗerewel na Maŋgəlva.

Wəza net Masləŋɗe 26:24

Adan Pol adawpel wənna koh gən zəni, yaŋ Festus anah sən Pol də wəlan dayadaya na: Pol dərwa kənani, wəsən zəga nokuŋ diiɗaŋ azanək maɗuloko!

Roma 1:2

Vi Maŋgəlva anəhək wənna Labara Nenek nan də met məs kleŋɗe daga farə, adəv ɗerewel nani, wakohgit ɗiiyi va məŋɗan wənnan adəv ɗerewel an salala*.

Roma 16:26

Amma kakaŋ na, wən məɗama nak arbanək zən appaka də ɗerewel net məs kleŋɗe: Va dawka məs Maŋgəlva aɗi ha faɗə, apelik wənnan viyit ɗii namba dələv pak dəsənən gən wənnani, dətafən gəni, dəpprəmən gən mani.

Roma 2:27

Ɗef ɗar məs dəskəl awra ɓa, amma an asbanək wənna ma henziŋ, wataw kita akok iskəŋ məza kasban wənna ma henziŋ ɓa, ko vi istat də wənnan məverin, də əskəl awra zlaŋ vaski adawsani.

1Korintus 1:21

Maŋgəlva məs dəsən zəga pakə, apsitik tive sit ɗii dəsənnən gən dəveti, amma dəŋgəmaŋ wəɗɗan vas ɓa, aɓoŋgoŋguk daw sənni. Vaski Maŋgəlva aŋgəl əkoh git ɗiiyen dətafaŋ də tive na dərwa an məs mədarbani. Va wənah na də labara namta aka wəlaŋga məzliwrihe, ko naway dətafa wakohu.

Efesus 6:4

Munokum migilit kirni, kədaw danən gidivit kirtukum ɓa, amma məŋliwe də wəsrikgiti də wərban sit wənna Ɗəfdaya.

1Timote 4:13

Say agay də wəŋɗan sit ɗerewelɗe na Maŋgəlva də wəpelsiti, də wərban sit abet pak daw guwa.

2Timote 1:1

Letərəŋka, Pol də sləna ndəni masləŋ na Zezu Krestu də wəŋgla na Maŋgəlva karban wənna zeŋgille məs anah wənnani də wəsap də Zezu Krestu.

2Timote 1:5

Intatəɗumon wətaf noko məs tay də matakataka ɓa, wətaf nan ndəni attuk Loyis dət mok Unike arəhaŋ dabəŋ. Nəsənka wətaf nan bo taya makrok gesiŋ.

2Piyer 3:16

An məs aver adivit letərɗe nan pak atəki məs adaw pel aka wənəŋka, atəki maɓɓan temtem tuwãhi wəpprəma, ndəni kan ɗii məs dəsənaŋ zəga ɓa, məs tahəŋ də wəɓəs zit naw sənən ɓa, yaŋ ada kpaŋganən wənnani adawray gitini, va adaɗɗaŋ dit ɗerewelɗe məverit meɓɓeti. Də əɗɗan vaski adaw kiyən kita aketi kawzan ziti.

Hənhən 19:10

Nəkdukuk amba tələn kawzuli səni, amma apsu na: Kəɗɗa vas ɓa! Naw bo gawla na Maŋgəlva nan va isi gəm venet milmiŋgiɗuk məs dərəhaŋ goŋga səza Zezu. Məzulisən Maŋgəlva. Goŋga məs Zezu arbani, ndəni an məs kleŋɗe arbaŋ də wəza neti.