2Piyer 2:1 - Nouveau Testament en Guidar

¹ Va məs kleŋɗe muwaŋ tepelke azoŋ aweleŋgit ɗii lahəŋka, vaski bo mərbaŋ wənna tepelke adazoŋ awaloŋkum. Wakiyaŋ zəga narba na tepelke məs nawkan atəki nawza, wazelenən Ɗəfdaya an məs dəkoh giti, vi vaski wəzza warihe.

Bible en Guidar

¹ Va məskəleŋɗe məwaŋ tepelke azzoŋ aweleŋgit ɗiy lahəŋka, vaski yi'e mərbaŋ wən na tepelke adazzoŋ a waloŋkum. Wakiyaŋ zəga narba na tepelke məs nawkan a təki nawza, wazelenən Daya məs dəkõhgiti, vi vaski əza warihe.

2Piyer 2:1 ပူးပေါင်းရင်းမြစ်များ

Matiye 10:33

Amma məs dənah wənnaw abet ɗii ɓa, nənah na wənnan aba Affu na disiŋ ɓa'a tamə.

Matiye 24:11

Məs kleŋɗe məwaŋ wən warbanən zit diiɗa, wazetin ɗii diiɗa.

Matiye 24:24

Vi messiyaɗe məwaŋ wənna dit məs kleŋɗe məwaŋ wən wazoŋ, waɗɗaŋ sokeneɗ diiɗa vi kaw zet ɗiiyen na Maŋgəlva aweli, va waɓapəni.

Matiye 24:5

Vi ɗii diiɗa wazoŋ də iya nawa, wanahaŋ na: Əntə Messiya*. Wazetin ɗii diiɗa.

Matiye 7:15

Məzi zukum azet məs kleŋɗe məwaŋ wənna, tahəŋ wəzoŋ azokum va timeŋgiɗi, amma mekret na kirɗe munyaŋ.

Markus 13:22

Vi Messiyeɗ məwaŋ wənna dit məs kleŋɗe məwaŋ wən wazoŋ, waɗɗaŋ sokeneɗ, vi kawzet ɗiiyen na Maŋgəlva aweli, va waɓapəni.

Luka 12:9

Amma ɗəf məs dədawnah na dəsənu ɓa, Wətən Ɗəf tam asəna ɓa haabet maslayɗe na Maŋgəlva.

Luka 21:8

Zezu azlanka: Məzi zukum, vi al mbəɗokumən dərwa ɓa. Vi ɗii diiɗa wazoŋ də iya nawa, wanahaŋ na: Əntə Messiya* pay nan go'oy. Kədasbetin ɓa.

Luka 6:26

Wakpaŋ azokum bonoy, an ɗii anah sukumənək na mogoni, vi vas dəhiŋgiɗit anah sitin məs kleŋɗe məwaŋ wənna.

Roma 16:18

Vi zemvit ɗiiyen veski, aɗɗaŋ na wəza sən Ɗəfdaya nam Krestu ɓa. Amma net say wənna gədiviti də wəpel namet neneke, tahəŋ wəzanən əmpəs net ɗii məs dəsənaŋ zəga diiɗa ɓa, də meŋ nemet nenekɗe.

1Korintus 11:19

Dewle uɗak dəgəɗ gən awaloŋkum vaska, vi kawsən ɗiiyen də mekret taka.

1Korintus 6:20

Maŋgəlva abit kumko, afaɗək vini, vi wənnəski məgakdakan Maŋgəlva də gəɓa zukum.

1Korintus 7:23

Ɗəfdaya abitkumuk də zəga na sləma. Vi wənnani kədakpaŋganən zukum balemɗe net ɗii ɓa.

Galatiyen 2:4

Yaŋ milmiŋgiɗəm məs tepelkeɗ azoŋ awaleŋgit ɗii na Maŋgəlva də kukete, aŋglaŋ wəskəl gən awra. Ɗii net azoŋguk awalaŋgəm va ɗii mulaŋ kətiya vi kiyəm an məs mərah də wəsler nam aza Zezu Krestu. Aŋglaŋ kakpaŋgamən belemɗe na ma henziŋ.

Galatiyen 3:13

Krestu akpaŋgək məray gən agəlamə, azargəmək səma wəray na ma henziŋ. Va an məverin anah na: Ko naway məlawən aka wəlaŋga məray gəni.

Galatiyen 4:17

Ɗii meɓɓet tahəŋ wəgayaŋ vikum sawɓa, amma vi zam nokumi ɓa met aka uɗakawən də munokum, vi kəsbetin gən zukum soksoku.

Galatiyen 5:20

wəsban matuya, təffiya, wəzele, wəgaya, kotoroku, wəda gədəva, wərma mama, purufpurufu, wəsil gən wənna,

Efesus 1:7

Vi wənnet mbel na Krestu məs dəziyaŋ mərəhək kimə də əviyan mambray namə, vas ki Maŋgəlva arban səm gakdak na mogon nani.

Efesus 4:14

Vi məda sam dərɓagan va kirin muzliyeɗ naw rakam də wəsən na ɗəffa va səmnya dit vovolumɗe adaw kanən bəlay. An wətaf na ɗəf dəknah ɓa, asna məɗɗaŋ vurum wambəɗanən də sokene neti.

Filipi 3:19

Wəgrak na wənnet pak say də wəzzan ziti, gədəfti maŋgəlva neti zəga na willi azet ka gakdak neti. Wəɗum net say aka zəga nanziya egge kaaka'ə.

