2Timote 2:10 - Nouveau Testament en Guidar

¹⁰ Intatə ɓəsən pak viyit ɗii məs Maŋgəlva aweli, vi net bo dərəhaŋ gən wəkoho də gakdak nasan ha faɗə də Zezu Krestu.

Bible en Guidar

¹⁰ Sən aski nədawɓəs zəga pak viyit ɗiy məwelti, vi net pak dərəhaŋgən əkõh məs dəsan addəv Kristu Yesu də gagdak an faɗə.

2Timote 2:10 ပူးပေါင်းရင်းမြစ်များ

Matiye 24:22

Maŋgəlva aderenik wəŋɗa na pay nani, va vaski ɓa, ɗəf tay napla ɓa. Amma aderenik pay nani viyit ɗiiyen aweli.

Matiye 24:24

Vi messiyaɗe məwaŋ wənna dit məs kleŋɗe məwaŋ wən wazoŋ, waɗɗaŋ sokeneɗ diiɗa vi kaw zet ɗiiyen na Maŋgəlva aweli, va waɓapəni.

Matiye 24:31

Kaffon gozloro metiŋgini, waslin maslayɗe nan amba tapaslay pay poɗo pak a duniya, vi kakelet ɗiiyen aweli.

Luka 18:7

Vas na Maŋgəlva agəɗ na təstəs go'ləŋ sit ɗii məs aweli, məzaw həmmaŋ sənən dəfəɗ də kapay pak ɓa sa?

Luka 22:57

Piyer azelenik wənnani, amna: Nəsən ɗəffəs ɓa wakə.

Yohanna 11:52

Viyit ɗii netiŋki kaaka' ɓa, amma vi kaw sepet kirtin Maŋgəlva məs dətərayaŋ aka dələv pakə.

Yohanna 17:24

Aw Affuwa kipsiwik ɗiiyiŋki. Nəŋgəl dəsoŋ gən də in atəki nəsawa, vi dulanən gən gakdak nawa. Kəpsu gakdak nan na vi kəŋgəluwək daga məɓəlli wəɗɗa duniya ɓa.

Yohanna 17:9

Intatə komoko viti. Nəkomok na vi duniya ɓa, amma əntatə komok viyit ɗii məs kəvayə, vi ɗii nokkuŋ.

Roma 2:7

Ɗii məzu sokən zit wəɗɗa mogoni, də gakdak nani, də zeŋgille məza amta ɓa, Maŋgəlva wapsit zeŋgille nassa ha faɗə.

Roma 9:23

Azet ɗii meɓɓet bo, aŋgələk ərban gakdak nan diiɗa, awlak səsahti, azaɓan sitik daga far laŋka vi dərəhən gən gakdak nani.

1Korintus 1:21

Maŋgəlva məs dəsən zəga pakə, apsitik tive sit ɗii dəsənnən gən dəveti, amma dəŋgəmaŋ wəɗɗan vas ɓa, aɓoŋgoŋguk daw sənni. Vaski Maŋgəlva aŋgəl əkoh git ɗiiyen dətafaŋ də tive na dərwa an məs mədarbani. Va wənah na də labara namta aka wəlaŋga məzliwrihe, ko naway dətafa wakohu.

1Korintus 9:22

An əntatə saw dit ɗii məs dətafən Krestu mədekti, naw bo in əkpaŋgan zu mədakwa, vi nərihi gin dəkohoŋ gəni. Va wənah na wa nəkpaŋgan zu adəv zəga pakə, viyit ɗii pakə, vi ko də tive mi pak nərah gən əkoh git ɗii meɓɓeti.

2Korintus 1:6

An mənam tatə zəm saha, wəzəm saha nan dəsan sukum gən ka nasɓokum kəkohoŋ gəni. An Maŋgəlva asɓaməka, wənnan wasan sukum ka napsukum sembe, məsok zukum aza zev əzəm saha məs mədawzəməŋka.

2Korintus 12:15

Azaw anaw sən kiyu na, zu neki də əsgan zəga naw pak də zək naw pakə, vi kabaah sukum. Akə gəsanən əŋgla məs kəŋgəluwən vi nəŋgulukum diiɗa sa?

2Korintus 4:15

As pak adaɗɗa vasna, vikumi vi mbəlembəle na Maŋgəlva dəgap gən azet ɗii diiɗa, əŋɗa net dənzlər gəni. Vaski kan əŋɗa net ɗii məzəɗɗaŋ soko sən Maŋgəlva, dit məzu gakdakən adanzləra.

2Korintus 4:17

Gesiŋ adəv bonoy mənani, amma tay tuwãh ɓa, anzi naɓa. Bonoy nan waki səm gakdak ana san ha faɗə, metiŋgini sawɓa.

Efesus 3:13

Vi vaski əntatə kamokum, kəda virenən zukum vi saha an nədaw zəm də bone naw vikum əŋ ɓa: Nan bo wakpaŋ gakdak nokum.

Kolosi 1:24

Kakaŋ na zu neki də bonoy naw vikum, kəsənənka Krestu asək bonoy də gəɓa zəni, va wənah na kretiyenɗe nani, dewle say dəsə gən bonoy vaska əzəm saha nan pak vikumi ndəni haran naw aza bonoy nani.

Kolosi 1:27

Yaŋ kan Maŋgəlva aŋgələk wərban gakdak na wən məɗama nan metiŋgin məs azaɓan viyit ɗii pakə. Wən məɗama nan vani, ndəni Krestu məs namakrokum, ndəni dəpsukum wənnawga zəga, narəh haran nokum aza gakdak na Maŋgəlva.

1Tesaloniki 5:9

Vi Maŋgəlva dəɗiyəm ka gədəvən dədə gən akam ɓa, amma aŋgələk mərah gən wəkoho də Ɗəfdaya nam Zezu Krestu.

2Tesaloniki 2:14

Məpel sukumək labara neneke. Dəni Maŋgəlva ayukum ka kərəhaŋ gən haran nokum adəv gakdak na Ɗəfdaya nam Zezu Krestu.

2Timote 1:1

Letərəŋka, Pol də sləna ndəni masləŋ na Zezu Krestu də wəŋgla na Maŋgəlva karban wənna zeŋgille məs anah wənnani də wəsap də Zezu Krestu.

2Timote 2:1

Anoko wətuwa, asok zuko də mbəlembəle məs mərah də wəsap nam də Zezu Krestu.

2Timote 2:3

Aɓəs hara bonoy noko va soze na Zezu Krestu an gegesiŋ.

Titus 1:1

Əntə Pol, məgəɗ wəza na Maŋgəlva, masləŋ na Zezu Krestu. Məpsumi tive, ka nəkegin ɗiiyen məs Maŋgəlva aweliŋ aka wətafa, də wərban sit wən an gesiŋ ndəni sədəv wənna Maŋgəlva.

1Piyer 2:10

Lahəŋka, ɗii na Maŋgəlva kənanaŋ ɓa, amma kakaŋka ɗii nan kənanaŋ: Lahəŋka, kəsənən ula saha na Maŋgəlva ɓa, amma kakaŋkana kərəhənək ula saha nani.

1Piyer 5:10

Amma dərɓaga saha məs kədaw zəmaŋ suɗike, Maŋgəlva Affən mbəlembəle pakə, məs dəyukum aka gakdak nan məza agrak ɓa ka kəsapaŋ gən də Zezu Krestu, wasugukum ɓəlɓəl va aka milɓe. Ndən sən kiyən waɓəlokum, wapsukum sembe.