2Timote 2:22 - Nouveau Testament en Guidar

²² Nok ataɗ zuko də wəsim zəga də wənna gawla, akayan goŋga də wətafa də wəŋgla də zamə, issi dit ɗii məs makret barə wayanən Ɗəfdaya dəbaahsit gəni.

Bible en Guidar

²² Anzok səza zəga nawsim na mbəl gawla; dərəŋ na, akayan təstəsə, ətafa, əŋgla gəm zazay dit ɗiy məzuyanən iya na Daya də makret barə.

2Timote 2:22 ပူးပေါင်းရင်းမြစ်များ

Wəza net Masləŋɗe 7:59

Tahəŋ wəskanən Etiyen, nan bo tayəkkaman Maŋgəlva də wənah na: Ɗəfdaya naw Zezu ataf zeŋgillewa.

Wəza net Masləŋɗe 9:14

Yaŋ ade aŋkəŋ əmpa dəka wəsler dit ɗii gugiriɗ net məs dəlveŋgeyi, vi karma ko naway məzuya iya noko.

Roma 14:17

Wən na məlĩ na Maŋgəlva na, wənnan tay də wənna zəga nawzəma də zəga naw saa ɓa, amma nan say wəsuwa də goŋga gəm wəsuwa də təstəssə də Maŋgəlva də zamə də wəsuwa neki, məs Əmpəs Salala apsəni.

Roma 14:19

Vi vaski məsok səm zəmə məsam gən zamə, məbaah səm sən zəmə.

1Korintus 1:10

Milmiŋgiɗwa, əntatə komokum də iya na Ɗəfdaya nam Zezu Krestu, wən nokum dəsan taka, mokum taka kədaw gayaŋ ɓa, amma məsler mokum taka, də kuket nokum pak dəsan taka.

1Korintus 1:2

Məslənək letər nan azet ɗii na Maŋgəlva a Korintus, məsɗetik ɗii na Maŋgəlva nadak pakə ɗiiyen salala* də Krestu, azet ɗiiyen məyet dəsoŋ gən salala, ɗii na Maŋgəlva də wəsap də Zezu Krestu, azet ɗiiyen məzuyanən iya na Daya nam Zezu Krestu, Ɗəfdaya namə gəm neti.

1Korintus 10:14

Vini kana, bayneŋgiɗwa, məzar səzet məzuliyaŋ sənən tuya.

1Korintus 14:1

Məsok zukum kərəhaŋ gən əŋgla. Məkay əvəl na əmpəsa, vadaysa nan bo, məkay kuket nawpel labara na Maŋgəlva.

1Korintus 6:18

Məzar səza wəɗɗa mana'a. Mambray məs ɗəf adaɗɗa pakə, appaka na gəba zəɗəffi, amma ɗəf məgəɗ mana'a mbrayen adaɗɗa ka kiyən.

1Timote 1:14

Amma Ɗəfdaya nam agul suwək mbəlembəle nan diiɗa sawɓa, avay suwək wətafa də wəŋgla məs dəde də wəsap nam də Zezu Krestu.

1Timote 1:5

Wətər wəray na wənnəŋka: Ndəni wəŋgla məs də makra ɗəf barə, də wəɗum də gəvuk taka, gəm wətaf məs tay də mataka taka ɓa.

1Timote 2:8

Nəŋgəl na ɗii mazeŋgilleket dəzuliyaŋ gən adəv gəla nakkal ko aŋga pakə, də wəslan vet a disiŋ də makret an də goŋga, məza də wəda gədəv ɓa, məza də wəgay ɓa.

1Timote 4:12

Ɗəf adawgusok vi kəsok muzliya ɓa. Asok azet ɗii məs dətafaŋ pak va zəga narban sit tive, də wəpele də wəza də wəŋgla gəm də wətaf an məza də mambray ɓa.

1Timote 6:11

Amma is ɗəf na Maŋgəlva azar səza zəga vaska. Akayan goŋga də geslne na Maŋgəlva, də wətafa də wəŋgla də wəɓəsən də makrok zayə.

Ibriɗe 12:14

Məsok zukum wəsuwa zamə dit ɗii pakə. Məsok zukum wəmbat abe də salala, an də wəsuwa vaski ɓana, ɗəf tay nawla Ɗəfdaya ɓa.

1Piyer 2:11

Bayneŋgiɗu na makrawa, melekeɗ kənanaŋ aka dəlvəŋka. Vi ni nəda komokum kədapaŋ tive sən əsim zəga na gəɓa zə ɗəf ɓa, vi tay kay tive pay pak kaw zan zeŋgillekum.

1Piyer 3:11

Say dəppan gən mbrayen dəgəɗ mogoni, dəkayan gən zam də gurom nan pakə.

3Yohanna 1:11

Baynaw na makrawa, kədasban wəɗɗa mambray ɓa, say asban wəɗɗa mogoni. Ɗəf məgəɗ mogon pak Wətən Maŋgəlvayi, amma məgəɗ mambray na, nan dəɓəl əsən Maŋgəlva ɓa.