Kolosi 2:18

Kədapetin ɗii wəkiyən mokum də wənna zuli sit maslayɗe də wəɓe gən kizit na mataktaka ɓa, vi ɗii net wənna issine asbaŋ məs arəhaŋ, yaŋ ada gakdakanən zit də tive na wəɗum na ɗəffa, də wən məs goŋgay ɓa.

Kolosi 2:8

Məzi zukum ɗəf adaw mbəɗokum də zəga nawsən nan diiɗa ɓa, walla də zəga an narban ɗar mekeleŋ məs dəde səza wəɗum net ɗii kaaka ɓa'a. Zəga nani ndəni wəsən məs adawnəhaŋ na, wəsən aka wənna sembeɗ na disiŋ, aka wənna Krestuwi ɓa.

1Timote 5:8

An ɗəf aslga sləma wəbaah sit milmiŋgiɗin, walla ɗii neŋgil annanda ɓa, asna azelenək wənna Maŋgəlva, ɗəɗaah ɗəf məs dətaf Maŋgəlva ɓa kini.

2Timote 4:3

Vi aba wəgrak na dəlva, angereŋ na wəpprəm wən an təstəs ɓa. Amma waweleŋ ɗəffan narban sit zəga an məs dəslə də əŋgla neti, vi kapprəm an məs nek aslmeti.

Titus 1:11

Asuk meti, tahəŋ wəray gitin ɗii də gəla net pakə, tahəŋ wərbaŋ wən sit ɗii məza tay mogon ɓa, vi karəh riba mbrayen.

Titus 3:10

Ɗəf məzaɗɗa zəga nawɗeket ɗii, məsəɓ sən təl sula, an dəpprəm ɓa, azar səzani apani.

Ibriɗe 10:29

Yas dərəŋ kan an ɗəf azelenək Wətən Maŋgəlva*, an awlak mbel na wən minan məs dəskoɓən va zəga ɗar mekeleŋ na, an aranək Əmpəs na mbəlembəle gesiŋ na, nan wara kita məs dəday pak də tattuwãha.

1Piyer 1:8

Kəŋgluwənka ko kulanən ɓa, kətafənka ko kulanən kakaŋ ɓa. Vini kəda nekenən zukum də wənnek diiɗa, məs kawɓapi əpel wənnan ɓa.

2Piyer 2:3

Mərbaŋ zəga na tepelkeŋki, tahəŋ wəsimeŋ deleɗi vi kawə sukum wənna də labara ɗarə, vi kawzəm riba səzokum, daga farə, mətaw kita aket azaɓanək zəni.

1Yohanna 2:26

Intatə ver sukum aka wənnet ɗii məs dədaŋglaŋ wəmbəɗokuməni.

1Yohanna 4:1

Bayneŋgiɗu na makrawa, kədatafən gu'ləŋ ɗəf məzu pel sukum na tay də əmpəsa ɓa, say məsla əmpəs nani, na Maŋgəlvayi sa, vi məs kleŋɗe məwaŋ tepelke tahəŋ diiɗa aka dəlva.

Zuda 1:18

Vi anah sukumənək na: An pay wəgrak na dələv agapək na: Ɗii net wazoŋ wamasaŋ akokum, wasbanən wəsim zəga mbrayenəŋka.

Zuda 1:4

Vi ɗii mbreyit atoŋgoŋguk awalŋmə, məzi zəm aza wənnet ɓa. Aray gənənək labara na mbəlembəle na Maŋgəlva, vi kaw zaɓan wən naɗɗa mambray neti, appanənək wənna Zezu Krestu, ndəni mərbə zəga namə də Ɗəfdaya taka vaŋka. Daga far lahəŋka, ɗerewel na Maŋgəlva arban səmək kita nan arihik ɗiiyiŋ kakaŋka.

Hənhən 13:14

Zəga mamanya nan azetik ɗii naka dələv də sokeneɗ məs agəɗ də gakdak na zəga mamanya naka. Yaŋ anah na, ɗii naka dələv pak dəɗɗaŋ gən foto na gakdak na zəga mamanya məs məɗi sən vamvi də kafahi naka, yaŋ tay madarani.

Hənhən 2:13

Nəsənək atəki va kədaw soko, atəki na suwa na məlĩ na Satan kənani, kərmak iya nawa, kəpan wətaf məs kətafu ɓa, ko pay məbay Antipas məgəɗ saydawa akaw də goŋga awalaŋkum atəki məs Satan asani.

Hənhən 2:9

Nəsənək bonoy noko də saha noko, amma məs arya kənani, nəsənək mbrayen net ɗii məs dədaw ɗiyən zit va Yahudiyenɗe adawpeleŋ akoko, amma Yahudiyenɗeŋ ɓa, net ɗii məsbanən Satan nəŋgə.

Hənhən 3:8

Nəsənək wəza nok məs kədaɗɗa, nəsənka istat də sembe suɗike, də as pak kəsbanək wəpel nawa, də goŋga kənan azawa. Nəkoluk madamba aboko, ɗəf tay naw ɓap wəmpan ɓa.

Hənhən 5:9

Yaŋ adawyaŋ gəlya meleketeni: Əstə kəgap nawgəm ɗereweləŋka. Də wəhok tampoŋ nani, vi məbay kuwi də əmta noki kəmet ɗii sən Maŋgəlva sədəv ma əlfa pak sədəv ma pakə, də zemvit ɗii temtem səmba dələv pakə.

Hənhən 6:10

Yaŋ adaŋzlaŋ vamvəl də wəlet dayadaya na: Ɗəfdaya məs salala*, məs də goŋga, dewɗe kədawtaw kita aket ɗii naka dələv məs dəbaymən də wəmpəl ki piɗe nan di?