2Piyer 3:17 - Nouveau Testament en Guidar

¹⁷ Amma munokum bayneŋgiɗwa, kəsənənək wənnan dabəŋ. Məzi zukum, vi ɗii məs aɓe'eŋ sənən Maŋgəlva ɓeŋ adawtoŋ gukumən adəv mambray net kapan wədaw nokum də sembe mogonəŋ ɓa.

Bible en Guidar

¹⁷ Ya nokum bayneŋgiɗwa, kəsənənək wən nan daabəŋ. Məzi zukum, vi ɗiy məza mahenziŋ ɓeŋ adawzokumən kəskotoŋgən səka əziw ɓəlɓəl nokum ɓa.

2Piyer 3:17 ပူးပေါင်းရင်းမြစ်များ

Matiye 16:11

Vi mi kapprəmanən ɓadi wənnet dupeŋɗe nəpel sukum sa? Məzi zukum aza wuɗo net Farisiyenɗe dit Sadusiyenɗe.

Matiye 16:6

Zezu anah sit na: Məzi zukum aza wuɗo net Farisiyenɗe dit Sadusiyenɗe.

Matiye 7:15

Məzi zukum azet məs kleŋɗe məwaŋ wənna, tahəŋ wəzoŋ azokum va timeŋgiɗi, amma mekret na kirɗe munyaŋ.

Yohanna 16:4

Yaŋ nənah sukumko. An pay nan adeke, wakəɗumonən an məs nənah sukum. Zezu asbanək wəpel əmpa: Nənah sukum daga wətəŋ nan ɓa, vi əntat də munokum.

Wəza net Masləŋɗe 2:42

Asokunək zit aza wəpprəm wən məs masləŋɗe adawpeleŋ sitini, asapaŋka, akpaŋgaŋgək taka ko də wəɗɗa zəga pakə, ko də wənna uɗakan waya, də wəkkaman Maŋgəlva bo.

Roma 16:18

Vi zemvit ɗiiyen veski, aɗɗaŋ na wəza sən Ɗəfdaya nam Krestu ɓa. Amma net say wənna gədiviti də wəpel namet neneke, tahəŋ wəzanən əmpəs net ɗii məs dəsənaŋ zəga diiɗa ɓa, də meŋ nemet nenekɗe.

1Korintus 10:12

Vini, məga zukum. Ɗəf dəɗum na tay ziwe, say dəzi zəni adasɓər ɓa.

1Korintus 15:58

Vini munokum milmiŋgiɗu na makrawa, məsoŋ va də suwerkum məza naɓla ɓa. Məgay sən wəza na Ɗəfdaya pay pakə, kəsənənka zukum məs kədaw sokoŋ də wəsap nokum də Ɗəfdaya asanna ɗar ɓa.

2Korintus 11:3

Kəsənək va doho ambəɗat Hawwa də kuket nani, geslne arəmwək sən maɗulokum adawray vas ɓa, vi kədapanən əŋglu Krestu də goŋga də makrokum taka ɓa.

Galatiyen 5:4

Munokum məzu kayaŋ kəsoŋ gən təstəs aba Maŋgəlva də wəsban ma henziŋ, kuɗaŋkaŋgək də Krestu, kəzaŋgək də mbəlembəle na Maŋgəlva.

Efesus 4:14

Vi məda sam dərɓagan va kirin muzliyeɗ naw rakam də wəsən na ɗəffa va səmnya dit vovolumɗe adaw kanən bəlay. An wətaf na ɗəf dəknah ɓa, asna məɗɗaŋ vurum wambəɗanən də sokene neti.

Filipi 3:2

Məzi zukum azet kirɗe, məzi zukum azet məɗɗaŋ mambraya, məzi zukum azet məzu tawən zəga neti.

Kolosi 2:5

Ko vi nəsaw fəraɗa də gəɓa zu səzokum zlaŋ, əntatə saw də munokum də wəɗum nawa, zu neki adan nəpprəm na kətafənək Krestu, kəɗiyənək kikum akani.

Kolosi 2:8

Məzi zukum ɗəf adaw mbəɗokum də zəga nawsən nan diiɗa ɓa, walla də zəga an narban ɗar mekeleŋ məs dəde səza wəɗum net ɗii kaaka ɓa'a. Zəga nani ndəni wəsən məs adawnəhaŋ na, wəsən aka wənna sembeɗ na disiŋ, aka wənna Krestuwi ɓa.

2Timote 4:15

Nok bo aga zuk səzani, vi tay tak an mədawpel pakə də sembe.

Ibriɗe 3:14

Vi mənam pak məkpaŋgək ɗii na Krestu, an mərmak wənnan də makram taka məppan ɓa, va mərma wənnan daga wətəŋ nani.

1Piyer 5:9

Məsoŋ ɓəlɓəl də wətaf nokum, məɓoŋ akani, vi kəsənənka ɗii na Maŋgəlva va munokum tahəŋ wəzəmaŋ saha aka dələv pakə.

2Piyer 2:7

Akoh gənək Ludu, ɗəf mogoni. Pay na Ludu, ɗii məs mambrayɗe azəm gənənək saha də əsuwa net mbrayni.

2Piyer 3:1

Bayneŋgiɗwa, aŋki ɗerewel an nəver sukum ma sula'ən, adivit ɗerewelɗe net sula git pak na, nəŋgəl kaɗumon sukum, kaw sil gən maɗulokum mogoni, ɗe əɗumon sukum aka zəga məs kəyaganəni.

Hənhən 2:5

Aɗumon əza məs kəzə ki tive, apan mambray noko, adaw va məs kədaw dabəŋ. An kəzaɓan makrok ɓana, wanəzawrəhko, wanəgəm zəga naɗi pitirla nok sə gəlani say an kətubika.