2Timote 1:3 - Nouveau Testament en Guidar

³ Intatəɗɗa soko sən Maŋgəlva məs nədawgəɗ sən wəza də makraw barə, va net dəhiŋgiɗu pakə. Intatə gəɗ sən soko pay pakə, kapay də dəfəɗ pakə əntatəɗum akok də wəzuli nawa.

Bible en Guidar

³ In tat əɗɗa soko sən Maŋgəlva məs nədawɗi kiyən va net dəhiŋgiɗu də makraw barə, an in tat ətoŋguk addəv əkkam naw dəfəɗ də kapay pak məza əbew ɓa.

2Timote 1:3 ပူးပေါင်းရင်းမြစ်များ

Luka 2:37

Yaŋ zilit amtə, yaŋ təsat məzaɗi zil əmpa ɓa, hagap wəsva nat agəɗək kaklaw dədopoɗo kiyən poɗo. Tatə mbat adəv gəla metiŋ na zuli pay pakə, tatəgəɗ sən wəza sən Maŋgəlva dəfəɗ də kapay pakə, tatə se' meme də wəzuliya.

Wəza net Masləŋɗe 22:3

Naw Yahudiyen nani, məwəw a Tarsus dələv na Silikiya. Amma a Zerusalem aŋki nəɓayə, Gamaliyelli dərban su ɗerewel, arban suwək ma henziŋ net migilim kotakə. Nəsbanək Maŋgəlva də sembe va kədasbanən kakaŋka.

Wəza net Masləŋɗe 23:1

Pol aziyək haran aket ɗii gugiriɗ neki, apsit na: Milmiŋgiɗwa naw əntatəpprəm ma Maŋgəlva məza də mambray ɓa daga wətəŋ nani ha dəpaŋka.

Wəza net Masləŋɗe 24:14

Amma apprəm an məs nədawnah sukkana: Intatə zuli sən Maŋgəlva net dəhiŋgiɗwa, də wəsban wənnan məs adawnahaŋ na: Wəɓoŋgit ɗiiyi. Amma naw bo əntatəsban ma henziŋ na Moyis də ɗerewel net məs kleŋɗe pakə.

Wəza net Masləŋɗe 24:16

Ndəni naw bo nədawgay nəsaw gən təstəs aba Maŋgəlva də abet ɗii pakə.

Wəza net Masləŋɗe 26:4

Yahudiyenɗe pak asənənək wənnaw daga səka muzliya nawa, asənənək va nəsaw aweleŋgit ɗii naw a Zerusalem.

Wəza net Masləŋɗe 27:23

Vi nadəfɗəŋ na, Ɗəfdaya Maŋgəlva məs nədawzuli sənəŋ aslənək maslay nan azawa.

Roma 9:1

An nədawnah kakaŋkəŋ na, gesiŋgi. Na Krestu nani, tepelke nədawa ɓa. Əmpəs Salala* tay zəm məlĩ aka wəɗum na makrawa, ndəni məzaw ku abe nəwə na tepelke ɓa.

2Korintus 1:12

Aŋki zəga məs mədaw kaɓ dəndən. Wəɗum na makram agəɗ səmək saydawa aka wədaw nam a duniya, məs dəday pak na, ədaw nam nawaloŋkum, mədawək də goŋga də mogoni. Sembe nan pak səza Maŋgəlva ade. Məsban wəsən net ɗii ɓa, say mbəlembəle na Maŋgəlva.

Galatiyen 1:14

Əntat əsban wənnet; də ma henziŋ neti, də dawka net dəhiŋgiɗwa nəsokukzu azani, nədayək kiyit geleŋgiɗu əlfiŋgiɗu pakə.

Efesus 1:16

Vini nəppan na wəkkaman Maŋgəlva vikum ɓa. Intate ɗumon wənokum pay naw zuli nawa,

1Tesaloniki 3:10

Dəfəɗ dəkapay pak mənam tatə sohon tive dəzəm soksoku, vi kawlukum, də wəknahan an məs dəpəl aza wətaf nokum.

1Timote 1:19

Arma wətaf nok də wəɗum nok də makrok taka. Ɗii meɓɓet awngereŋ wəsban wəɗum na makret ɓa, vini wətaf net azə.

1Timote 1:5

Wətər wəray na wənnəŋka: Ndəni wəŋgla məs də makra ɗəf barə, də wəɗum də gəvuk taka, gəm wətaf məs tay də mataka taka ɓa.

1Timote 5:5

Guluk na gəbay məs tat də ɗəf na baah sət ɓa, tatə gan nawrəh zam aza Maŋgəlva, tatə zuli səni də wəkkamani kapay də dəfəɗ pak vi tərah gən wəbaaha.

2Timote 1:5

Intatəɗumon wətaf noko məs tay də matakataka ɓa, wətaf nan ndəni attuk Loyis dət mok Unike arəhaŋ dabəŋ. Nəsənka wətaf nan bo taya makrok gesiŋ.

2Timote 3:15

Kəsənək ɗerewel na Maŋgəlva səka suɗike noko. Ndəni dədarban suk tive na kohəŋka, an mətafək Zezu Krestu, kisinik ɗii məs dəraban sukun zəga vani.

Ibriɗe 13:8

Zezu Krestu məs dəsan na ɗəfɗaŋga də dəpaŋka wasan ha faɗə.