2Timote 1:8 - Nouveau Testament en Guidar

⁸ Wil adawdukun daɗɗa saydawa aka Ɗəfdaya ɓa, walla daɗɗa saydawa akaw innəŋ mədaŋgay vinəŋ ɓa. Say nok dərəŋ na agəm hara bonoy noko, vi labara nenek va məs Maŋgəlva apsuko.

Bible en Guidar

⁸ Wil adawdukun dawpel wən na Daya nam ɓa, awaniɓa dawpel akaw in məfərsəna vinəŋ ɓa. Ya dərəŋ na azəm sahã də in aka batam Alabara Neneke də əppan zuk aka əɓap na Maŋgəlva.

2Timote 1:8 ပူးပေါင်းရင်းမြစ်များ

Markus 8:38

Vi vaski, ko naway məs wil adanən viwa gəm dawpel wənnaw aweleŋgit ɗii en dəpaŋka, məs dəŋgluwən Maŋgəlva ɓa dit ɗi mambrayɗe, asna Wətən Ɗəf arəmsən na wil pay adazan də gakdak na Affən dit maslayɗe en salala* ɓa.

Luka 9:26

Vi vaski an wil adanənək ɗəf suwa walla vi wəpel wənnawa, Wətən Ɗəf wagəɗ sən zəga na wil pay adazan də gakdak nani gəm gakdak na Affəni, gəm gakdak net maslayɗe en salala*.

Yohanna 15:27

Nokum bo wakəɗɗaŋ saydawa akawa, vi kəsuwaŋgək də ina daga wətəŋ nani.

Yohanna 19:35

Ɗəf məs dəpel wənnani awlak wənnani, an məs anahə goŋgayi. Asənək məs adawnaha goŋgayi, vi nokum bo kətafən gəni.

Wəza net Masləŋɗe 5:41

Masləŋɗe agilyoŋguk suweleŋgit məzu səɓaŋ, ambataŋka, zit annekik diiɗa vi Maŋgəlva aɗiyik ka ɗii məs dəgapaŋ nawzəm saha vi iya na Zezu.

Roma 1:16

Wil aduwənna darban Labara Nenek na Maŋgəlva ɓa, vi sembe na Maŋgəlva taya dəvən. Labara nan waɓap wəkoh git ɗii məs dətafən pakə, anet Yahudiyenɗe adawkoh git dabəŋ, asna ɗii məza Grekɗe ɓa kana.

Roma 16:25

Məgəɗ səm soko sən Maŋgəlva, ndəni də sembe naw ɗikum də sembe aza wətaf nokum, va an Labara Nenek məs nəpel sukum, wən məs nərban aka Zezu Krestu wəŋka, ndəni va an məsənə məs mərah Maŋgəlva aɗamani. Wənnəska məɗamani daga farfar laŋka.

Roma 8:36

Va wən məverin adəv ɗerewel anah na: Aka wən noki məsɓət huruɓu, ama əmta, yaŋ adawləmən va timeŋgiɗ məs adawkaŋ atəki nawtaw wəleti.

Roma 9:33

Va məver wənnan lahəŋ na: A Siyonayi nədawɗi gərəm namgbay git ɗiiyi, də məlɓe nazlbeti. Amma ko naway dətafa kita armana ɓa.

1Korintus 1:6

va saydawa na Krestu asan də sembe awalaŋkum.

2Korintus 6:7

Də ərban wənnan məs də goŋga, də sembe na Maŋgəlva. Zəga naw gay namə, narge maseŋgiɗmə, nawga ki zəmə ndəni goŋga.

Efesus 3:1

Vi vaski, in Pol mədaŋgay na Zezu Krestu nan vi zam nokum munokum ɗii məs kəsənən Maŋgəlva ɓa, əntatə kaman Maŋgəlva.

Efesus 3:13

Vi vaski əntatə kamokum, kəda virenən zukum vi saha an nədaw zəm də bone naw vikum əŋ ɓa: Nan bo wakpaŋ gakdak nokum.

Efesus 4:1

Vi vaski, mədaŋgay nan vi nədaɗɗa wəza sən Ɗəfdaya; Vini nəda kamokum kədawaŋ gən va an dəslə azokum va Maŋgəlva məs dəyukum asani.

Efesus 4:17

Aŋki məs nədaw nah sukum də əssak sukum də iya na Ɗəfdaya, əntatə nah sukum məsok zukum kədasbanən ɗaah matuya vanet ɗii məs dəsənən Maŋgəlva ɓa adaɗɗaŋ ɓa, neti, wəɗum net tay zeti.

Filipi 1:7

Aslək azaw nəɗum gən akokum vaska. Intatə ɗikum amakrawa, munokum pak kərəhaŋgək mbəlembəle məs Maŋgəlva avayə, ko kakaŋ bo, va pay məs nəsaw a daŋgay, nəɗɗak saydawa na Wən Neneke ko va nəsaw nakiyu nawtakən walla naw ɗi Wən Neneke.

