2Piyer 3:14 - Nouveau Testament en Guidar

¹⁴ Vi vaski bayneŋgiɗwa, dawga pay naməŋka məsok zukum kəsoŋ gən salala, məza də mambray azokum ɓa aba Maŋgəlva, məsoŋ zay dəndəni.

Bible en Guidar

¹⁴ Vi vaski bayneŋgiɗwa, dawga payəska, məsok zukum kəssoŋgən salala, məza də heslepe azokum ɓa aba Maŋgəlva, məssoŋ zay dəndəni.

2Piyer 3:14 ပူးပေါင်းရင်းမြစ်များ

Matiye 24:26

An anahaŋ sukumənək na: Krestu tayawra, kədadoŋ ɓa, walla anahəŋgək na: Tay haɗammaŋka, kəltafnən ɓa.

Matiye 25:7

Yaŋ gorɗeŋge klaw nek pak asilyoŋko, azeɓetinik pitirleɗ neti.

Luka 12:43

Zəzay aza gawla nan an daya nan adek wərəhən daɗɗan vaska.

Luka 2:29

Aw Ɗəfdaya an məs kənah nak agəɗək kakaŋ kana. Apan balam nok dəmtə də zam kana.

1Korintus 1:8

Ndəni naw ziw gukum ha gap wəgrak nani, vi adawpeleŋ mbrayen akokum pay naziya na Ɗəfdaya nam Zezu Krestu ɓa.

1Korintus 15:58

Vini munokum milmiŋgiɗu na makrawa, məsoŋ va də suwerkum məza naɓla ɓa. Məgay sən wəza na Ɗəfdaya pay pakə, kəsənənka zukum məs kədaw sokoŋ də wəsap nokum də Ɗəfdaya asanna ɗar ɓa.

Filipi 1:10

Vi kəgapaŋ gen na welen an mogoni, vas bo kəsoŋ gən salala*, məza də mambray ɓa, ha gap pay na Krestu adawtaw kita.

Filipi 2:15

Vi kəsoŋ gən salala* məza də mambray azokum ɓa, kirtin Maŋgəlva, məza də mambray azokum ɓa, aweleŋgit ɗii na duniya ɗəɗerɗe mes mbreyit naka dəlviŋki. Kəkasakaŋ gən aweleŋgit va ngərzleɗi.

Filipi 3:20

Vi namə, gela nam a disiŋgi. Sədaki mədaw ga məzu koh gəmə, ndəni Ɗəfdaya Zezu Krestu.

1Tesaloniki 3:13

Vi dəsɓan gən mokrokum məza vi kəziweŋ gən aba Maŋgəlva Affəmə, də mambray ɓa salala* aba Maŋgəlva Ɗəfdaya namə, pay wəziya na Ɗəfdaya nam Zezu adazani dit maslayɗe nan məs salala.

1Tesaloniki 5:23

Maŋgəlva məs dədapsəm zamə, ndən sən kiyən də ɗikum ɗii təstəssə, dəga sukum əmpəs nokum də ma genegenekum də gəɓa zukum pakə, məza də mambray ɓa ha gap pay naziya na Ɗəfdaya nam Zezu Krestu.

1Timote 6:14

Asban wənnəska, aga wənnan amakaroko məza də mbrayen akan ɓa, ha pay Ɗəfdaya nam Zezu Krestu adazani.

Ibriɗe 9:28

Vaski bo Krestu apsən zeŋgillen təl taka vi kaskoɓ mambray net ɗii diiɗa səka dəlva, warban zən ma sula'ən, ya nan vi kapay mambrayi əmpa ɓa, amma vi kawkoh git ɗii məs dədawganəni.

Yakob 1:27

Aŋki Maŋgəlva Affən aɗi ka ɗəf dəsban gəni: Wəɗum aket mətiwɗeŋge, dit gil net gəbayɗe aka wəzəm saha neti, də wətaɗ ki zəni adawtoŋ adəv wənna duniya kawray gən ɓa.

1Piyer 1:7

Wəzəm saha nan ade na vi kawsla wətaf nokum, gesiŋgi sa. Vaski bo va təbəs na meleŋge məs asna ha faɗ dərəŋ ɓa məslani də offo, vaski bo wətaf nokum tay də sləman dayki təbəssa, məsla wətaf nokum na vi kawla kəkərtəh nani. Vi kərəhaŋ gən wəɗi sukum kikum də gakdaka də sləmokum pay Zezu Krestu adazani.

2Piyer 3:1

Bayneŋgiɗwa, aŋki ɗerewel an nəver sukum ma sula'ən, adivit ɗerewelɗe net sula git pak na, nəŋgəl kaɗumon sukum, kaw sil gən maɗulokum mogoni, ɗe əɗumon sukum aka zəga məs kəyaganəni.

2Piyer 3:16

An məs aver adivit letərɗe nan pak atəki məs adaw pel aka wənəŋka, atəki maɓɓan temtem tuwãhi wəpprəma, ndəni kan ɗii məs dəsənaŋ zəga ɓa, məs tahəŋ də wəɓəs zit naw sənən ɓa, yaŋ ada kpaŋganən wənnani adawray gitini, va adaɗɗaŋ dit ɗerewelɗe məverit meɓɓeti. Də əɗɗan vaski adaw kiyən kita aketi kawzan ziti.

1Yohanna 3:3

Ko naway məs dəŋgəl wəsuwa va Krestu, say duɗak də mambraya, va Krestu sən kiyən awɗak dəndən.