2Korintus 9:2 - Nouveau Testament en Guidar

² Nəsənka munokum tat də əŋgla nabaahsiti. Nəɗiyək kikum abet ɗii na Maŋgəlva a Makedoniya bo, nənahək na: Milmiŋgiɗəm na Akaya tahəŋ əkalanən zəga nan daga dəbyaŋga. Zukum məs kəsokoŋgəŋ afɗehetik ɗii diiɗa suwaleŋti.

Bible en Guidar

² Vi nəsənək əŋgla nokum. Nəɗiyək kikum abet ɗiy na Makedoniya dawnah sit na: Ɗiy na Akaya aslanək zit far na dəbyaŋga. Zukum məs kəsokoŋgəŋ afɗahanək vadaysa net ɗiy na Maŋgəlva.

2Korintus 9:2 ပူးပေါင်းရင်းမြစ်များ

Wəza net Masləŋɗe 18:12

Pay sən Galliyo asan ngomna aka dələv na Akaya, Yahudiyenɗe akkalaŋka, armanənək Pol, akanənək aka kita.

Wəza net Masləŋɗe 24:17

Dərɓaga wəbal naw a Zerusalem wəsva suɗike, nəmilik adaka dawke deleɗ na baah sit ɗii naw məs məbaahsiti, nəgəɗ gən sazlaga aba Maŋgəlva.

Roma 15:26

Vi ɗii na Maŋgəlva məs grekɗe na Makedoniya də Akaya akkalaŋgək zəga kaw slənsit ɗii na Maŋgəlva na Zerusalem.

1Korintus 16:15

Milmiŋgiɗwa, kəsənənək Estefanas də gəla nani. Ndəɗaŋgəŋ ɗii məs dətafaŋ dabəŋ aka dələv na Akaya, tahəŋ əsokən zit aza wəɗɗa wəza sit ɗii na Maŋgəlva.

2Korintus 1:1

Letərəŋka Pol dəvere, ndəni bo masləŋ na Zezu Krestu də əŋgla na Maŋgəlva, ina də Timote məlməmə, azet ɗii na Maŋgəlva na Korintus. Dit kretiyenɗe naka dələv na Akaya pakə.

2Korintus 7:14

Nəgakdakanək zu abani, vi wən nokum nokum bo kərbaŋ suwən wil ɓa. Goŋga məpel sukum pakə. Vaski bo ko an məɗiyək kikum aba Titus zlaŋ na, goŋgayi.

2Korintus 7:4

Məsənkumək grak lewlewi, mənam tatəɗi kikum diiɗa, adəv bonoy nam pakə, məknahək də ərma makramə də əneken zəmə.

2Korintus 8:10

An məs nənah sukuməska, əɗum nawi. Nəsənək na watər sukum wəraya, an kəkgrakənək wəza məs kətəŋgaŋ. Daga nadabyaŋga kəɗumoŋko, kətəŋ gənək wəza nani.

2Korintus 8:11

Kakaŋ na məkgrakan wəza nani. Kəsokənək zukum aza əɗum nan vaska, vasna məsok zukum əkgrakani. Məɗi zəga nan va zəga məs kərəhaŋ avokum pakə.

2Korintus 8:19

Ɗii na Maŋgəlva awelinka ka dəlham gən pay məs mədawka zəga məs məkkalan nak a Zuda. Mədaɗɗa wəza nan na, ka gakdakan Ɗəfdaya, də ərban əɗum nan nabaah sit ɗii meɓɓeti.

2Korintus 8:24

Mərban sit əŋgla nokum. Asna, ɗii na Maŋgəlva pak wasənən gesiŋ na, ɗari mədaw ɗi kikum ɓa.

2Korintus 8:8

Nənah sukum wənnan va dawka ɓa. Amma də labara net ɗii meɓɓet nədaŋgla əsla mogon na əŋgla nokum.

1Tesaloniki 1:7

Ha kəkpaŋgaŋgək va zəga narban wədaw sit ɗii na Maŋgəlva a Makedoniya də Akaya pakə.

Ibriɗe 10:24

Say məsok səm zəmə də wəbaah sit milmiŋgiɗmə də wərban sit wəŋgla də wəɗɗa wəza mogoni.