2Timote 2:24 - Nouveau Testament en Guidar

²⁴ Ɗəf məgəɗ wəza na Ɗəfdaya adawgay dit ɗii ɓa. Amma say dəsan ɗəf məŋgluwən azet ɗii pakə, məs dədawɓap wərban zəga sit ɗiiyi, məzuɓəs wənna.

Bible en Guidar

²⁴ Ya dədah ɗəf məgəɗ wəza na Daya dəgaygən ɓa. Dəsan ɗəf məŋgluwən azet ɗiy pakə, məɓap ərban zəga sit ɗiyi, məɓəs wəna.

2Timote 2:24 ပူးပေါင်းရင်းမြစ်များ

Matiye 12:19

Agay na də ɗəf ɓa, aŋgəsl na vamvəl ɓa, ɗəf tay napprəm wəlan aket tiveɗ ɓa,

Yohanna 6:52

Wəpelis asil gənək wəbay ma aweleŋgit Yahudiyenɗe: Mbarmbari ɗəffəŋ adawɓap wəpsəm gəɓa zən di?

Wəza net Masləŋɗe 15:2

Pol də Barnabas abayaŋgək ma dənɗaŋ diiɗa aka wənnəs sawɓa. Vini aslereŋ də Pol gəm Barnabas dit ɗii na Antakiya meɓɓeti, dəmbataŋ gən a Zerusalem wədawtawan wənnan dit masləŋɗe gəm ɗii gugiriɗ net Kretiyenɗe.

Wəza net Masləŋɗe 23:9

Geŋgere adayək kiyən an laŋka, ɗii meɓɓet suweleŋgit məsənaŋ zəga na ma henziŋ ndəɗaŋgəŋ Farisiyenɗe, asilyoŋguk də gagay aɓɗaŋ na: Mərah mambray aza ɗəffəŋ ko taka ɓa, kuzuŋ gesiŋgi maslay walla Əmpəs apel sənəka.

Wəza net Masləŋɗe 7:26

Yaŋ vit pumpum nani, arihik Israyelɗe tahəŋ wəgayaŋ kaziti, yaŋ adawtreti, amna: Miyaŋ di h'aya, məlma kənanaŋ, vimi kədawgayaŋ di?

2Korintus 10:1

Yo in Pol, mawaka əpel sukum wənna zəknaw kakaŋka, ɗii meɓɓet tahəŋ ənəhaŋ na: Naslən zu daga nəsaw awaloŋkum ɓa, amma də sembe nan akokum, daga nəsaw faraɗa də munokum. Intatə komokum də əpprəma də mogon məs Krestu agəɗə.

2Korintus 10:4

Adəv əgay nam na, məgay na də zəga naw gay na duniya ɓa, say də zəga naw gay na Maŋgəlva məs də sembe. Dəndəni mədabzlu an mərkani. Mədabzlu əɗum na tepelke məs ɗii adaw ziweŋ akani.

2Korintus 6:4

Amma adəv ko mi pak mənam tatərban na, nam məɗɗaŋ wəza na Maŋgəlva mənani. Də əɓəsən diiɗayi mədawzlan wən tattuwãh də əzəm saha də bonoy.

Galatiyen 5:22

Amma uwa na Əmpəs na ndəni: Wəŋgla, wənneke, zamə, wəɓəsən, ula saha, wəɗɗa mogoni, wəɗɗa zəga də tive nani,

Efesus 4:2

Kədaw kaɓaŋ aket ɗii meɓɓet ɓa, məsoŋ də zam awalaŋ zukum də wəɓəsən, məɓəs sən zukum də əŋgla.

Filipi 2:14

Adəv wəza nokum kəɗɗaŋ wərwər aka Maŋgəlva ɓa, kəɗɗaŋ kuzuŋ aka aŋgla nan ɓa.

