2Piyer 1:6 - Nouveau Testament en Guidar

⁶ də ərma zə ɗəffa də əsok zə ɗəffa də əɓe sən Maŋgəlva,

Bible en Guidar

⁶ əsən tamə aza ərma zə ɗəfa, ərma zə ɗəf tamə aza əsok zə ɗəfa, əsok zə ɗəf tamə aza geslne sən Maŋgəlva,

2Piyer 1:6 ပူးပေါင်းရင်းမြစ်များ

Luka 21:19

Də wəsok zukum wakukoh gitin zeŋgillekum.

Luka 8:15

Zemve an dəbət aka ba'arə tay va məzupprəmaŋ wənna Maŋgəlva, armanənək də mekret taka, wətər wəray net warban zən də wəza neti.

Wəza net Masləŋɗe 24:25

Amma adan Pol atəŋ wəpel aka wəɗɗa mogoni də wərma zuk səza mambraya, də wənna kita pay wəgrak dəlva, geslne adak Felikus, amna: Kakaŋ na məkki kana. An nərahək va na wanəyuk əmpa.

Roma 15:4

An məs məverin adəv ɗerewel məsvani, məverin na vi karban səm wənnani, vi məyagan gən wəɓəsən, makram bo də ziw gini. Vaski an məs mədaw ga wənnan dəsan gən də sembe.

Roma 2:7

Ɗii məzu sokən zit wəɗɗa mogoni, də gakdak nani, də zeŋgille məza amta ɓa, Maŋgəlva wapsit zeŋgille nassa ha faɗə.

Roma 8:25

Amma an mənam tatə gan mərah gən zəga nan məza mənam təmsa ulan tagay ɓa, asna mənam tatə gan də wəɓəsən.

1Korintus 9:25

Ɗəf məs dəŋgəl dəday gən pak na, say dəsok zən əyagan ənzuwa pay pak dayadaya, vi dərah gən mətər kiya na gaslamba məs naw ɓəta. Amma namə mənam tatəɗum na, a mərah mətər kiya məza aray na ɓa.

2Korintus 6:4

Amma adəv ko mi pak mənam tatərban na, nam məɗɗaŋ wəza na Maŋgəlva mənani. Də əɓəsən diiɗayi mədawzlan wən tattuwãh də əzəm saha də bonoy.

Galatiyen 5:23

wəɓegən zuko, wərma zuko, zemvit es bo ma henziŋ taya ket ɓa.

Kolosi 1:11

Maŋgəlva wasɓokum də gurom nani, də sembe nani, də gakdak nan metiŋgini kəɓəsən gən zəga pakə.

1Tesaloniki 1:3

Mənam tatəɗumon wəza nawtaf nokum aba Maŋgəlva Affəmə, də wəzuliya də wəŋgla nokum də an məs kədaɓəsaŋ də wəɗum nokum aza Ɗəfdaya nam Zezu Krestu.

2Tesaloniki 1:4

Ha nam bo mənam tatəkaɓ aka wən nokum munokum kretiyenɗe na Maŋgəlva, vi an məs kədaw ɓəsaŋ də wətaf nokum məs kətafaŋ, ko adəv wərmama məs dəde azokum pakə, də wən tattuwãha, ya də as pak kəɓəsənka.

2Tesaloniki 3:5

Ɗəfdaya nam Zezu Krestu dəkpaŋgan makrokum, vi kəsbanən gən wəŋgla na Maŋgəlva də an məs aŋgələ.

1Timote 2:10

Amma də wəza mogon məs dəslə azet gil məza geslne'eŋ sənən Maŋgəlva.

1Timote 2:2

Məzuli viyit məlĩyeŋge dit məs sembe ko ɗii awedi pakə, vi məsam gən də zamə, məza wən ɗarɗar ɓa, say də geslne na Maŋgəlva, də wədaw mogoni.

1Timote 3:16

Gesiŋ aŋki məɗama na wən nəŋka, ndəni metiŋgini annan mədasba: Krestu arbanək zən va ɗəffa, Əmpəs arbanək wən akan na, askak wəlla zəga pakə. Maslayɗe awlanənka. Mərbani labara nan aweleŋgit ɗii məza Yahudiyenɗeŋ ɓa. Ɗii na duniya atafənka, Maŋgəlva aslanək a disiŋ adəv gakdak an dəday pakə.