Filipi 3:10

An nədaŋgla na, nəsən gən Krestu də sembe nani məs asil sətəki əmta nani, də wəsap dəndən də wəzəm saha nani, nəsaw gən va ndən də wəmta nani.

Filipi 4:13

Wanəɓəs ko mi dəgəɗ di pakə, vi Krestu wavay sembe.

Kolosi 1:11

Maŋgəlva wasɓokum də gurom nani, də sembe nani, də gakdak nan metiŋgini kəɓəsən gən zəga pakə.

Kolosi 1:24

Kakaŋ na zu neki də bonoy naw vikum, kəsənənka Krestu asək bonoy də gəɓa zəni, va wənah na kretiyenɗe nani, dewle say dəsə gən bonoy vaska əzəm saha nan pak vikumi ndəni haran naw aza bonoy nani.

1Tesaloniki 3:4

Vi vaski bo daga məsam annokumda, dabəŋ nani, mənah sukumko, nam kawzəm gəmi saha, ndəni kan dəgəɗə, kəsənənək lewlewi.

1Timote 2:6

Apanək ki zəni vi kawgil git ɗii səka balam pakə. Vaski aɗɗa saydawa aka an Maŋgəlva aŋgələ də pay məs Maŋgəlva aɗiyə aŋgəl ɗii pak dəkohoŋ gəni.

2Timote 1:10

Amma kakaŋ na arban səmək də wəziya na Zezu Krestu, məzukohgəmə. Zezu Krestu agrakək sembe na əmta, arbanək zeŋgille məza amta ɓa, ndəni labara nenek adarban səmə.

2Timote 1:12

Vini nədawssaa bonoyəŋka. Amma bonoy nan geslne duna sən ɓa, vi nəsənək an məs nətafə gesiŋgi də sembeyi nawga məs avayə, ha gap pay na kita adazani.

2Timote 1:16

Ɗəfdaya dəɗɗa mogon nan aka gəla na Onesiforus, vi armak vaw pay pakə. Ko wil dədanən vi nəsaw ɗəf na daŋgay ɓa.

2Timote 2:3

Aɓəs hara bonoy noko va soze na Zezu Krestu an gegesiŋ.

2Timote 2:8

Aɗumon wənna Zezu Krestu asilik sətəki əmta, ndəni ma əlfa na Davit, va labara nenek məs nədarban wənnan anahə.

2Timote 2:9

Vi wənna labara nenek nani nədarə wəsaa bonoy, minawi də ngiyam va məgəɗ mambraya, amma wəpel na Maŋgəlva aynə na ɓa.

2Timote 4:17

Amma Ɗəfdaya tay də ina, asɓawəka, vi nəgrak gən wəza narban wənna Maŋgəlva nawa, ɗii məs dəzoŋ səka dələv məza Yahudiyenɗeŋ ɓa pak dəpprəmən gən wənnani. Ndəni dəkoh gu səma ɓolu.

2Timote 4:5

Amma nok na asok də maɗulok aza zəga pakə. Aɓəs bonoy noko, aɗɗa wəza narban labara neneke, agrak wəza noko.

1Piyer 1:5

Sembe na Maŋgəlva dəga wətaf nokum ha gap wə koh adazani, məs məzaɓan naw gil gən pay dələv adagraka.

1Yohanna 4:14

Mulaka, məɗɗak saydawa nani Affən aslənək Wətəni vi dəsan gən naw koh git ɗii naka dəlva.

Zuda 1:24

Maŋgəlva waɓap wəgukum səza zəga pakə, kəzaŋ na ki tive ɓa, wagəm mambray nokum pakə, wakpaŋgokum salala, wakəzoŋ wizu aban adəv gakdak nan də wanekən zukum diiɗa.

Hənhən 1:2

Zaŋ annəhək wənna zəga məs awələ, də wəŋɗan wən məs dəde səza Maŋgəlva, də goŋga məs Zezu Krestu arbansəni.

Hənhən 1:9

Əntə Zaŋ, məlmukum məs də sap də Zezu, əntatə daw də munokum adəv bonoy, də məlĩ namə də wəɓəsən pak məs taka də munokum. Məɗi wi aka mətuwəra məs adawyaŋ na Patmos, vi nədarban wənna Maŋgəlva də goŋga məs Zezu anahə.

Hənhən 12:11

Milmiŋgiɗəm atakənək wəlan də sembe net mbel na Botol, gəm vi goŋga məs adarbaŋ. Vi atafənək wəppan zit ha atəki əmta.

Hənhən 19:10

Nəkdukuk amba tələn kawzuli səni, amma apsu na: Kəɗɗa vas ɓa! Naw bo gawla na Maŋgəlva nan va isi gəm venet milmiŋgiɗuk məs dərəhaŋ goŋga səza Zezu. Məzulisən Maŋgəlva. Goŋga məs Zezu arbani, ndəni an məs kleŋɗe arbaŋ də wəza neti.