2Tesaloniki 1:4 - Nouveau Testament en Guidar

⁴ Ha nam bo mənam tatəkaɓ aka wən nokum munokum kretiyenɗe na Maŋgəlva, vi an məs kədaw ɓəsaŋ də wətaf nokum məs kətafaŋ, ko adəv wərmama məs dəde azokum pakə, də wən tattuwãha, ya də as pak kəɓəsənka.

Bible en Guidar

⁴ Vini mədannek aka wən nokum addəv əsap net ɗiy na Maŋgəlva, aka wən na əsok zukum gəm aka wən na ətaf nokum addəv əsərma gəm əzəm sahã nokum an kədawɓəsaŋ pakə.

2Tesaloniki 1:4 ပူးပေါင်းရင်းမြစ်များ

Ibriɗe 10:36

Say kəsoŋ gən də wəɓəsən, vi kəɗɗanən gən wəŋgla na Maŋgəlva, vi kərəhən gən an məs anah na wapsit ɗii nani.

1Tesaloniki 2:14

Vi munokum, milmiŋgiɗwa munokum tat va kretiyenɗe na Maŋgəlva a Zude məs dəsoŋ ɗii na Zezu Krestu. Vi nokum bo kəzəmaŋgək saha vaneti, avet əlfiŋgiɗkum, vanet bo azəmaŋ saha avet Yahudiyenɗe.

1Tesaloniki 2:19

Mənokumtə wəɗum namə, wənek namə, mətər kiya namə də wəkaɓ namə, pay wəziya na Ɗəfdaya nam Zezu Krestu.

1Tesaloniki 1:3

Mənam tatəɗumon wəza nawtaf nokum aba Maŋgəlva Affəmə, də wəzuliya də wəŋgla nokum də an məs kədaɓəsaŋ də wəɗum nokum aza Ɗəfdaya nam Zezu Krestu.

2Korintus 7:14

Nəgakdakanək zu abani, vi wən nokum nokum bo kərbaŋ suwən wil ɓa. Goŋga məpel sukum pakə. Vaski bo ko an məɗiyək kikum aba Titus zlaŋ na, goŋgayi.

Hənhən 14:12

Ndəni kan wəɓəs net ɗii na Maŋgəlva an məs dəɓəsaŋ, də wərma ma henziŋ na Maŋgəlva amekreti də wətaf Zezu.

1Korintus 7:17

Say ko naway dədaw gən va Ɗəfdaya apsəni dəsan va gala Maŋgəlva aya. Aski dawka naw an nəɗi aweleŋgit ɗii na Maŋgəlva pakə.

2Piyer 1:6

də ərma zə ɗəffa də əsok zə ɗəffa də əɓe sən Maŋgəlva,

Yakob 5:11

Mənam tatə ɗiyit ka ɗii məs dərəhaŋ zəzaya, vi dəpanən wəɓəs net ɓa. Kəpprəmənək wənna Ayuba bo va aɓəsa. Kəsənənək bo Ɗəfdaya atər sən wəray nan dərɓaga wəzəm saha nani. Vi Ɗəfdaya aknahək də ula saha aket ɗii də wəgəɗ sit mogoni.

Ibriɗe 6:15

Abraham agak də wəɓəsən, ndəni arəh zəga an məs Maŋgəlva anahsəni.

2Tesaloniki 3:5

Ɗəfdaya nam Zezu Krestu dəkpaŋgan makrokum, vi kəsbanən gən wəŋgla na Maŋgəlva də an məs aŋgələ.

2Korintus 9:4

Vi an nədek dit na Makedoniya na, an mərəhək kəkkalanən zəga məs kəɗiyaŋ ɓana, dewle wil wadəmən ambokum, ya annokumi adaw daŋ day ɓa sa!

2Korintus 9:2

Nəsənka munokum tat də əŋgla nabaahsiti. Nəɗiyək kikum abet ɗii na Maŋgəlva a Makedoniya bo, nənahək na: Milmiŋgiɗəm na Akaya tahəŋ əkalanən zəga nan daga dəbyaŋga. Zukum məs kəsokoŋgəŋ afɗehetik ɗii diiɗa suwaleŋti.

Roma 12:12

Məneken zukum də zəga məs kədawgaŋ, məɓəs bonoy, məsok zukum əzuli pay pakə.

Roma 8:25

Amma an mənam tatə gan mərah gən zəga nan məza mənam təmsa ulan tagay ɓa, asna mənam tatə gan də wəɓəsən.

Roma 2:7

Ɗii məzu sokən zit wəɗɗa mogoni, də gakdak nani, də zeŋgille məza amta ɓa, Maŋgəlva wapsit zeŋgille nassa ha faɗə.

2Korintus 7:4

Məsənkumək grak lewlewi, mənam tatəɗi kikum diiɗa, adəv bonoy nam pakə, məknahək də ərma makramə də əneken zəmə.

2Korintus 12:10

Vini, anəneken zu vi ədak nawa, anəneken zuwa an ɗii arawənka, akayanənək mawa, an gəkgrəŋ də əzəm saha arəwək vi wənna Krestu. Vi pay məs nəsaw mədakwa, dəpaski nədaw saw də sembe.

Ibriɗe 6:12

Məŋgəl kəsoŋ gən mətampəlɗe ɓa, məsoŋ va ɗii məs dətafaŋ dabəŋ tahəŋ də wəɓəsəni vi kawrəh an məs Maŋgəlva anah na wapsəmə.