2Timote 1:10 - Nouveau Testament en Guidar

¹⁰ Amma kakaŋ na arban səmək də wəziya na Zezu Krestu, məzukohgəmə. Zezu Krestu agrakək sembe na əmta, arbanək zeŋgille məza amta ɓa, ndəni labara nenek adarban səmə.

Bible en Guidar

¹⁰ arbək kakaŋ də əzza na məzukõhgəm Kristu Yesu. Ndəni dəzan əmta, dəwiɗgən zeŋgile gəm əssa faɗ də Alabara Nenek,

2Timote 1:10 ပူးပေါင်းရင်းမြစ်များ

Luka 11:36

An zuk pak tay vana kekeɓe'e, an zuk tay dəpəl ara guzli ɓa, zuk pak taya kəti naw kekeɓe'e, asna tay va pitirla adaw kekeɓe təki nani.

Luka 13:7

Yaŋ anahsən məgə guliyo: Awla wəsva hoku nədazaw wə ɓuh uwa na sukoyoŋka, amma nawrah ɓa. Abəla vi mi adawray gən sembe na dəlva fuŋ ɗar mekeleŋ di?

Luka 2:11

Dəfɗəŋki, muwa məzu koho vi kum awalaŋ gəla na Davit, ndəni Krestu Ɗəfdaya.

Yohanna 1:9

Wəpel naka ndəni təki babar an təstəssə adek adəv dəlva, tay kasak azet ɗii pakə.

Yohanna 14:6

Zezu azlansən na: Əntə tive an də goŋga də zeŋgille. Ɗəf tay nawrəh wəmbat aza Affu də tive maɓɓan ɓa say də ina.

Yohanna 20:31

Amma an məverit adəv ɗerewel nani, məverit vi də tafən gən na Zezu wi Messiya* Wətən Maŋgəlva*, vi kərəhaŋ gən zeŋgille də wətaf nani.

Yohanna 4:42

Apsətən guluk nak na: Kakaŋ mətafəka vi kənah səmi kaaka'a ɓa, vi mənam sən kiyim məpprəmək wəpel nani, məsənək kpakə, ndəni nawkoh git ɗii naka dəlva.

Yohanna 5:40

Amma kəŋgereŋ wəzoŋ azaw kərəhaŋ gən zeŋgille an nasa ha faɗ ɓa.

Wəza net Masləŋɗe 13:23

Adəv ma əlfa na Davit bo, Maŋgəlva apsitik məzu koh git ɗii na Israyel, va wən minan nani, ndəni Zezu.

Wəza net Masləŋɗe 5:31

Maŋgəlva bo agakdakanəka, aɗiyək aka van dəzən dəsan gən daya, məzu koh git ɗiiyi, dərban gən wənna tubiya də wənna viyan mambray net ɗii na Israyel.

Roma 16:26

Amma kakaŋ na, wən məɗama nak arbanək zən appaka də ɗerewel net məs kleŋɗe: Va dawka məs Maŋgəlva aɗi ha faɗə, apelik wənnan viyit ɗii namba dələv pak dəsənən gən wənnani, dətafən gəni, dəpprəmən gən mani.

Roma 2:7

Ɗii məzu sokən zit wəɗɗa mogoni, də gakdak nani, də zeŋgille məza amta ɓa, Maŋgəlva wapsit zeŋgille nassa ha faɗə.

Roma 3:31

An nənahək vasna, ma henziŋ nədaw zelen sa? Tay vas ɓa! Əntatə ɗi ki ma henziŋ.

Roma 6:6

Məsənka, ɗəffan na dəvəm məsam dabəŋ dəndən na, amtək də Krestu aka wəlaŋga məzliwrihe, vi gəɓa zəm an də mambray dəzə gən kuɗupu, va wənah na an məs mambray aday kiyən, vi mədaw sam balemɗe na mambray əmpa ɓa.

1Korintus 15:26

Məzuzelin an dədirɓe faɗə kawzani, ndəni əmta.

1Korintus 4:5

Vi vaski kəda tawən kita aka ɗəf dabəŋ ki pay məɗiyən ɓa, məga Ɗəfdaya dəde gən paysa, warban an dəɗam ara guzli pak atəki babara, də wəgil gən wəɗum məɗama na mekret ɗiiyi. Asna Maŋgəlva wagakdakan ko nawa pak va aza wəza nan agəɗə.

2Korintus 5:4

Daga mədaw sam madaram adəv gəɓa zəm na dəlvəŋka, mənam tatənɗəsa mənam tatəzəm saha. Mawnger əgbuk gəɓa zəm annamtaŋ ɓa, ya mamaka ugul gəɓa zəm an nawsan ha faɗə, dəsɗəkə gən an namta.

Galatiyen 5:4

Munokum məzu kayaŋ kəsoŋ gən təstəs aba Maŋgəlva də wəsban ma henziŋ, kuɗaŋkaŋgək də Krestu, kəzaŋgək də mbəlembəle na Maŋgəlva.

Efesus 1:18

Maŋgəlva dəkol sukum maɗulokum də təki babar nani, vi kəsənən gən wəgrak na tive an məs muyukum akan ka kəgapaŋ gən adaka, vi kəsənən gən gakdak na arya nan məs nagət akani an azaɓan sit ɗii nani.

Efesus 1:9

Arban səmək wən məɗama nani, məs aɗum daga far də wəŋgla nani. Vi kaɗɗan payan məs dəslə də Krestu,

2Tesaloniki 2:8

Ɗərɓagan kana, ɗəf mbrayen nak warban zən kana. Amma Zezu Ɗəfdaya nam wabay də əmpəs na mani, wazani pay adarban zən də wəziya nani.