1Timote 6:11

Amma is ɗəf na Maŋgəlva azar səza zəga vaska. Akayan goŋga də geslne na Maŋgəlva, də wətafa də wəŋgla də wəɓəsən də makrok zayə.

1Timote 6:3

An ɗəf akəyək wən maɓɓani, an wənnan dəsap də goŋga na Ɗəfdaya nam Zezu Krestu arban səməŋ ɓa,

1Timote 6:6

Gesiŋ wəsban Maŋgəlva zəga na ribayi an ɗəf nan asokuk zən aza wisim zəga.

2Timote 3:5

Keret ɗii na məzəsbanən Maŋgəlva naməŋ, amma tahəŋ wəzelenən gakdak nani. Azar səzet ɗiiyen veski.

Titus 1:1

Əntə Pol, məgəɗ wəza na Maŋgəlva, masləŋ na Zezu Krestu. Məpsumi tive, ka nəkegin ɗiiyen məs Maŋgəlva aweliŋ aka wətafa, də wərban sit wən an gesiŋ ndəni sədəv wənna Maŋgəlva.

Titus 1:8

Amma dəsan ɗəf mətaf melekeɗ annanda, ɗəf məŋgəl mogoni, ɗəf məs maɗulani, ɗəf təstəs, ɗəf məs makran barə, məzərma zən sədəv mambraya.

Titus 2:2

vaski bo mezeɗi dəziyən ziti, də ɓatɓatə, də waɓe'eŋ də wərma zit sədəv mambraya, dəsoŋ ɓəlɓəl də wətafa də wəŋgla də wəɓəsən.

Ibriɗe 10:36

Say kəsoŋ gən də wəɓəsən, vi kəɗɗanən gən wəŋgla na Maŋgəlva, vi kərəhən gən an məs anah na wapsit ɗii nani.

Ibriɗe 12:1

Mənam tat dit ɗii məɗɗaŋ saydawa nam diiɗa, wənnet atuwəɗək kiyəm va ernene. Vini kana, say məsgan səm zəga məs dədawsan gədak azam pakə, say məsgan səm zəga naw sla na mambraya, məs dədawsap azam də gambara nani. Say məgrak səm wənzuwa nam naway nawgap dabəŋ di.

Ibriɗe 6:12

Məŋgəl kəsoŋ gən mətampəlɗe ɓa, məsoŋ va ɗii məs dətafaŋ dabəŋ tahəŋ də wəɓəsəni vi kawrəh an məs Maŋgəlva anah na wapsəmə.

Ibriɗe 6:15

Abraham agak də wəɓəsən, ndəni arəh zəga an məs Maŋgəlva anahsəni.

2Piyer 1:3

Maŋgəlva apsəmək sembe nan metiŋgini, vi mədaw sam də wəray na zəga maɓɓan adəv əsuwa nam də ətaf ɓa. Apsəmək də wəsənən, ndəni ayəm məsap gən dəndən adəv gakdak nani də mogoni.

2Piyer 3:11

Adan zigeɗ pak wazaŋ vaska, kəsənənək va kədasoŋ. Say məsoŋ adəv salala, məsban Maŋgəlva də goŋga.

Hənhən 1:9

Əntə Zaŋ, məlmukum məs də sap də Zezu, əntatə daw də munokum adəv bonoy, də məlĩ namə də wəɓəsən pak məs taka də munokum. Məɗi wi aka mətuwəra məs adawyaŋ na Patmos, vi nədarban wənna Maŋgəlva də goŋga məs Zezu anahə.

Hənhən 13:10

An məs dədaw ɓəsən dəsan gən mədaŋgay, dewle mədaŋgay adawsani, ɗəffan məs dəsan nawbay də kafahi, dewle də kafahi adawbayini. Aski kan an ɗii na Maŋgəlva adawɓəsaŋ də wətafən.

Hənhən 14:12

Ndəni kan wəɓəs net ɗii na Maŋgəlva an məs dəɓəsaŋ, də wərma ma henziŋ na Maŋgəlva amekreti də wətaf Zezu.

Hənhən 2:2

Nəsənək wəza noko, də wəzəm saha noko, də an kədaw ɓəsa. Nəsənka kəɓap na wəɓəs wənnet ɗii mbreyit ɓa, ya kəslak wən net ɗii məzu ɗiyən zit na masləŋɗeŋ, amma masləŋɗeŋ ɓa, kərəhək wənnan na məwaŋ tepelkeŋ.