2Piyer 3:10 - Nouveau Testament en Guidar

¹⁰ Də as pak na, pay wəziya na Ɗəfdaya tay va məhal adazani. Dəpasna disiŋ watray də gugoyo metiŋgini, ngərzleɗ na disiŋ pak wazlaŋ pak də offo dəlva fuŋ bo zigeɗ nadəvən pak wazaŋ.

Bible en Guidar

¹⁰ Də as pak na, pay na Daya wade va məhala. Dəpas na disiŋ wazə də gogoyo metiŋgini, zəgeɗ dərmaŋ offo pak walyuɓoŋgu, dəlvafuŋ dit zəgeɗ nakan pak assoŋ na ɓa.

2Piyer 3:10 ပူးပေါင်းရင်းမြစ်များ

Matiye 24:35

Disiŋ də dəlva fuŋ pak wagrakaŋ, amma wəpel naw agrak na ɓa.

Markus 13:31

Disiŋ də dəlva fuŋ pak wagrakaŋ amma wəpel naw agrak na ɓa.

Luka 12:39

Məpprəm lewlewi: Va affən gəla asənək pay məhala adazan na, apana məhala detoŋgen annanda ɓa.

Roma 8:20

Maŋgəlva apanək duniya pak dəzə gəni, amma vi mambray nani ɓa. Maŋgəlva asgan adəv kita na, vi mambray net ɗiiyi.

1Korintus 1:8

Ndəni naw ziw gukum ha gap wəgrak nani, vi adawpeleŋ mbrayen akokum pay naziya na Ɗəfdaya nam Zezu Krestu ɓa.

1Korintus 5:5

Ɗəffan vas kəŋka, kəppan sənən gən Satan vi gəɓa zən də zə gəni, zeŋgillen dəkoh gən pay na Ɗəfdaya.

2Korintus 1:14

An məs kəsənaŋ kakaŋ na, nan kiyən kiyəni ɗarə. An Zezu Ɗəfdaya nam adek na, wakəɓapən wəgakdakaməni, va nam mədaw gakdokokum.

1Tesaloniki 5:2

Vi munokum sən kikum kəsənənka, pay wəziya na Ɗəfdaya tay va məhal adazan ɗəfɗa.

1Tesaloniki 5:4

Amma nokum, milmiŋgiɗwa, ara guzli kənanaŋ ɓa, vi pay nan adazan azokum mədəgirzike va məhal ɓa.

2Piyer 3:11

Adan zigeɗ pak wazaŋ vaska, kəsənənək va kədasoŋ. Say məsoŋ adəv salala, məsban Maŋgəlva də goŋga.

2Piyer 3:12

Dawga pay nani, məgəɗ wəza pay nan dəgap gən gu'u, va wənah na pay məs disiŋ adawzla də wəzza, ngirzleɗ bo wewereŋ sənən offo.

2Piyer 3:7

Amma disiŋ də dəlva fuŋ an kakaŋkiŋki, də wəpel na Maŋgəlva vani asuwaŋ tagay vi kagrekit də offo. Məzeɓeti ha pay nawtaw kita aket ɗii mbreyit də wəzeti.

Zuda 1:6

Məɗumon wənnet maslayɗe məs dətoŋgoŋ ki meŋge na gakdak məs Maŋgəlva apsiti, appanənək təki nasuwa neti. Maŋgəlva ampetik ara guzli afuŋ, aynetik dit ngiyamɗe məs apəlaŋ na ɓa. Say pay na kita net adawgaŋ kaaka'ə.

Hənhən 16:15

Məpprəma! Intatə zaw va məhala! Zəzay aza məzugani də wəga lukut nani, vi adawdaw zən mekeleŋ ɓa, wil bo adawdanən abet ɗii ɓa.

Hənhən 20:11

Yaŋ nula mazaŋga babar na məlĩya də ɗəf məs dəsan akani. Dəlva fuŋ də disiŋ tahəŋ wənzoŋ sənəni, kawleti ɗaah əmpa ɓa.

Hənhən 21:1

Yaŋ nula disiŋ meleketeni, də dələv meleketeni. Disiŋ an dabəŋ də dələv an dabəŋ pak anzoŋko, pe'e bo tay ɓa azəka.

Hənhən 3:3

Aɗumon zəga məs kəyagani də zəga məs kəpprəmə, asban wənnani. Akpaŋgan makrok səza mambray noko. An kəŋger wəfɗaah ɓa, wanəde azok va mamal va mahala, məza is wəsən pay məs nəda zaw ɓa.

Hənhən 6:14

Kəti a disiŋ bo atrayək va ɗerewel məktəmən, mosorgoɗe mətuwəra pak məzer giti sə gileti.