2Tesaloniki 2:9 - Nouveau Testament en Guidar

⁹ Ɗəf mbrayen nak wade də sembe na Satan, wagəɗ wəza diiɗa dit sokeneɗ net tepelkeɗi.

Bible en Guidar

⁹ Ɗəf mbərayən nak wade də gagdak na Satan, wagəɗ wəzaɗe gagdakɗe, sekeneɗi gəm teteleɗe na uwa wəna.

2Tesaloniki 2:9 ပူးပေါင်းရင်းမြစ်များ

Matiye 12:22

Yaŋ akiyaŋ sənən daŋgar sən Zezu, goryomi pakə, vi tay də tuya. Zezu apetenke, apelke, awəlka.

Matiye 24:24

Vi messiyaɗe məwaŋ wənna dit məs kleŋɗe məwaŋ wən wazoŋ, waɗɗaŋ sokeneɗ diiɗa vi kaw zet ɗiiyen na Maŋgəlva aweli, va waɓapəni.

Matiye 4:10

Amma apsən na: Dok səzawa, Satan, appawa. Vi ɗerewel amna: Agakdakan Maŋgəlva Ɗəfdaya noko, anan katər gən kəlgəɗ sən wəza.

Markus 13:22

Vi Messiyeɗ məwaŋ wənna dit məs kleŋɗe məwaŋ wən wazoŋ, waɗɗaŋ sokeneɗ, vi kawzet ɗiiyen na Maŋgəlva aweli, va waɓapəni.

Luka 11:25

An amilik adəvən, warəh məfaɗəni, məzaɓani.

Yohanna 4:48

Zezu amna: Munokum kətaf wənna ɓa say an kulenənək sokeneɗi.

Yohanna 8:41

Munokum tatəɗɗanən wəza na affukum. Azlan sənənka: Nam sulomɗe mənan ɓa, nam Affəm tay taka, ndəni Maŋgəlva.

Yohanna 8:44

Ibilisayi affukum, mokum aka wəɗɗa an məs affukum aŋgələ. Ndəni məbay gəbaya daga wətəŋ nani, dənah ɗaah goŋga ɓa, goŋga taya makran ɓa. An munokum tatə peleŋ hĩnyaw, zəga nan kəgəmaŋ, vi məwə hĩnyawi vi affən hĩnyawyi.

Wəza net Masləŋɗe 13:10

Apsən na: Wətən Satan! Is tatə ray gən zəga mogon pakə, kəppana wəkpaŋgan goŋga na Ɗəfdaya ka tepelke ɓa.

2Korintus 11:14

Zəga nagətakani ɓa, vi Satan sən kiyən bo, tay ɗi zən va maslay an nara təki babara.

2Korintus 11:3

Kəsənək va doho ambəɗat Hawwa də kuket nani, geslne arəmwək sən maɗulokum adawray vas ɓa, vi kədapanən əŋglu Krestu də goŋga də makrokum taka ɓa.

2Korintus 4:4

Net dətafən ɓa, vi Satan məs maŋgəlvak na duniya atipik maɗuleti, vi adawlanən təki babar na labara nenek ɓa. Kəti babar nan tayərban gakdak na Krestu. Ndəni Maŋgəlva sən kiyən bo, adarban zən adəv Krestu.

Efesus 2:2

Kəsbanənək tive na duniya mbrayenəŋka, kəsbanənək məlĩ net əmpəsɗe na disiŋ akawalaŋ disiŋ də dəlva fuŋ, ko kakaŋka əmpəs nan tay zəm məlĩ aket ɗii məs apprəmən ma Maŋgəlva.

2Timote 3:8

Va maay Zannes də Zamberes atakən Moyis. Vaski ɗiiyiŋ bo adawtakən goŋga. Maɗulet arayka, ɗii ɗarəŋ adəv wətaf neti.

Yakob 3:15

Maɗula nawsən zəga zemvin aska, dəde sə disiŋ ɓa, nan səka dəlva fuŋ ade, səza wənna gəɓa zə ɗəf ade, nan səza Satan ade.

Hənhən 12:17

Gədəv zəga darawən adək akat gulku, yaŋ ambat wədaw gay də əlfa nat məs dəmbərə, məzu ganən ma henziŋ na Maŋgəlva, dit məzəsbanən goŋga məs Zezu arbə.

Hənhən 12:9

Yaŋ məsgan zəga darawən kan agisbe, ndəni doho məgalən, məs adawyaŋ na Ibilisa walla Satan, məzuzet ɗii na duniya pakə. Yaŋ məsgan aka dəlva fuŋ, dit maslayɗe nan pakə.

Hənhən 18:23

Kawlani ɗaah təki babar na pitirla awalaŋ gəla nan ɓa, kapprəmi ɗaah gugoyo net məgəmaŋ gili dit məgəmaŋ zel awalaŋ gəla nan ɓa, məɗɗaŋ terere diiɗaŋ anokda kəta adayaŋgək kiyit məɗɗaŋ terere na dələv pakə, də sokene nawa tepelke, areketik ɗii naka dələv pakə də wənnani.

Hənhən 19:20

Agulunək zəga mamanya a daŋgay, gəm məs kleŋ məwə tepelke məgəɗ sokeneɗ abani. Dit sokeneɗ neti ambəɗetin ɗii məs dətafən lamba na zəga mamanya naka də məzu zuliyaŋ sənən foto nani. Zəga mamanya də məs kleŋ məwə tepelke məsgeti maderet adəv vov na offo muhurən.

Hənhən 20:10

Asna Satan məs dəmbəɗetiŋka kasgani avov na offo an muhurən, atəki məs məsgan zəga mamanya də məs kleŋ məwə tepelke dabəŋ naka, wasaaŋ bonoy adak kapay də dəfəɗ pak ha faɗə.

Hənhən 9:11

Məlĩ net tayi, maslay na vov kpukpum məza meŋge nan ɓa, (wəya nan də ma Yahudiyen na Abadon, də ma Grek bo Apolliyon. Va wənah na məzan zəga.)