2Piyer 2:3 - Nouveau Testament en Guidar

³ Mərbaŋ zəga na tepelkeŋki, tahəŋ wəsimeŋ deleɗi vi kawə sukum wənna də labara ɗarə, vi kawzəm riba səzokum, daga farə, mətaw kita aket azaɓanək zəni.

Bible en Guidar

³ Addəv əsim deleɗ neti, wawaŋ sukumən tepelke vi kappətkumənən. Far mətawwən aketi, əza net aliy na ɓa.

2Piyer 2:3 ပူးပေါင်းရင်းမြစ်များ

Matiye 23:14

[Wakpaŋ azokum bonoy, munokum məsənaŋ zəga na ma henziŋ dit Farisiyenɗe*, muluvuluvuɗe kənanaŋ, munokum tatə tafənən zəga net gil net gəbayɗe pakə, munokum tatə ənziyaŋ dawzuliya vi ɗii dulukumən gəni. Vi ni wakərəhaŋ kita an tattuwãha.]

Luka 18:8

Intatə nah sukum, wagəɗ sit təstəs go'ləŋ. Amma an Wətən Ɗəf* adek na, warah wətaf aka dəlva fuŋ sa?

Luka 20:20

Atəŋgaŋgək wəga Zezu, asləŋgaŋgək ɗiiyi vi kaw ki sit an məs adaɗɗa. Ɗii net aɗɗanənək zit va ɗii tektekki, vi karma Zezu də wəssoho kapsit ɗii na governer.

Luka 22:47

Adan Zezu adawpel tagay ɗii azoŋko. Zuda məs naweleŋgit gewleɗ klaw kiyit sula akiyike. Azarək aza Zezu aɓeke akani (va ɗii net adaɗɗaŋ).

Yohanna 2:16

Apsit məvəllaŋ mukuɗuŋgileɗ na: Məzar sahəŋka kədaw manən gəla na Affu gəla naɗɗa terere ɓa.

Roma 16:18

Vi zemvit ɗiiyen veski, aɗɗaŋ na wəza sən Ɗəfdaya nam Krestu ɓa. Amma net say wənna gədiviti də wəpel namet neneke, tahəŋ wəzanən əmpəs net ɗii məs dəsənaŋ zəga diiɗa ɓa, də meŋ nemet nenekɗe.

2Korintus 2:17

Ɗii diiɗa tahəŋ ulanən əpel na Maŋgəlva va zəga naɗɗa terere. Nam mənam tatəɗɗan vanet ɓa, vi Maŋgəlva aslən məka. Mənam tatəpel də makram taka aba Maŋgəlva, va məɗɗaŋ wəza sən Krestu.

1Tesaloniki 2:5

Kəsənənka, nam məpel sukum ɗaah wən gə gənɗət na ma ɗəf ɓa, məɗaman ɗaah wənna mam va wəŋgla nawrəh deleɗ ɓa. Vasna Maŋgəlvayi saydawa namə.

1Tesaloniki 5:3

Pay adawnahaŋ na: Zəga pak zami də mogoni, əza wade aket mədəgirzike va daway ada waksət gulku, akohoŋ na ɓa samə.

1Timote 3:3

Adawsan ɗəf məs mbazla adawbay ɓa, adawsan mədə gədəv ɓa, amma məzu ɓəs wənna, adawsan məkay mama ɓa, walla məzəŋgla deleɗ diiɗa ɓa.

1Timote 3:8

Ɗii məɗɗaŋ wəza net kretiyenɗe bo, say də soŋ ɗii də maɗulet mogoni, adasoŋ matakatakeɗ ɓa, walla məsaŋ mbazla diiɗa ɓa, walla məzəŋgla riba mbrayen ɓa.

1Timote 6:5

Də wəgay məza meŋge nan ɓa. Maɗulet ɗii net azəka, goŋga bo azək sə ma hereti. Azet na wəsban Maŋgəlva ndəni tive nawrəh arya.

