2Piyer 1:17 - Nouveau Testament en Guidar

¹⁷ Nam karami daga Maŋgəlva Affən apsən gakdak metiŋgini. Maŋgəlva məs də gakdak metiŋgin də wənah sən na: Aŋki Wətu məs nəŋgələ, dəndəni nəda neken zuwa.

Bible en Guidar

¹⁷ Vi arahək əɗikiya gəm gagdak səza Maŋgəlva Afəni. Maŋgəlva afən gagdak apel sənək dawnəh na: Aŋki Wətu an nəŋgələ, in tat ənneken zu dəndən sawɓa.

2Piyer 1:17 ပူးပေါင်းရင်းမြစ်များ

Matiye 12:18

Maŋgəlva amna: Aŋki gawla naw an məs nəweli, an məs nəŋgəl neneken zu dəndən. Wanəslən Əmpəs naw akani, wasaksən dələv pak wənna kita an təstəssə.

Matiye 17:3

Yaŋ gewleɗ hoku nek awlanənək Moyis də Eliyas tahəŋ wəpel də Zezu.

Matiye 17:5

Yaŋ dəɓəl wəbay ma wəpel nan ɓa, yaŋ slay buwən məzu wiɗ adeke, asiritike, ɓaɓəlma adek sədəv slay buwən naka, amna: Aŋki wətu an nəŋgələ, əntatə neken zu dəndən sawɓa. Məpprəm mani.

Matiye 28:19

Vi vaski məduwaŋ, azet ɗii pak məkpaŋget dəsoŋ gən gewleɗ nawa məɗɗe sit baptem də iya na Affən də iya na Wətən də iya na Əmpəs Salala.

Matiye 3:17

Yaŋ wəla ade sə disiŋ amna: Aŋki wətu an nəŋgələ, əntatə neken zu dəndən sawɓa.

Markus 1:11

Wəla adek sə disiŋ amna: Əstə Wətu an na makrawa, əntatə neken zu di'is sawɓa.

Markus 9:7

Ernene adeke asəritike, apprəmənək wəla wəpel sit daga sədəv ernene naka: Aŋki Wətuwa an məs nəŋgələ, məpprəm mani.

Luka 10:22

Affu apan suwək zigeɗ pakə. Ɗəf tay dəsən Wətən* ɓa, say Affəni, ɗəf tay dəsən Affən ɓa, say Wətəni gəm an məs aŋgəl nərban pakə.

Luka 3:22

Əmpəs na Maŋgəlva aprikik akan də gəba zən va mukuɗuŋgulo. Wəpel adek sə disiŋ, amna: Əstə Wətu an na makrawa, əntatə neken zu di'is sawɓa.

Yohanna 10:36

Amma nawa, Maŋgəlva awelwəka, aslənwək a duniya. Mambray kədaw nahaŋ na əntatə pel mbrayen aka Maŋgəlva di, vi nənah na Wətən Maŋgəlva* nani sa?

Yohanna 14:11

Mətaf an məs nədawnah sukum pakə: Affu taya dəvwa, naw bo əntata dəvən. An kətafən wəpel naw ɓa, mətaf vi wəzeɗeŋ kan day day ɗa.

Yohanna 14:6

Zezu azlansən na: Əntə tive an də goŋga də zeŋgille. Ɗəf tay nawrəh wəmbat aza Affu də tive maɓɓan ɓa say də ina.

Yohanna 17:21

Intatə komoko vi ndəɗaŋ pak dəsoŋ gən taka. Aw Affuwa, dəsoŋ gən məslerit də mənamə, va nok kəsler də ina, naw bo nəsler də isi. Dəsoŋ gən taka, vi duniya dətaf gən na əstə kəslənwa.

Yohanna 20:17

Zezu apsət na: Kədawrəŋgu ɓa, amma doku nah sit milmiŋgiɗu na, əntatə vi nəɓəl wəpeŋ aza Affu ɓa, Affukumi ya'a, aza Maŋgəlva nawa, Maŋgəlva nokumi ya'a.

Yohanna 3:35

Affən aŋgluwək Wətəni, apsənək sembe aka zəga pakə.

Yohanna 5:20

Vi Affən aŋgluwək Wətən, tay wərbansən an adaɗɗa pakə. Warbet zigeɗ dekiyit es də metiŋ, vi Wətən dəɗɗe gəni. Vini akəgətaŋ akani.

Yohanna 5:26

Va Affən asan də sembe nasugit medereti, vaski apsən sembe sən Wətən nawsugit medereti.

Yohanna 6:27

Kədawgayaŋ vi way məs naŋgənaŋ ɓa, amma məgay vi way nawsan ha faɗə, napsukum wəkoh ha faɗə. Way məs Wətən Ɗəf* adapsukum, va an məs də sembe məs arah səza Maŋgəlva Affəni.

Yohanna 6:37

An məs Affu avay pakə, wade azawa. Ko naway dəde zaw bo nəɓoŋsəna kpak ɓa.

Yohanna 6:39

Apprəm an məs də slənu aŋgələ: Nədawzan ko taka səmbet ɗiiyen məs avay ɓa, amma wanəsilgit səkəti əmta pakə, an pay nagrak dələv agapka.

Roma 15:6

Vaskana məgakdakan Maŋgəlva, Affən Ɗəfdaya nam Zezu Krestu, də makra taka, də ma ɗəf taka.

2Korintus 1:3

Məgəɗ səm soko sən Maŋgəlva Affən Ɗəfdaya nam Zezu Krestu, vi Affən məwəl sahayi, ndəni Maŋgəlva məzu ɓətgəm pay pakə.

2Korintus 11:31

Maŋgəlva Affən Ɗəfdaya nam Zezu asənənka nəwə na tepelke ɓa. Usoko nan ha faɗə!

Ibriɗe 1:3

Wətən Maŋgəlva* tayərban təki babar na gakdak na Maŋgəlva, agilik va Maŋgəlva, tayərma dəlva də wəpel nan məs də sembe. Dərɓaga askoɓ mambray net ɗii nani, asanək a disiŋ dəka van dəzəŋ na Maŋgəlva məs də gakdak pakə.

2Yohanna 1:3

Maŋgəlva Affəmə, də Zezu Krestu Wətəni dəpsəmən mbəlembəle də əviyan mambraya, də mogon də zamə, vi məsap gən də goŋga də əŋgla.

Zuda 1:1

Letər na Zuda masləŋ na Zezu Krestu məlmən Zakə, əslənən azet ɗiiyen muwelit na Maŋgəlva, məs dəsoŋ adəv əŋgla na Maŋgəlva Affəni, məs Zezu Krestu adawgeti.