2Tesaloniki 3:4 - Nouveau Testament en Guidar

⁴ Vi wənna Ɗəfdayayi məsənək Goŋga nokum, məsənka munokum tatəɗɗanən an mənah sukum, ko abe bo wakəɗɗanəni.

Bible en Guidar

⁴ Məsənkumuk lewlew addəv Daya, vi zəgeɗ məs məver sukum aketi, anet kədaɗɗaŋgə gəm wakəɗɗenini.

2Tesaloniki 3:4 ပူးပေါင်းရင်းမြစ်များ

1Tesaloniki 4:10

Gesiŋ munokum tatə ɗanən vaska azet milmiŋgiɗkum na Makedoniya pakə, amma mənam tatə sokokum kəmbataŋ gən abe abe də wənnani.

Filipi 1:6

Nəsənək fəkat Maŋgəlva dətəŋ wəza mogon amakrokum, wadaw dəndən ha gap wəgrakən də pay məs Zezu Krestu adazzani.

Filemon 1:21

Nəsənəka wakəɗɗa an məs nənah suko, pay məs never suk na, nəsənka wakəɗɗa dayki an məs nənah suko.

Filipi 2:12

Bayneŋgiɗwa, pay nəsaw anokumda na, munokum tatəpprəmən mawa pay pakə. Ya adan kakaŋ faraɗa nan də munokum, məpprəm mawa. Məɗɗa wəza nawkoh nokum də geslne də wəkkere.

2Korintus 2:3

Ndəni nəver sukum wənnani. An nədek annokumda na, nəŋgəl na kədaɗumoŋ ɓa, vi aslək kənekenən gən zuwa. Nəsənək gesiŋ an nərahək əneken zuwa, asan nokum bo akərəhaŋ əneken zukum.

2Tesaloniki 3:12

Zemvit ɗii neti, mənam tatəsəɓ siti də wənah siti, də iya na Ɗəfdaya nam Zezu Krestu, say dəsokun ziti, dəɗɗaŋ wəza nawzəm neti.

2Tesaloniki 3:6

Milmiŋgiɗwa mənam tatəɗi sukum wənnan də iya na Ɗəfdaya Zezu Krestu, kədawsapaŋ dit milmiŋgiɗkum mətampəlɗe ɓa, məs asbanən wən məs məɗi sukuməŋ ɓaɓa.

Matiye 28:20

Mərban sit dərmanən gən an məs nərban sukum pakə. Wanəsaw də munokum pay pak ha wəgrak na dəlva.

Galatiyen 5:10

Nəsənkumək adəv Ɗəfdaya, kəmzləhaŋ na səzaw ɓa. Amma ɗəffan də geslne'ekum warah kita aba Maŋgəlva, ko naway di pakə.

2Korintus 8:22

A məslən məlməm maɓɓan dənɗaŋ. Vi məslak təl ɓəɓɓay va adaw sok zəni, mulak na ɗəf məzu sok zən pay paki. Kakaŋ bo tay sok zən dayki laŋka, vi tay də əɗum nokum amakran diiɗa.

2Korintus 2:9

Nəver sukum letərəŋ na, vi nəŋgəl kawkayan goŋga nokum, vi nəsən gən na munokum tatəsbanən wən məs mərban sukum pay pak sa.

1Korintus 14:37

An ɗəf aɗumuk na arahək hənhən walla arahək əmpəs na Maŋgəlva, asna nan wapprəm na, an məs nəver sukuməŋ na dawka na Ɗəfdayayi.

1Korintus 7:19

Vi əskəl awra də məskəli awra sula gən pak atər na wəray ɓa, say wəsban əpel na Maŋgəlva kaaka dədawtər wəray aza ɗəffa.

Roma 15:18

Vi nawa, nəɓap na wəpel ko midi ɓa, say an məs Krestu agəɗ amakrawa, vi nəye gin ɗii məs Yahudiyenɗeŋ ɓa, dəpprəmən gən ma Maŋgəlva də wəpel nani, də wəza nani.

Roma 15:14

Milmiŋgiɗwa in sən kiyu nəsənək lewlewi, kəbaŋgək də zəga mogon diiɗa, daga zəga naw sən pak kəbaŋgək kpe'ə, wakəɓapən wəsəɓ sən zukum bo.

Roma 2:7

Ɗii məzu sokən zit wəɗɗa mogoni, də gakdak nani, də zeŋgille məza amta ɓa, Maŋgəlva wapsit zeŋgille nassa ha faɗə.