2Korintus 8:8 - Nouveau Testament en Guidar

⁸ Nənah sukum wənnan va dawka ɓa. Amma də labara net ɗii meɓɓet nədaŋgla əsla mogon na əŋgla nokum.

Bible en Guidar

⁸ Kaska wəlokumi nədawnəh vaskəs ɓa, də alabara na əsok zə ɗəf net ɗiy meɓɓet nədaŋgla əsla gegesiŋ na əŋgla nokum.

2Korintus 8:8 ပူးပေါင်းရင်းမြစ်များ

Roma 12:9

Əŋgla nokum dəsan mogoni, məza də matakataka ɓa. Məzel wənna mambray pay pakə, məɗɗa mogon nokum pay pakə.

1Korintus 7:12

Amma ɗii meɓɓet bo, əntat nahsiti, məza Ɗəfdaya ɓa an ɗəf na Maŋgəlva tay dət guluk nan məza tətaf Maŋgəlva ɓa, amma an tətafək na watəsat dəndən, adarɓahat ɓa.

1Korintus 7:25

Yo aka wənnet gorɗeŋge nan nərah dawka akan səza Ɗəfdaya ɓa, amma əntatə pel an məs nəɗumu. Ɗəfdaya apsuwək mbəlembəle gəm mogon nani Ɗəfdaya aɗiwək ka ɗəf təstəssə.

1Korintus 7:6

Amma nənah sukum vasna, tay va dawka ɓa, amma wənnan apəl sukumək tive.

2Korintus 6:6

Mənam tatərban na, məɗɗaŋ wəza na Maŋgəlva mənani də goŋga namə də əsən namə, də əbaah na Əmpəs Salala*. Də əŋgla məza də mataka taka azan ɓa.

2Korintus 8:10

An məs nənah sukuməska, əɗum nawi. Nəsənək na watər sukum wəraya, an kəkgrakənək wəza məs kətəŋgaŋ. Daga nadabyaŋga kəɗumoŋko, kətəŋ gənək wəza nani.

2Korintus 8:24

Mərban sit əŋgla nokum. Asna, ɗii na Maŋgəlva pak wasənən gesiŋ na, ɗari mədaw ɗi kikum ɓa.

2Korintus 9:2

Nəsənka munokum tat də əŋgla nabaahsiti. Nəɗiyək kikum abet ɗii na Maŋgəlva a Makedoniya bo, nənahək na: Milmiŋgiɗəm na Akaya tahəŋ əkalanən zəga nan daga dəbyaŋga. Zukum məs kəsokoŋgəŋ afɗehetik ɗii diiɗa suwaleŋti.

2Korintus 9:7

Ko naway dəɗi va an makran aɗum səni, məza də marava ɓa walla də dewle ɓa. Vi Maŋgəlva aŋgluwək ɗəf məs dəpsən də zən neki.

Efesus 4:15

Amma namə, məpel səm goŋga, məŋglu səm zəmə vi məɓay gən adəv zəga pakə, ka məgap gən va Krestu. Məs dəsan kimə.

Efesus 6:24

Mbəlembəle na Maŋgəlva dəsan aket ɗii məs dəŋgluwən Ɗəfdaya nam Zezu Krestu də əŋgla məs awray ɓa.

Ibriɗe 10:24

Say məsok səm zəmə də wəbaah sit milmiŋgiɗmə də wərban sit wəŋgla də wəɗɗa wəza mogoni.

1Piyer 1:22

Kəkpaŋganənək mokrokum salala də wəsban goŋga, də wiŋgliw milmiŋgiɗkum məs dətafaŋ, vini məŋglu zukum də mokrokum taka məza də mataka taka ɓa pay pakə.