2Piyer 1:4 - Nouveau Testament en Guidar

⁴ Va annah wapsəmə, akpaŋ səmək zəga metiŋgin mogon diiɗa. An kətafənək an məs annah sukum, wa kəkoh gənən wəsim zəga məs nadəv dələvəŋka, wakərəhaŋ wətoŋ adəv wəsuwa na Maŋgəlva.

Bible en Guidar

⁴ Də aski apsim iynamaɗe en na sləma diyɗa gugriɗe vi kəkõhoŋgən səddəv əŋgəna na əsim zəga naka dəlvəŋka gəm kətoŋgoŋgən addəv kpak na Maŋgəlva.

2Piyer 1:4 ပူးပေါင်းရင်းမြစ်များ

Roma 9:4

Net kpak əlfa net Israyelɗeŋ, ɗii məs Maŋgəlva aweləŋ. Maŋgəlva akpaŋgetik ka kirtini, arban sitik gakdak nani. Aynanək wənnan dənɗaŋ, apsitik ma henziŋ də wəsban Maŋgəlva an də goŋga, də mogon məs anah napsit diiɗa,

2Korintus 1:20

Gesiŋ Zezuwi vaski, ndəni ki əpel na Maŋgəlva pakə. Vi wənnani mədawnah na, amin bo vi kaw gakdakan Maŋgəlva.

2Korintus 3:18

Mənam pak mənam tatula gakdak na Ɗəfdaya də haramə, mənam tatərban gakdak nan va darwgal. Vaski kan mədakpŋga ka məgil gən va Ɗəfdaya, vi gakdak nan dənzlər səmə gən abe abe. Ndəni wəza na əmpəs na Ɗəfdaya amakramə.

2Korintus 6:17

Vini anah na: Məgil suwaleŋti, muɗak dənɗaŋ. Kədaw rəŋgənən zəga naw see'* ɓa, asna wanətafkum.

Galatiyen 3:16

Lawi: Maŋgəlva sən Abraham aynan wənnani, gəm aza wətən an dədazan adəv əlfa nani, Ɗerewel dənah na azet ma əlfaɗe nani va kəmna diiɗaŋ ɓa. Ɗerewel adawnah na: Aza əlfa noko də wərban ɗəf taka, ndəni Krestu.

Galatiyen 6:8

Ɗəf məzəzlgan də gəɓa zəni, adəv gəɓa zəni adawbəl əmta, amma ɗəf məzəzlgan də Əmpəsa, Əmpəs adawbəl də zeŋgille an nasan ha faɗə.

Efesus 4:13

Vi mənam pak məsam gən aza wətaf taka, də wəsən Wətən Maŋgəlva*, məsam gən ɗii gugiriɗ də əsap də Krestu, də əgap salala vana Krestu.

Kolosi 3:10

Kərəhaŋgək wəsuwa an meleketeni. Ko naway pak akpaŋgək ɗəf maleketeni. Maŋgəlva məs dəzəməɗ ɗəf meleketenəŋka, tayəsɓan pay pakə dəgil gən va Maŋgəlva ha də munokum pak kəgilyoŋ gən va Maŋgəlva kpak təstəssə.

Ibriɗe 12:10

Migilim naka dələvəŋ ahayamənək pay suɗike, va an məs aŋglaŋ. Amma Maŋgəlva, nan tay hayam vi məsam gən təstəssə, ka məsap gən dəndən adəv salala* nani.

Ibriɗe 9:15

Ndəni kan Krestu asan məzinan wən meleketeni, vi ɗii məs məyet dərəhaŋ gən zəzay məs nawsan ha faɗə an məs Maŋgəlva anah na, wapsit ɗii nani. Vi ɗəf takayi dəmtə, vi kamet ɗii səka mambray net məs aɗɗaŋ daga asoŋ də wən minan məsvani.

Yakob 1:27

Aŋki Maŋgəlva Affən aɗi ka ɗəf dəsban gəni: Wəɗum aket mətiwɗeŋge, dit gil net gəbayɗe aka wəzəm saha neti, də wətaɗ ki zəni adawtoŋ adəv wənna duniya kawray gən ɓa.

2Piyer 1:1

Letərəŋka səza Simoŋ Piyerri, balami ndəni masləŋ na Zezu Krestu. Azet ɗii məs dərəhaŋ wətaf an mogon vanamə. Də əŋgla na Maŋgəlva namə, gəm də Zezu Krestu kərəhəni.

2Piyer 3:13

Amma Maŋgəlva amna wapsəm disiŋ meleketen də dəlva fuŋ meleketeni, adak na mambray tay ɓa, vi əŋgla na Maŋgəlva tayadaka, anani mədawga.

2Piyer 3:9

Ɗii meɓɓet tahəŋ əɗumoŋ na Ɗəfdaya tay liya daɗɗa an məs annahə, amma vaski ɓa, awli gən ɓa. Amma tay ɓəs sukum vi dəŋgəl ko naway dəzə gən ɓa, say ɗii pak dəzoŋ gən də tubiyaŋ gəni, dəppanən gən mambray neti.

1Yohanna 2:25

Awla an məs Krestu aynan na wapsəmə, ndəni zeŋgille nasuwa ha faɗə.

1Yohanna 3:2

Bayneŋgiɗwa, kakaŋ na kirtin Maŋgəlva mənani, an va mədakpaŋ səɓan abe na məsən tagay ɓa. Amma məsənka pay Krestu adazan na, waməsam va ndəni, vi mulak va asani.