2Piyer 2:14 - Nouveau Testament en Guidar

¹⁴ Ula net pak say azet gil bərviyeɗi, awyaŋ daɗɗa mambray ɓa. Azaɗənək mazaɗ abet ɗiiyen tahəŋ də sembe ɓa. Azaɓanənək makret pak aka wəsim nawrəh deleɗi. Net Maŋgəlva araygitike.

Bible en Guidar

¹⁴ Heret sekke aka əkuh a gizbe, awyaŋ daɗɗa mambray ɓa. Tahəŋ əmbəɗet ɗiy en dəsɓaŋ ɓa. Aɗiyənək mekret aka əsim nawrəh deleɗi. Kirin məreygitiŋ.

2Piyer 2:14 ပူးပေါင်းရင်းမြစ်များ

Matiye 12:34

Munokum zemvit barwayɗe, mbar kədawɓapaŋ wəpeleŋ wənet zigeɗ mogeti yaŋ munokum zəknokum mbray kum di? Vi ma ɗəffa ana makra ɗəf nan adawpele.

Matiye 23:14

[Wakpaŋ azokum bonoy, munokum məsənaŋ zəga na ma henziŋ dit Farisiyenɗe*, muluvuluvuɗe kənanaŋ, munokum tatə tafənən zəga net gil net gəbayɗe pakə, munokum tatə ənziyaŋ dawzuliya vi ɗii dulukumən gəni. Vi ni wakərəhaŋ kita an tattuwãha.]

Matiye 25:41

Asna wanah sit ɗiiyen naka van zlaɓay na: Məzar səzaw faraɗa munokum məs Maŋgəlva araygukum, mədoŋ aka offo məs amta ɓa ha faɗə, məs məzaɓan vi Ibilisa dit maslayɗe nani.

Matiye 5:28

Amma naw əntat nah sukum: Ko naway ɗəf məzilin dulət gulku də wəŋgla nata, agəɗək mana'a amakrani.

Markus 13:22

Vi Messiyeɗ məwaŋ wənna dit məs kleŋɗe məwaŋ wən wazoŋ, waɗɗaŋ sokeneɗ, vi kawzet ɗiiyen na Maŋgəlva aweli, va waɓapəni.

Yohanna 5:44

Ko naway tay kay wəŋgla nani, amma kəkayaŋ na wəŋgla na Maŋgəlva ɓa. Ya mbarmbari kəda ɓapən wətafwən di?

Roma 16:18

Vi zemvit ɗiiyen veski, aɗɗaŋ na wəza sən Ɗəfdaya nam Krestu ɓa. Amma net say wənna gədiviti də wəpel namet neneke, tahəŋ wəzanən əmpəs net ɗii məs dəsənaŋ zəga diiɗa ɓa, də meŋ nemet nenekɗe.

1Korintus 11:19

Dewle uɗak dəgəɗ gən awaloŋkum vaska, vi kawsən ɗiiyen də mekret taka.

Efesus 2:3

Mənam pak vanet mənan lahəŋka, mənam tatəsban wəsim zəga namə. Mənam tatəsban an gəɓa zəm aŋgəl də an maɗulam aŋgələŋ pakə. Vaski kan məsam adəv wəssa nan lahəŋka, wədda gədəv na Maŋgəlva tayakam va aket ɗii pakə.

Efesus 4:14

Vi məda sam dərɓagan va kirin muzliyeɗ naw rakam də wəsən na ɗəffa va səmnya dit vovolumɗe adaw kanən bəlay. An wətaf na ɗəf dəknah ɓa, asna məɗɗaŋ vurum wambəɗanən də sokene neti.

Kolosi 2:18

Kədapetin ɗii wəkiyən mokum də wənna zuli sit maslayɗe də wəɓe gən kizit na mataktaka ɓa, vi ɗii net wənna issine asbaŋ məs arəhaŋ, yaŋ ada gakdakanən zit də tive na wəɗum na ɗəffa, də wən məs goŋgay ɓa.

Yakob 1:8

Vi dəpan kiyən sən Maŋgəlva ɓa, dəsən an va adaɗɗa də wəɗum nan ɓa.

2Piyer 2:18

Tahəŋ wəpeleŋ wənnaɗi kizit ɗarə. Tahəŋ wəɗɗaŋ wəza də wəsim zəga na gəɓa zit də mambraya, vi karme ɗii məs dəgilyoŋ səzet ɗii məɗɗaŋ mambraya.

2Piyer 2:3

Mərbaŋ zəga na tepelkeŋki, tahəŋ wəsimeŋ deleɗi vi kawə sukum wənna də labara ɗarə, vi kawzəm riba səzokum, daga farə, mətaw kita aket azaɓanək zəni.

2Piyer 3:16

An məs aver adivit letərɗe nan pak atəki məs adaw pel aka wənəŋka, atəki maɓɓan temtem tuwãhi wəpprəma, ndəni kan ɗii məs dəsənaŋ zəga ɓa, məs tahəŋ də wəɓəs zit naw sənən ɓa, yaŋ ada kpaŋganən wənnani adawray gitini, va adaɗɗaŋ dit ɗerewelɗe məverit meɓɓeti. Də əɗɗan vaski adaw kiyən kita aketi kawzan ziti.

1Yohanna 2:16

Mbarmbari duniya van asan vas di? Ɗii tahəŋ əmbataŋ də zəga na duniya, də wəsim zəga neti, tahəŋ ulanən zəga, yaŋ adaŋglaŋ dərəhən gəni, yaŋ adagakdakanən arya net də wəgakdakan ziti, as pak dəde səza Affən ɓa, amma səza duniya ade.

Zuda 1:11

Aw asbanənək tive na Kaynu. Appanənək kizit sit tepelkeɗi, vi kawrəh deleɗ va Balama agəɗə. Azaŋka, aboŋgoŋko va Koora aɓoŋgu.

Hənhən 12:9

Yaŋ məsgan zəga darawən kan agisbe, ndəni doho məgalən, məs adawyaŋ na Ibilisa walla Satan, məzuzet ɗii na duniya pakə. Yaŋ məsgan aka dəlva fuŋ, dit maslayɗe nan pakə.