Titus 1:11

Asuk meti, tahəŋ wəray gitin ɗii də gəla net pakə, tahəŋ wərbaŋ wən sit ɗii məza tay mogon ɓa, vi karəh riba mbrayen.

Titus 1:7

Məzutaɗa net kretiyenɗe, dəsan ɗəf məza də wən akan ɓa, vi ndəni məzuzaɓan wənna Maŋgəlva, məza adaw san ɗəf məzu kaɓ ɓa, məs adawda gədəv ɗar ɗar ɓa, adawsan məs mbazla adawbay ɓa, ɗəf məzəw gay dit ɗii ɓa, ɗəf məza awsim riba mbrayen ɓa.

1Piyer 2:8

Wənnan məverini adəv ɗerewel na Maŋgəlva: Gərməŋka waŋgbay git ɗiiyi, milɓeŋka wasbir git ɗiiyi. Adaŋgbayaŋ na vi dətafən əpel na Maŋgəlva ɓa, agəɗək va an Maŋgəlva aŋgəl azeti.

1Piyer 5:2

Mətaɗ ngaɓa na Maŋgəlva məs apəl sukum, məteɗ də əŋgla va an Maŋgəlva aŋgələ, məza də dewle ɓa. Məɗɗa məza wəɗum narəh deleɗ ɗar ɓa, amma vi kəŋgluwənək vaska.

2Piyer 1:16

Də wənna labara net ɗiiyi ɗar mədarban sukum pay naziya na Ɗəfdaya Zezu Krestu məs də gakdak ɓa. Amma mulak gakdak nan də haramə.

2Piyer 2:1

Va məs kleŋɗe muwaŋ tepelke azoŋ aweleŋgit ɗii lahəŋka, vaski bo mərbaŋ wənna tepelke adazoŋ awaloŋkum. Wakiyaŋ zəga narba na tepelke məs nawkan atəki nawza, wazelenən Ɗəfdaya an məs dəkoh giti, vi vaski wəzza warihe.

2Piyer 2:9

Ɗəfdaya asənək va adaw koh git ɗii məzu dawaŋ amban səka wəzəm saha neti, asənək bo va adawge məɗɗaŋ mambraya, vi kawtaw kita aket pay na kita.

Zuda 1:11

Aw asbanənək tive na Kaynu. Appanənək kizit sit tepelkeɗi, vi kawrəh deleɗ va Balama agəɗə. Azaŋka, aboŋgoŋko va Koora aɓoŋgu.

Zuda 1:15

Vi kawtaw kita aket ɗii pakə. Wataw kita aket ɗii məɗɗaŋ mambray vi wəza mambray neti, wataw kita aketi, əpel mbrayen məs adaw peləŋ akani.

Zuda 1:16

Ɗii veti, tahəŋ wəpeleŋ wərwər aket ɗii məs dəmbraŋ, tahəŋ wəɗi sitin mambraya. Tahəŋ əsbanən wəsim zəga net mbrayenəŋka, tahəŋ əgakdakanən ziti, tahəŋ wəɗiyən kiziti, vi dərəhaŋ gən an məs aŋglaŋ.

Zuda 1:4

Vi ɗii mbreyit atoŋgoŋguk awalŋmə, məzi zəm aza wənnet ɓa. Aray gənənək labara na mbəlembəle na Maŋgəlva, vi kaw zaɓan wən naɗɗa mambray neti, appanənək wənna Zezu Krestu, ndəni mərbə zəga namə də Ɗəfdaya taka vaŋka. Daga far lahəŋka, ɗerewel na Maŋgəlva arban səmək kita nan arihik ɗiiyiŋ kakaŋka.

Zuda 1:7

Məɗumon wənna dələv na Sodoma də Gomorra, gəm walaŋ gəleɗe en tuwəɗ kini. Ɗii nadəvən aɗɗaŋgək va net maslayɗe nek aɗɗaŋgə, asbanənək wəsim zəga na gəɓa zit mbrayen. Kita na offo məza amta ɓa azəmgitik saha, vi ɗii pak də geslne'eŋ gəni.