2Piyer 1:19 - Nouveau Testament en Guidar

¹⁹ Apsəmək sembe nataf wən an məs kleŋɗe apeleŋ. Məgəɗ mogon də wəzi zukum azani vi tay va pitirla məza kasak atəki məs guzli asani, ha gap aza wədaŋ təkiya gəm baŋgay naba pumpum də kasak gən amakrokum.

Bible en Guidar

¹⁹ Ya məziwik ɓəlɓəl aka əpel net məskəleŋɗe. Moggon kədaɗɗaŋ də əzga sləma akani, vi tay va lalam məzukasak a təki məs guzli asan hã gap aza ədaŋ təkiya gəm baŋgay naba pummo dəkasakgən a makrokum.

2Piyer 1:19 ပူးပေါင်းရင်းမြစ်များ

Matiye 4:16

ɗii məsoŋ ara guzliyo wawlanən təki babar diiɗa. Ɗii məsoŋ aka dələv namta də tiɗim tiɗim nani, təki babar wakaseke.

Yohanna 5:35

Zaŋ tay va pitirla məsɗani, tay kasaka, kənekenənək zukum də pitirla nan suɗike.

Yohanna 5:39

Munokum tatəŋɗetin ɗerewelɗe, munokum tat də wəɗum nawrəh zeŋgille məs nasa ha faɗ dəndən. Mbarakana ɗerewelɗe net wənnaw adawpeleŋ.

Yohanna 8:12

Zezu apel sitik ɗii əmpa, amna: Əntə təki babar na duniya. Ko naway dəsbawa warah təki babar vi zeŋgilleni, ambat na ara guzli ɓa.

Wəza net Masləŋɗe 15:29

Kədawzəmaŋ slu mətaw wəlan ama tuya ɓa, kədawzəmaŋ mbel ɓa, kədaw zəmaŋ zəga mərrəsl wəlan dərrəsl ɓa, kədaɗɗaŋ mana'a ɓa. An kəganənək zukum səza zəgas pak na, kəɗɗaŋgək mogoni. Məsoŋ zamə.

Wəza net Masləŋɗe 17:11

Ɗii na Bereya aŋglaŋgək wəpprəm wən meleketeni, net tahəŋ va ɗii na Tesalonika ɓa. Tahəŋ wəsokən zit aza wəpprəm wənnani. Pay pak tahəŋ wəkayanən wənna ɗerewel na Maŋgəlva. Vi kawsən an məs Pol adawpel na gesiŋgi sa.

Ibriɗe 2:2

Halabara məs maslayɗe akiyaŋ farəŋka, goŋga nan arbanək zəni, ɗəf məs dəsban ɓa, warah kita məs dəslə aza mambray nani.

Yakob 2:8

An kəsbanənək ma henziŋ na Maŋgəlva, məs məverin adəv ɗerewel na Maŋgəlva məs dənah na: Aŋglu meggeko va kəŋglu zuko, asna kəɗɗaŋgək mogoni.

1Piyer 1:10

Məs kleŋɗe aɗɗaŋgək kleŋ aka zəzay məs Maŋgəlva adapsukum, Əmpəs na Maŋgəlva asanək dənɗaŋ arban sitik na Krestu wazəm saha, dərɓagan na warah gakdaka. Məs kleŋɗe nek akayanənək wənnani, akosonənək də maɗuleti vi dərəhən gəni, dewɗe adaɗɗa di, mbarmbari adaw san di.

1Yohanna 5:10

Ko naway dətaf Wətən Maŋgəlva*, nan tay də saydawa van amkrani. Amma ɗəf məs dətaf Maŋgəlva ɓa, nan akpaŋganək Maŋgəlva məs tepelke, vi dətaf saydawa an məs Maŋgəlva adaɗɗa aka Wətən ɓa.

3Yohanna 1:6

Apelinək wənna əŋgla nok abet kretiyenɗe mogoni. Intatə komoko abaah siti vi malaka neti, əbaah nok bo mogoni aza Maŋgəlva.

Hənhən 22:16

Əntə Zezu nəslənək maslay nawa dəpel sukum gən wənnəs pakə, azet Kretiyenɗe pakə. Əntə əlfən Davit, əntə baŋgay naba pumpum məzuwiɗe.