Filipi 2:3

Ko mi adaɗɗa də wəgay ɓa, walla də wekaɓ ɓa, amma də wəɓegən ki zukum də ula ɗii meɓɓet day kiko.

Kolosi 3:13

Məbaah sən zukum. An ɗəf suwalaŋkum tay də wənna wəlli məlməni, say dəzaɓanən wənnan awalaŋ ziti. Məviyan mambray nokum awalaŋ zukum, va Ɗəfdaya aviyan sukum mambray nokum.

1Tesaloniki 2:7

Gesiŋ waməɓap wərban gakdak nam sukum vi masləŋɗe na Krestu manani. Amma məgəɗək mogon awaloŋkum, va met kirin tədaɗum aket kirtəta.

1Timote 6:11

Amma is ɗəf na Maŋgəlva azar səza zəga vaska. Akayan goŋga də geslne na Maŋgəlva, də wətafa də wəŋgla də wəɓəsən də makrok zayə.

Titus 1:1

Əntə Pol, məgəɗ wəza na Maŋgəlva, masləŋ na Zezu Krestu. Məpsumi tive, ka nəkegin ɗiiyen məs Maŋgəlva aweliŋ aka wətafa, də wərban sit wən an gesiŋ ndəni sədəv wənna Maŋgəlva.

Titus 1:7

Məzutaɗa net kretiyenɗe, dəsan ɗəf məza də wən akan ɓa, vi ndəni məzuzaɓan wənna Maŋgəlva, məza adaw san ɗəf məzu kaɓ ɓa, məs adawda gədəv ɗar ɗar ɓa, adawsan məs mbazla adawbay ɓa, ɗəf məzəw gay dit ɗii ɓa, ɗəf məza awsim riba mbrayen ɓa.

Titus 1:9

Ɗəf məzərma wənna Maŋgəlva an məs asənə, vi dəsan gən ɗəf məs dəsən wəpel wənna Maŋgəlva, sit ɗiiyi də goŋga va an məs mərbani, də wəhãye məzu bayaŋ ma.

Titus 3:2

Adawpeleŋ mbrayen aka ko naway di ɓa, adawgayaŋ ɓa, dəsoŋ də maɗulet zayə, dərbanən sitin gin ɗii wənna ɓe sit ɗii an mogoni.

Yakob 1:1

Ɗereweləŋka, in Zak nəvere, əntə məgəɗ wəza na Maŋgəlva də na Ɗəfdaya Zezu Krestu. Nəsɗetik ɗii na Maŋgəlva məs dətrayaŋ aka dələv pakə.

Yakob 3:17

Amma maɗula an nawsən zəga məs dəde sə disiŋ, nan salalayi. Nan tay ki zamə də ɓatɓatə, dəbayna, awɗeket ɗii ɓa, awa tepelke aket ɗii ɓa.

Yakob 4:2

Mokum tayaka wərah zəga, amma kawrəhaŋ ɓa, vini kan kədawzaɓanən zukum kawbay ɗiiyi, munokum tatəɗɗa kotoroku. Munokum tatə kayaŋ zəga, amma kərəhaŋ ɓa. Vini kan kədawgayaŋ, kədazlbaŋ vi kərəhaŋ an məs kəŋglaŋ ɓa, vi kəssohonən ava Maŋgəlva ɓa.

1Piyer 3:8

Aŋki wəgrak na wən məs nədaw ver sukum: Məsoŋ də maɗula taka, wəɗum taka, məwəl saha aka zukum də wəŋglu zukum va məlma, məbaah sən zukum, kədarbanən daya sit milmiŋgiɗkum ɓa.

Zuda 1:3

Bayneŋgiɗwa, nəgayək də wənna əver sukum ɗerewel aka wənna əkoh məs məsap akani, amma nulaka nəsokuk zu əver sukum kakaŋka, vi kasɓokum adəv əgay məs mədawgay vi ətaf məs Maŋgəlva apsəm təl taka məkki viyit ɗii nan pakə.