2Timote 1:1

Letərəŋka, Pol də sləna ndəni masləŋ na Zezu Krestu də wəŋgla na Maŋgəlva karban wənna zeŋgille məs anah wənnani də wəsap də Zezu Krestu.

2Timote 1:8

Wil adawdukun daɗɗa saydawa aka Ɗəfdaya ɓa, walla daɗɗa saydawa akaw innəŋ mədaŋgay vinəŋ ɓa. Say nok dərəŋ na agəm hara bonoy noko, vi labara nenek va məs Maŋgəlva apsuko.

2Timote 4:1

Intatə komoko aba Maŋgəlva də Zezu Krestu məs dəda taw kita aket ɗii mimtiti dit mederet pakə. Wade gesiŋ vi kawziwgin məlĩ nani. Vini kan nənah suk na:

2Timote 4:8

Kaakaŋ na zəga nawrəh na ɗəf məs dənzan dabəŋ tay guwa: Ndəni mətər kiya na gakdak məs Ɗəfdaya mətaw kita də goŋga adawvaya, pay nawtaw kita nani. Suwi adawvay kaaka ɓa, amma sit məzu ganən pak də wəŋgla pay məs adarban zəni.

Titus 2:11

Yaŋ Maŋgəlva akos ki mbəlembəle nani, vi kawkoh git ɗii pakə.

Titus 2:13

Mənam tatə ga an mədaɗum akani, tay də nenek akan də wərban akdak na, Maŋgəlva metiŋgini, də məzukohgəm Zezu kertu.

Titus 3:4

Amma Maŋgəlva məzukohgəmə, arbanək mogon nan də wəŋgla nan azet ɗiiyi.

Ibriɗe 10:32

Məɗumon va kəsoŋ laŋka pay nokum dəpaska, dərɓagan kan Maŋgəlva akasakkum də təki babar nani, kəsaŋgək bonoy diiɗa, amma dəday kikum sembe ɓa.

2Piyer 1:1

Letərəŋka səza Simoŋ Piyerri, balami ndəni masləŋ na Zezu Krestu. Azet ɗii məs dərəhaŋ wətaf an mogon vanamə. Də əŋgla na Maŋgəlva namə, gəm də Zezu Krestu kərəhəni.

2Piyer 1:11

Vaski bo Maŋgəlva apsukumək tive mogon nawtoŋ adəv məlĩ nan məza agrak ɓa na Ɗəfdaya nam Zezu Krestu məzu koh gəmə.

2Piyer 1:3

Maŋgəlva apsəmək sembe nan metiŋgini, vi mədaw sam də wəray na zəga maɓɓan adəv əsuwa nam də ətaf ɓa. Apsəmək də wəsənən, ndəni ayəm məsap gən dəndən adəv gakdak nani də mogoni.

2Piyer 2:20

An ɗii akohoŋguk səza mambray naka dəlva, vi asənən Ɗəfdaya nam məzu koh gəmə, ndəni Zezu Krestu, yaŋ dərɓaga askəmpa atoŋgoŋguk adəv mambray nak əmpa, wəgrak net wasan mbrayen dayki an lahəŋka.

2Piyer 3:18

Amma məsok zukum məɓay adəv mbəlembəle də wəsən na Ɗəfdaya məzu kohgəmə, ndəni Zezu Krestu. Gakdak nani daga kakaŋka ha faɗə. Amin.

2Piyer 3:2

Nəŋgəl na kəɗumonən gən wən an məs kleŋɗe salala apeleŋ lahəŋka, də dawka na Ɗəfdaya məzu koh gəmə, də əpel məs ɗii məsliŋgit azokum aki sukuməni.

1Yohanna 1:2

Daga əpeliŋ ade, arbanək zəni, mulaka. Vini mədaw pel sukum wənnani, zəga an muwəl mədarbani ndəni zeŋgille məs nasan ha faɗə, tay də Maŋgəlva daga farfarə. Ndəni kan Maŋgəlva arban səmə.

1Yohanna 4:14

Mulaka, məɗɗak saydawa nani Affən aslənək Wətəni vi dəsan gən naw koh git ɗii naka dəlva.

Hənhən 18:1

Dərɓaga aska, nulak maslay maɓɓan dawpriken sə disiŋ. Tay də sembe diiɗa, gakdak nan akekeɓe'ək dələv pakə.

Hənhən 2:7

Ɗəf məs də sləman pak dəpprəm lewlewi, an məs Əmpəs adawnah sit kretiyenɗe. Ɗii məs dədayaŋ ki wənnəs pak wanəpsit tive nawzəm uwa na wəlaŋga na zeŋgille, ana waleŋgit wəleŋɗe na guli na Maŋgəlva.

Hənhən 20:14

Yaskan wəmta də təki net ɗii mimtit pak məsgeti avov na offo. Vov na offo nan ndəni wəmta ma sula'ən.

Hənhən 22:14

Zəzay azet ɗii məs dəskoɓən kulutɗe neti ndəɗaŋgəŋ dərəhaŋ tive nawzəm uwa na wəlaŋga na zeŋgille, warəhaŋ wətoŋ kla madambeɗe na walaŋ gəla metiŋ neki.

Hənhən 22:17

Əmpəsa dət waŋ məgəmte aɓɗaŋ na: Ade! Ko naway dəpprəma, say dənah na! Ade! Ɗəffan meme adawdaŋ pak dəde, ɗəffan dəŋgəl iŋkile na zeŋgille warah na mekeleŋ.