2Piyer 1:1 - Nouveau Testament en Guidar

¹ Letərəŋka səza Simoŋ Piyerri, balami ndəni masləŋ na Zezu Krestu. Azet ɗii məs dərəhaŋ wətaf an mogon vanamə. Də əŋgla na Maŋgəlva namə, gəm də Zezu Krestu kərəhəni.

Bible en Guidar

¹ Simeyoŋ Piyer balam gəm maslən na Yesu Kristu, sit ɗiy məs də ətaf məstaka də mənam addəv təstəs na Maŋgəlva namə gəm na Məzukõhgəm Yesu Kristu.

2Piyer 1:1 ပူးပေါင်းရင်းမြစ်များ

Matiye 10:2

Iya net masləŋɗe klaw kiyit sula van yeŋki. Simoŋ məs adawyaŋ na Piyer, gəm məlmən Andre, Zak məlmən Zaŋ kirtin Zebede.

Matiye 4:18

Adan Zezu adabal aba məlpa na Galile, awlek ɗii də məlma zit sula mərmaŋ kilfi. Simoŋ məs adawyaŋ na Piyer də Andre an məlməni tahəŋ wəsgetin zəveɗe net eret iŋkile.

Luka 1:47

makraw aknahək də nenek na Maŋgəlva, məzu koh guwa.

Luka 11:49

Wəsən na Maŋgəlva amna: Waməslin məs kleŋɗe dit masləŋɗe, wabeyin meɓɓeti, wazəm gitin saha a net meɓɓeti.

Yohanna 1:42

Akak aza Zezu. Zezu awlaka, amna: Əstə Simoŋ wətən Zaŋ abesna iya nok wasan Kefas, va wənah na milɓe.

Yohanna 12:26

Ko naway dəŋgəl wəgəɗ su wəza say dəsbawa, vi məza gəɗ su wəza, də san gən atəki məs nəsaw tamə. Ko naway dəgəɗ su wəza. Affu wa gakdakni.

Yohanna 20:21

Zezu anah sitik əmpa: Zam wasan azokum. Va Affən aslənwa, naw bo wanaslənkum.

Wəza net Masləŋɗe 15:14

Kakaŋ na kəpprəmənək va Simoŋ anah sukum, va Maŋgəlva atəŋ wəɗum aket ɗii məza Yahudiyenɗeŋ ɓa, yaŋ awel ɗii meɓɓet suweleŋgit dəsoŋ gən ɗii nani.

Roma 1:1

Letərəŋka Pol məs dəsan balam na Zezu Krestu wi dəver azet kretiyenɗe na Roma. Maŋgəlva ayuwəka, aɗiwək ka masləŋ nani, awelwəka ka nərban gən Labara Nenek nani.

Roma 1:12

Vas kana, məsɓan səm zəm də wətaf namə, ina anəsɓokum də ətaf nawa, munokum bo, wakəsɓawən də wətaf nokum.

Roma 1:17

Vi də Labara Nenek vani Maŋgəlva arbana də wətafi ɗəf adawsan təstəs abani, daga wətəŋ nani, ha gap wəgrak nani: Va məverin adəv ɗerewel anah na: Say də wətafi ɗəf adawsan təstəs aba Maŋgəlva, ɗəf nan wasan də zeŋgille vi ətaf nani.

1Korintus 1:30

Maŋgəlva asapokumək aza Zezu Krestu, aɗɗak Zezu Krestu ka əsən namə. De Zezu Krestuwi məkpaŋ ɗii təstəs aba Maŋgəlva, akəmək ka mə sam gən ɗii na Maŋgəlva, vi amamək səma əmta.

1Korintus 15:9

Əntə muzliya nambet masləŋɗe, vi nəzəm gitik saha net ɗii na Maŋgəlva. Nəgap nayu masləŋ kəta ɓa.

1Korintus 9:1

Də kiyu nan ɓa sa? Masləŋ nan ɓa sa? Nula Ɗəfdaya nam ɓa sa? Nokum bo munokumtə ətər wəray na wəza naw vi Ɗəfdaya ɓa sa?

2Korintus 4:13

Ɗerewel amna: Nətafək Ɗəfdaya vini nənahə ətaf nan səza Əmpəs na Maŋgəlva ade, nam bo də əmpəs nani mərah ətafa. Mənam tatə taf Ɗəfdaya, vini məppan ərban labara nenek ɓa.

2Korintus 5:21

Krestu dəgəɗ mambray ɓa sam. Amma Maŋgəlva aɗiyək mambray nam pak akani, vi mərah gən əsam təstəs aba Maŋgəlva də əsap nam də Krestu.

Galatiyen 2:8

Maŋgəlva aɗuwək masləŋ azet ɗii məs dəsənən Maŋgəlva ɓa pakə, va aɗɗa Piyer masləŋ azet Yahudiyenɗe.

