2Piyer 2:18 - Nouveau Testament en Guidar

¹⁸ Tahəŋ wəpeleŋ wənnaɗi kizit ɗarə. Tahəŋ wəɗɗaŋ wəza də wəsim zəga na gəɓa zit də mambraya, vi karme ɗii məs dəgilyoŋ səzet ɗii məɗɗaŋ mambraya.

Bible en Guidar

¹⁸ Tahəŋ əpeleŋ wən nawɗi kiy zit ɗarə. Tahəŋ əmbəɗetin ɗiy də əsim zəga na gəɓa ziti gəm polkoyo, vi karme ɗiy məs dəgilyoŋ səzet ɗiy məɗɗaŋ mambraya.

2Piyer 2:18 ပူးပေါင်းရင်းမြစ်များ

Wəza net Masləŋɗe 2:40

Piyer aməsək wəpel sit də wən diiɗa, akkemetike: Duɗakanən gən zit səzet ɗii məzeti.

Wəza net Masləŋɗe 8:9

Awalaŋ gəla metiŋ vani, ɗəf maɓɓan tayadaka, iya nan na Simoŋ. Ɗii na Samariya aɗɗaŋgək gərəŋ aka wəza nani. Amna, ndəni ɗəf metiŋgini.

Roma 13:13

Say məgəɗ səm wəza məs dəslə azamə, vi ɗii na kapay mənani, məga səm zəm səza wəsmay mbrayen də wəbay na mbazla, də wəɗɗa polkoyo, də ɗarɗarə, də zəga mbrayen pakə, məppan səm wəgaya də kotoroku.

Efesus 4:17

Aŋki məs nədaw nah sukum də əssak sukum də iya na Ɗəfdaya, əntatə nah sukum məsok zukum kədasbanən ɗaah matuya vanet ɗii məs dəsənən Maŋgəlva ɓa adaɗɗaŋ ɓa, neti, wəɗum net tay zeti.

2Tesaloniki 2:4

wazelen an məs ɗii adasbanən pakə, wazelen an məs ɗii adawlaŋ na Salali pakə, wasok zən vi kawray gən wənnəs pakə, wambat ha adəv gəla metiŋ naw zuliya* kawsan adak də wəɗi zən va Maŋgəlva.

Yakob 5:5

Wəsuwa nokum a duniya adəv aryayi də wəɗɗa an naneken zukum. Kəkər gənənək zukum va wəsgəl hãwa ha gap pay nawtaw wəlani.

2Piyer 1:4

Va annah wapsəmə, akpaŋ səmək zəga metiŋgin mogon diiɗa. An kətafənək an məs annah sukum, wa kəkoh gənən wəsim zəga məs nadəv dələvəŋka, wakərəhaŋ wətoŋ adəv wəsuwa na Maŋgəlva.

2Piyer 2:14

Ula net pak say azet gil bərviyeɗi, awyaŋ daɗɗa mambray ɓa. Azaɗənək mazaɗ abet ɗiiyen tahəŋ də sembe ɓa. Azaɓanənək makret pak aka wəsim nawrəh deleɗi. Net Maŋgəlva araygitike.

2Piyer 2:2

Də as pak ɗii diiɗa wasbanən tive nawza neti, vi wənna wəza netiŋ vaskəŋka, ɗii wanəhaŋ wən aza tive an də goŋga.

2Piyer 2:20

An ɗii akohoŋguk səza mambray naka dəlva, vi asənən Ɗəfdaya nam məzu koh gəmə, ndəni Zezu Krestu, yaŋ dərɓaga askəmpa atoŋgoŋguk adəv mambray nak əmpa, wəgrak net wasan mbrayen dayki an lahəŋka.

2Piyer 2:7

Akoh gənək Ludu, ɗəf mogoni. Pay na Ludu, ɗii məs mambrayɗe azəm gənənək saha də əsuwa net mbrayni.

2Piyer 3:17

Amma munokum bayneŋgiɗwa, kəsənənək wənnan dabəŋ. Məzi zukum, vi ɗii məs aɓe'eŋ sənən Maŋgəlva ɓeŋ adawtoŋ gukumən adəv mambray net kapan wədaw nokum də sembe mogonəŋ ɓa.

Zuda 1:13

Tahəŋ də sembe va vovolumɗe a pe'e meteŋgini, wəza mambray net arbanək zən va oŋgofoko. Tahəŋ va ngərzleɗ məzeti, Maŋgəlva azaɓan sitik təki net ara guzli titire. Agulyoŋ na sədak ɓa ha faɗə.

Hənhən 13:11

Yaŋ nula zəga mamanya maɓɓan wəgilyan sə fuŋ, tay də mohon sula vana botol, yaŋ adawpel vana ngoŋgoŋ.