2Piyer 3:7 - Nouveau Testament en Guidar

⁷ Amma disiŋ də dəlva fuŋ an kakaŋkiŋki, də wəpel na Maŋgəlva vani asuwaŋ tagay vi kagrekit də offo. Məzeɓeti ha pay nawtaw kita aket ɗii mbreyit də wəzeti.

Bible en Guidar

⁷ Ya disiŋ də dəlvafuŋ an kakaŋkiŋki, məɗiti ta' sən offo də wəpel vani. Məzeɓeti vi pay nawtawwəna gəm pay nawza net ɗiy mbəreyti.

2Piyer 3:7 ပူးပေါင်းရင်းမြစ်များ

Matiye 10:15

Gesiŋ nədawnah sukum pay wəgrak dəlva, kita net waday ki kita net ɗii na Sodoma də Gomorra.

Matiye 11:22

Vi vaski nədarban sukum: Pay wəgrak dələv na, kita na Tirus də Sidon wasan ɗəɗaah ki kita nokum.

Matiye 11:24

Vaski nədawnah sukum: Pay wəgrak dəlva, kita na Sodoma wasan ɗəɗaah ki kita nok kpakə.

Matiye 12:36

Əntatə nah sukum: Pay wəgrak dəlva, ɗii wazlanən aba kita aka wəpel ana met ɗarɗar apeleŋ pakə.

Matiye 24:35

Disiŋ də dəlva fuŋ pak wagrakaŋ, amma wəpel naw agrak na ɓa.

Matiye 25:41

Asna wanah sit ɗiiyen naka van zlaɓay na: Məzar səzaw faraɗa munokum məs Maŋgəlva araygukum, mədoŋ aka offo məs amta ɓa ha faɗə, məs məzaɓan vi Ibilisa dit maslayɗe nani.

Markus 6:11

An ɗii walaŋ gəla maɓɓan aɓoŋguk dawtafkum, məzar sədaka, məttu burɗuk səza təlkum siti. Dəsan gən saydawa azeti.

Yohanna 12:48

Ko naway dəɓoŋ akawa, dəŋglu wənnaw ɓa, an məs nawtaw kita akan tay. Wən məs nədawpeliŋka, ndəni nawtaw kita akan pay wəgrak dəlva.

Roma 2:5

Amma makrokum ɓəlli kəngereŋ ətubi ɓa. Də wəɗɗa vaski kəda tattuwãhnən kita na Maŋgəlva diiɗa akokum pay adarban zən də wəda gədəv nan də kita nan an də goŋga.

1Korintus 3:13

Vaskana, ko naway pak wəza nan warban zən payan məs məɗiyən vi kita, vi payan dəpaska, offo warban wəza na ko naway pak va aɗɗa, offo wasla wəza net ɗii taka taka pak va asani.

Filipi 1:28

Kədaw geslneŋ'eŋ sit məzu zel kumən ko suɗike ɓa. Vi akpaŋgək azet va saydawa na zəga an dəgil va ndən nawzeti, amma azokum na, agilik va nawkoh gukum, as bo səza Maŋgəlvayi.

2Tesaloniki 2:3

Kəda panən zukum ko naway dəmbəɗokum gən ko də midi ɓa, pay nan ade na vas ɓa, say wənna wəppan wəsban Maŋgəlva dəde gən dabəŋ, ɗəf mambray bo wade, an məs məɗiyən nawza,

1Timote 6:9

Amma ɗii məkayaŋ arya wərak metiŋgin wade azeti. Watoŋgoŋ adəv mazaɗə wisim zəga na dərwa də an mbrayen məs dəda toŋgit ɗii adəv wəza də wəzet kuɗupə.

Ibriɗe 12:29

Vaski Maŋgəlva namə, ndəni offo nawzan zəga pakə.

2Piyer 2:9

Ɗəfdaya asənək va adaw koh git ɗii məzu dawaŋ amban səka wəzəm saha neti, asənək bo va adawge məɗɗaŋ mambraya, vi kawtaw kita aket pay na kita.

2Piyer 3:10

Də as pak na, pay wəziya na Ɗəfdaya tay va məhal adazani. Dəpasna disiŋ watray də gugoyo metiŋgini, ngərzleɗ na disiŋ pak wazlaŋ pak də offo dəlva fuŋ bo zigeɗ nadəvən pak wazaŋ.

2Piyer 3:12

Dawga pay nani, məgəɗ wəza pay nan dəgap gən gu'u, va wənah na pay məs disiŋ adawzla də wəzza, ngirzleɗ bo wewereŋ sənən offo.

1Yohanna 4:17

An əŋgla na Maŋgəlva aɗɗak an məs aŋgəl amakramə, asana məgeslne na pay na kita ɓa, vi wədaw nam annaka dəlvəŋ na, agilik va wədaw na Zezu Krestu.

Zuda 1:7

Məɗumon wənna dələv na Sodoma də Gomorra, gəm walaŋ gəleɗe en tuwəɗ kini. Ɗii nadəvən aɗɗaŋgək va net maslayɗe nek aɗɗaŋgə, asbanənək wəsim zəga na gəɓa zit mbrayen. Kita na offo məza amta ɓa azəmgitik saha, vi ɗii pak də geslne'eŋ gəni.

Hənhən 17:11

Zəga mamanya nak tay laŋka, amma tay kakaŋ ɓa, ndəni məlĩ ma dədopoɗeti, ndəni bo ma buhulet en dabəŋ neki, amma wambat atəki nawza.

Hənhən 17:8

Zəga mamanya məs kədawlaŋka, taylaŋka, amma kakaŋ na tay ɓa. Gu'oy aza wəgilyan sədəv vov kpukpum mbrayen, kadan atəki nawza kana. Ɗii məs iya net tay məverin adəv ɗerewel nawkoh ɓa daga wətəŋ na duniya, an awlanənək zəga mamanyaŋ na wagətaŋ, vi tay laŋka amma tay kakaŋ ɓa, ya wamil əmpa'a.

Hənhən 20:11

Yaŋ nula mazaŋga babar na məlĩya də ɗəf məs dəsan akani. Dəlva fuŋ də disiŋ tahəŋ wənzoŋ sənəni, kawleti ɗaah əmpa ɓa.

Hənhən 21:1

Yaŋ nula disiŋ meleketeni, də dələv meleketeni. Disiŋ an dabəŋ də dələv an dabəŋ pak anzoŋko, pe'e bo tay ɓa azəka.