Efesus 3:5

Adəv pay məs dətoŋgu, wən məɗamas mərbani azet ɓa, amma kakaŋ na Maŋgəlva akoluk kiyən də əmpəs nani, azet masləŋɗe nan dit məs kleŋɗe en salala*.

Efesus 4:11

Ndəni dəvəl sit ɗiiyi, ɗii meɓɓet masləŋɗe, ɗii meɓɓet məs kleŋɗe, ɗii meɓɓet məzu pelin wənnani, ɗii maɓɓet məzuteɗeŋɗe, gəm mərbaŋ zəga.

Efesus 4:5

Yo Ɗəfdaya takayi, wətaf bo taka, baptem taka,

Filipi 1:1

Letərəŋka, səza Pol də Timote ade, belemɗe na Zezu Krestu, azet ɗii na Maŋgəlva a Filipi mes de tafnen Zezu Krestu pakə, dit mezuteɗeŋɗe dit ɗii gugiriɗ net kretiyenɗe.

Filipi 1:29

Maŋgəlva apsəmək wəŋgla naɗɗa weza sən Krestu, vi wətafəni kaka ɓa, amma də wəzəm saha vi wənnani.

Filipi 3:9

Say wəsap də ndən kaaka nədaw kayani. Nəkayna ɗaah təstəs aba Maŋgəlva sən kiyu də wənna ma henziŋ ɓa. Amma əntatə kay əsso təstəs aba Maŋgəlva də ətaf Krestu, asna wanəsaw təstəs aba Maŋgəlva.

2Timote 1:5

Intatəɗumon wətaf noko məs tay də matakataka ɓa, wətaf nan ndəni attuk Loyis dət mok Unike arəhaŋ dabəŋ. Nəsənka wətaf nan bo taya makrok gesiŋ.

Titus 1:1

Əntə Pol, məgəɗ wəza na Maŋgəlva, masləŋ na Zezu Krestu. Məpsumi tive, ka nəkegin ɗiiyen məs Maŋgəlva aweliŋ aka wətafa, də wərban sit wən an gesiŋ ndəni sədəv wənna Maŋgəlva.

Titus 1:4

Suki nədawver letərəŋka Titus, wətu an gesiŋ gesiŋ də wətafa. Maŋgəlva Affən, də Zezu Krestu məzukoh gəmə dəpsukun mbəlembəle də zamə.

Titus 2:13

Mənam tatə ga an mədaɗum akani, tay də nenek akan də wərban akdak na, Maŋgəlva metiŋgini, də məzukohgəm Zezu kertu.

Yakob 1:1

Ɗereweləŋka, in Zak nəvere, əntə məgəɗ wəza na Maŋgəlva də na Ɗəfdaya Zezu Krestu. Nəsɗetik ɗii na Maŋgəlva məs dətrayaŋ aka dələv pakə.

1Piyer 1:1

Letərəŋka, Piyer məs dəsan masləŋ na Zezu Krestu desləna, azet ɗii məs Maŋgəlva aweli, məs dətrayaŋ aket dəlvəŋge, a Pontus, a Galatiya, də Kappadokiya gəm Asiya də Bitiniya.

1Piyer 1:7

Wəzəm saha nan ade na vi kawsla wətaf nokum, gesiŋgi sa. Vaski bo va təbəs na meleŋge məs asna ha faɗ dərəŋ ɓa məslani də offo, vaski bo wətaf nokum tay də sləman dayki təbəssa, məsla wətaf nokum na vi kawla kəkərtəh nani. Vi kərəhaŋ gən wəɗi sukum kikum də gakdaka də sləmokum pay Zezu Krestu adazani.

1Piyer 2:7

Vi vaski, azokum munokum məs kətafaŋ na gərəm na sləmay sawɓa, amma azet ɗii məs dətafaŋ ɓana: Gərməŋka mərkaŋ gəla asganənka, yaŋ akpaŋ gərəm na sləma.

1Piyer 5:1

Kakaŋ na, intatə səɓ sit ɗii gugiriɗ net kretiyenɗe suwaloŋkum, naw bo ɗəf daya nani. Məgəɗ saydawa na wəzəm saha na Krestu nani, wanərəh haran naw aza gakdak məs Maŋgəlva adarban səmə.

2Piyer 1:4

Va annah wapsəmə, akpaŋ səmək zəga metiŋgin mogon diiɗa. An kətafənək an məs annah sukum, wa kəkoh gənən wəsim zəga məs nadəv dələvəŋka, wakərəhaŋ wətoŋ adəv wəsuwa na Maŋgəlva.

Zuda 1:1

Letər na Zuda masləŋ na Zezu Krestu məlmən Zakə, əslənən azet ɗiiyen muwelit na Maŋgəlva, məs dəsoŋ adəv əŋgla na Maŋgəlva Affəni, məs Zezu Krestu adawgeti.