2Timote 2:7 - Nouveau Testament en Guidar

⁷ Aɗumon wən məs nənah suko, Ɗəfdaya waboton suk gabba wən nan pakə.

Bible en Guidar

⁷ Aɗɗumon an məs nənah suko, Daya wapsuk əsən naprəm gabba zəga pakə.

2Timote 2:7 ပူးပေါင်းရင်းမြစ်များ

Luka 21:15

Vi wanəpsukum mokum də maɗula, ha məzu zel kumən aɓapaŋ na wəbayaŋ ma də munokum ɓa də wə day kikum ɓa.

Luka 24:45

Yaŋ akol maɗuleti dəpprəmanən gən wənnet ɗerewelɗe,

Luka 9:44

Məpprəm lewlewi, an məs nədawnah sukum kakaŋka. Wapsənən Wətən Ɗəf avet ɗiiyi.

Yohanna 14:26

Ɗəf məs na baah sukum, ndəni Əmpəs Salala məs Affu adawslən sukum də iya nawa, nan warban sukum zəga pakə, waɗumon sukum an məs nəpel sukum pakə.

Yohanna 16:13

Amma an Əmpəs Salala adeke, warban sukum wəpprəm an də goŋga pakə. Apel na aka sembe nan ɓa, amma wanah an məs apprəmə, də an məs dədazan pakə.

Wəza net Masləŋɗe 7:10

Tay gan də wəzəm saha nani. Maŋgəlva apsənək wəsəna aba Firawna məlĩ na Misra. Firawna aɗiyək ka daya aka dələv na Misra də aka gəla nan pakə.

1Korintus 12:8

Ɗəf maɓɓani əmpəs apsənək dəpel gən də maɗula, ɗəf maɓɓan bo apsənək dəpel gən də wəsəna.

Filipi 4:8

Milmiŋgiɗwa, aŋki məs dəmbərə: Məzi zukum aza an mogoni, məs dəgap naw gakdakani, zəga an də goŋga məs dəslə, məs salala*, məs dəgap naŋgla də wə gakdakani.

Kolosi 1:9

Vi wənnani kan mədakkaman Maŋgəlva, səza məpprəm labara nokum. Mənam tatəkkaman Maŋgəlva, dərban sukum gən wəŋgla nan pakə, dəpsukum gən maɗula naw sənən də Əmpəs nani.

1Timote 4:15

Agay sən wəza nan zuk soksoku. Vi ko naway pak dula gən va kədadok abe abe.

2Timote 2:6

Məzənse bo tay zəm saha diiɗa. Vini adahək na dəzəm gən zəga an dəsoɓ sə guli nan dabəŋ.

2Timote 2:8

Aɗumon wənna Zezu Krestu asilik sətəki əmta, ndəni ma əlfa na Davit, va labara nenek məs nədarban wənnan anahə.

Ibriɗe 12:3

Məɗumon bonoy məs assə, va aɓəs wəkay mama net məɗɗaŋ mambray aɗɗaŋ azani. Wənnəs wabaah sukum, vi makrokum adawyokum ɓa, kapan wənnan ɓa.

Ibriɗe 13:7

Məɗumon wənnet ɗii gugiriɗ mərbaŋ sukumən wənna Maŋgəlva lahəŋka. Məɗumon va asoŋ laŋka, va amtaŋ, məsban wətaf neti.

Ibriɗe 3:1

Munokum milmiŋgiɗu kretiyenɗe, məs Maŋgəlva ayə nawtoŋgukum məlĩ nani, məɗumon wənna Zezu an Maŋgəlva aslən dəsan gən daya net məs dəlveŋge də wətaf an məs mədarban wənanəŋka.

Ibriɗe 7:4

Mula gakdak na Malkisadaka. Dəhəm Abraham apsənək klaw na zəga nan məs arah sə ma wəgaya.

Yakob 1:5

An ɗəf səmbokum maɗulan nawsən an va adaɗɗa tay diiɗa ɓa, say də kaman Maŋgəlva wapsəni, wapsən ko naway pak də wəŋgla agbakan na ɓa.

Yakob 3:15

Maɗula nawsən zəga zemvin aska, dəde sə disiŋ ɓa, nan səka dəlva fuŋ ade, səza wənna gəɓa zə ɗəf ade, nan səza Satan ade.

Yakob 3:17

Amma maɗula an nawsən zəga məs dəde sə disiŋ, nan salalayi. Nan tay ki zamə də ɓatɓatə, dəbayna, awɗeket ɗii ɓa, awa tepelke aket ɗii ɓa.

1Yohanna 5:20

Məsənka Wətən Maŋgəlva* adeke, apsəmək maɗula, vi məsən gən Maŋgəlva an gesiŋ. Mərahək wəsap də Maŋgəlva an gesiŋ də Wətən Zezu Krestu, ndəni Maŋgəlva an gesiŋ ndəni də zeŋgille nasuwa ha faɗə.