2Korintus 8:7 - Nouveau Testament en Guidar

⁷ Nokum kərəhənək zukum adəv zəga pakə, munokum tat də ətafa də əsən əpele, də əsən zəga, də əŋgla na baah səmə. Məŋgəl na, kəsoŋ gən də ərəh zukum adəv wəzaŋ kəmpa.

Bible en Guidar

⁷ Adan mənokum tat də zəga pak ɗiyɗa diyɗa, ətafa, əsən əpele, əsəna, əsok zukum gəm əŋgla məs məsilgin a walaŋkum na, məssoŋ dayə'e addəv əvəl də makra takaŋka.

2Korintus 8:7 ပူးပေါင်းရင်းမြစ်များ

Matiye 25:22

An məs dərah deleɗ na meleŋge səkat sula nak adeke, amna: Daya nawa, kəvayək deleɗ na meleŋge səkat sula. Naha səkat sula riba an duwə aketi.

Roma 15:14

Milmiŋgiɗwa in sən kiyu nəsənək lewlewi, kəbaŋgək də zəga mogon diiɗa, daga zəga naw sən pak kəbaŋgək kpe'ə, wakəɓapən wəsəɓ sən zukum bo.

1Korintus 1:5

Də Zezu Krestuwi kərəhaŋ zəga pakə, də wəpel nani, də wəsən zəga nokum adanzləran abe abe,

1Korintus 12:13

Mənam pakə, Yahudiyenɗe dit ɗii məs Yahudiyenɗeŋ ɓa, balemɗe dit ɗii məs balemɗeŋ ɓa pakə, mərahək baptem də əmpəs məs taka naka, ka vi məsap gən adəv gəɓa zə ɗəf taka, mənam pak məkpaŋgək ɗii məsaaŋ əmpəs taka bo.

1Korintus 12:8

Ɗəf maɓɓani əmpəs apsənək dəpel gən də maɗula, ɗəf maɓɓan bo apsənək dəpel gən də wəsəna.

1Korintus 13:2

An məvayi tive narban labara na Maŋgəlva, walla an nəsənək wən məɗama na Maŋgəlva pakə, an əntat də ətaf ha in zar gən gərəm dəndən, an əntat də əŋgla ɓa, asna nəkpaŋgək zəga ɗarə.

1Korintus 13:8

Əŋgla nan wasan ha faɗə. Əpel net məs kleŋɗe də əpel də ma na əmpəs pak wagrakə, wəsən bo wazə.

1Korintus 14:12

Munokum tatə gakdakanən əvəl na Əmpəs Salala* sawɓa. Ya məsok zukum kərəhaŋ gən əvəl an natər wəraya, nawɓay git ɗii na Maŋgəlva.

1Korintus 4:7

Naway dəɗiyuk daykiyit ɗii di? Maŋgəlvayi dupsuk anna vok ɓa sa? Adan vaski na vimi kədakaɓ də zəga navok va kəmna Maŋgəlvayi dupsuk ɓaŋ di?

2Korintus 7:7

Əziya nani dəɓət gəm kaaka ɓa, amma anah səmək wən nokum kəɓət gənənka. Munokum tatəɗumoŋ naw luwa də əɗumon məs dəgəɗə, munokum tatə sokən zukum aza əbaah suwa. Ndəni kan annek zu diiɗa.

2Korintus 8:6

Vini məkkaman Titus dəgay gən də wəza na waloŋkum. Ndəni dətəŋ wəza nani, kakaŋ na wabaah sukum əgrakan də əŋgla nani.

2Korintus 9:14

Wazuliyaŋ sənən Maŋgəlva vikum də wəɗumon wən nokum amakret diiɗa, vi mbəlembəle məs Maŋgəlva agəɗ diiɗa akokum.

2Korintus 9:8

Maŋgəlva tay də sembe napsukum mogon nan temtem pak diiɗa, vi kəsoŋ gən pay pak də zəga nan pakə, an məs mokum akani, ka kəmbataŋ gən abe dəndən də əɗɗa wəza mogon temtem pakə.

Efesus 4:29

Əpel mbrayen adaw gilyen səmokum ɓa, məpel ana tər wəraya də an məs na baah siti naɓay git adəv ətaf neti, dəpsit gən mbəlembəle sit ɗii məs dəpprəmən mokum.

Filipi 1:11

Zeŋgillekum wasan məknahən də zəga an təstəssə, məs dəde səza Zezu Krestu, vi gakdak na Maŋgəlva də wəɗi kini.

Filipi 1:9

Aski wəzuli naw aba Maŋgəlva vikum, nəŋgəl wəŋgla nokum dəɓaygen abe abe adəv wəsən zəga də wəpprəm pakə.

2Tesaloniki 1:3

Munokum milmiŋgiɗwa, makram aknahəh də soko, say məgəɗ gən soko sən Maŋgəlva vikum, məza wəppan gabban ɓa. Wənnan aslək vaska, vi wətaf nokum bo tay ɓay sawɓa, əŋgla na walaŋ zukum bo tay mbat abe abe.

2Timote 2:1

Anoko wətuwa, asok zuko də mbəlembəle məs mərah də wəsap nam də Zezu Krestu.

Ibriɗe 12:28

Vini kana məgəɗ səm soko sən Maŋgəlva, vi mərah gən məlĩ an aɓəl na ɓa. Məzuli sən Maŋgəlva va an aŋgələ də wəgeslne səni.

1Piyer 1:22

Kəkpaŋganənək mokrokum salala də wəsban goŋga, də wiŋgliw milmiŋgiɗkum məs dətafaŋ, vini məŋglu zukum də mokrokum taka məza də mataka taka ɓa pay pakə.

2Piyer 3:18

Amma məsok zukum məɓay adəv mbəlembəle də wəsən na Ɗəfdaya məzu kohgəmə, ndəni Zezu Krestu. Gakdak nani daga kakaŋka ha faɗə. Amin.

Hənhən 3:17

Yaŋ kəmna məs arya kənani, məgəɗ wəza mogon kənani, zəga tay dəmbər suk ɓa. Amma kəsənna adəv tattuwãh də wəzəm saha kənani ɓa, məs saha kənani, zuk mekeleŋ kənani, daŋgar kənani.