2Piyer 3:11 - Nouveau Testament en Guidar

¹¹ Adan zigeɗ pak wazaŋ vaska, kəsənənək va kədasoŋ. Say məsoŋ adəv salala, məsban Maŋgəlva də goŋga.

Bible en Guidar

¹¹ Adan zəgeɗ pak wazaŋ vaska, kəsənənək va kədassoŋ. Məssoŋ addəv salala, məzban Maŋgəlva də gegesiŋ.

2Piyer 3:11 ပူးပေါင်းရင်းမြစ်များ

Matiye 8:27

Ɗii pak agətaŋgək diiɗa, anahaŋ na: Aŋ ɗəf mi yaŋ di may barkataŋɗe dit iŋkile pak wəpprəmnən manəŋ di?

Roma 13:11

Məɗɗa vaska, vi kəsənənka pay nan agəɗək kan kakaŋka, məfɗaah səket sin nokum. Pay na koh nokum go'oy sawɓa, ha dayki an kətəŋgaŋ lahəŋ wətaf Ɗəfdaya.

Roma 13:12

Dəfəɗ atirik sawɓa, go'oy aza wədaŋga, vi vaski say məppan wəza məs kədaɗɗaŋ ara guzliyəŋka, məgəm səm zəga annara təki babara ndəni zəga naw gay namə, məgay gən də guzliyo, məday gən kini.

2Korintus 1:12

Aŋki zəga məs mədaw kaɓ dəndən. Wəɗum na makram agəɗ səmək saydawa aka wədaw nam a duniya, məs dəday pak na, ədaw nam nawaloŋkum, mədawək də goŋga də mogoni. Sembe nan pak səza Maŋgəlva ade. Məsban wəsən net ɗii ɓa, say mbəlembəle na Maŋgəlva.

Filipi 1:27

Say wəsuwa nokum dəslə də Wən Nenek na Krestu, vi an nədeke, wanulukum ko nəde ɓa, wanəpprəm labara nokum, vi munokum tat də sembe də Əmpəs taka, munokum tatə gayaŋ də makrokum taka də wətaf Wən Neneke.

Filipi 3:20

Vi namə, gela nam a disiŋgi. Sədaki mədaw ga məzu koh gəmə, ndəni Ɗəfdaya Zezu Krestu.

1Tesaloniki 1:5

Vasna labara nenek məs məpel sukuməŋka, də wəpeli kaaka azokum ɓa, amma Maŋgəlva arbanək sembe nan dəndən, gəm Əmpəs nan Salala* abaah səməka, apsəmək wəsən an də goŋga nasuwa ha faɗə, kəsənənək va məgəɗ wəza awaloŋkum, vi kawtər sukum wərayi.

1Timote 3:16

Gesiŋ aŋki məɗama na wən nəŋka, ndəni metiŋgini annan mədasba: Krestu arbanək zən va ɗəffa, Əmpəs arbanək wən akan na, askak wəlla zəga pakə. Maslayɗe awlanənka. Mərbani labara nan aweleŋgit ɗii məza Yahudiyenɗeŋ ɓa. Ɗii na duniya atafənka, Maŋgəlva aslanək a disiŋ adəv gakdak an dəday pakə.

1Timote 4:12

Ɗəf adawgusok vi kəsok muzliya ɓa. Asok azet ɗii məs dətafaŋ pak va zəga narban sit tive, də wəpele də wəza də wəŋgla gəm də wətaf an məza də mambray ɓa.

1Timote 6:11

Amma is ɗəf na Maŋgəlva azar səza zəga vaska. Akayan goŋga də geslne na Maŋgəlva, də wətafa də wəŋgla də wəɓəsən də makrok zayə.

1Timote 6:3

An ɗəf akəyək wən maɓɓani, an wənnan dəsap də goŋga na Ɗəfdaya nam Zezu Krestu arban səməŋ ɓa,

1Timote 6:6

Gesiŋ wəsban Maŋgəlva zəga na ribayi an ɗəf nan asokuk zən aza wisim zəga.

Ibriɗe 13:5

Kədaw simin deleɗ ɓa, amma say məneken zukum də zəga na vokum. Vi Maŋgəlva anahək na: Nəpok na ɓa, nəsgok na ɓa samə.

Yakob 1:24

Ambatka, asgətək go'ləŋ ki va asani.

Yakob 3:13

Ɗəf tay də maɗulan məzu sən zəga awalaŋkum sa? Say dərban gən də wənziya nan mogoni, də wəɗɗa wəza mogoni, də wəɓegən ki zəni də maɗulani.

1Piyer 1:15

Amma va Maŋgəlva məs dəyukum asan salala, nokum bo məsoŋ salala də wədaw nokum pakə.

1Piyer 2:12

Wədaw nokum dəsan mogon aweleŋgit ɗii məs dəsənən Maŋgəlva ɓeŋki, an aɗikumənək va məɗɗaŋ mambraya, an tahəŋ ulanən wəza mogon nokum, wagakdakanən Maŋgəlva pay adazani.

2Piyer 1:3

Maŋgəlva apsəmək sembe nan metiŋgini, vi mədaw sam də wəray na zəga maɓɓan adəv əsuwa nam də ətaf ɓa. Apsəmək də wəsənən, ndəni ayəm məsap gən dəndən adəv gakdak nani də mogoni.

2Piyer 1:6

də ərma zə ɗəffa də əsok zə ɗəffa də əɓe sən Maŋgəlva,

2Piyer 3:10

Də as pak na, pay wəziya na Ɗəfdaya tay va məhal adazani. Dəpasna disiŋ watray də gugoyo metiŋgini, ngərzleɗ na disiŋ pak wazlaŋ pak də offo dəlva fuŋ bo zigeɗ nadəvən pak wazaŋ.

2Piyer 3:12

Dawga pay nani, məgəɗ wəza pay nan dəgap gən gu'u, va wənah na pay məs disiŋ adawzla də wəzza, ngirzleɗ bo wewereŋ sənən offo.