2Korintus 7:7 - Nouveau Testament en Guidar

⁷ Əziya nani dəɓət gəm kaaka ɓa, amma anah səmək wən nokum kəɓət gənənka. Munokum tatəɗumoŋ naw luwa də əɗumon məs dəgəɗə, munokum tatə sokən zukum aza əbaah suwa. Ndəni kan annek zu diiɗa.

Bible en Guidar

⁷ Də əgap nani kaka ɓa, də ɓəɓəl məs arah səzokumə'e: aboton səmək əŋgla nokum vakvakə, əhəm nokum, əsok zukum ammbawa, avayək ənnek hã dayə.

2Korintus 7:7 ပူးပေါင်းရင်းမြစ်များ

Matiye 26:75

Piyer aɗumonək an məs Zezu anahsən na: Gəmnda paa man taka wakəgesl'ne na kəsənu ɓa təl hoku. Agilke paka ahəmək dəsin sawɓa.

Matiye 5:4

Zəzay azet ɗiiyen məzuhəmaŋ vi mambray na duniya net Maŋgəlva waɓit giti.

Luka 22:44

Adan wəɗum assanək sawɓa, azuliyək də sembe, hanza nan akpaŋgək va mbel məzimaŋ aka dəlva fuŋ.]

Wəza net Masləŋɗe 11:23

Adan Barnabas agapə, awlak va Maŋgəlva agəɗ zəzay sit ɗii veti, zən anneke, yaŋ asəɓ sit na, say dəsənən Ɗəfdaya də goŋga də makret taka.

Roma 1:12

Vas kana, məsɓan səm zəm də wətaf namə, ina anəsɓokum də ətaf nawa, munokum bo, wakəsɓawən də wətaf nokum.

1Korintus 5:2

Yaŋ bo ka kəda gakdakanən zukum kana! Ya dərəŋ na, məsok zukum əhəm də wənnani ɗəf məgəɗ wən vaska dəgil gən sərokum.

2Korintus 1:14

An məs kəsənaŋ kakaŋ na, nan kiyən kiyəni ɗarə. An Zezu Ɗəfdaya nam adek na, wakəɓapən wəgakdakaməni, va nam mədaw gakdokokum.

2Korintus 1:4

Ko wən tattuwãh dərəhəmə, nan tay əsɓam pay pakə. Vini nam bo waməɓap əsɓet ɗii nadəv bone temtemi, va də əsəɓan Maŋgəlva apsəmə.

2Korintus 2:9

Nəver sukum letərəŋ na, vi nəŋgəl kawkayan goŋga nokum, vi nəsən gən na munokum tatəsbanən wən məs mərban sukum pay pak sa.

2Korintus 5:2

Daga mədaw sam a duniya, mənam tatənɗəsa. Mənam tatezelen wətoŋ adəv gəla məs dəde sə disiŋ.

2Korintus 7:6

Amma Maŋgəlva məzu ɓət git ɗii məs də gərəŋgərəŋ neti, aɓət gəmək də əziya na Titus azamə.

2Korintus 7:8

Ko an letər naməŋ assahanək zukum, amma də as pak nəppana daver sukum ɓa. An dabəŋ nulak na, assahanək zukum, nəŋgəl əɗum naw saw ɓatə.

2Korintus 8:16

Məgəɗ sənək soko sən Maŋgəlva məs dəpsən əŋgla sən Titus amakran məs taka də mənam nabaah sukum.

Filipi 1:20

An məs nədawga aziwke, nəsənək Maŋgəlva arbə suna wil aka wəza naw ɓa. Amma va pay pakə, vaski bo kakaŋka'a an məs nəsən agraka, nəsənka wanəgakdakan Krestu ko də zeŋgillewa, walla də əmta nawa.

Kolosi 2:5

Ko vi nəsaw fəraɗa də gəɓa zu səzokum zlaŋ, əntatə saw də munokum də wəɗum nawa, zu neki adan nəpprəm na kətafənək Krestu, kəɗiyənək kikum akani.

1Tesaloniki 3:6

Amma kakaŋ na, adan Timote ade səzokum, anah səmək labara na taf nokum də wəŋgla nokum, annekək zəmə. Anah səmək na: Munokumtə zəga nawla haram azan pay pakə. Də wəɗum nokum naməsa uləmə, nam bo mənam tat də wəɗum naməsa ulukum.

1Tesaloniki 3:8

Aski kan mədasam madaramə vi məsənka munokum tat adəv wəsap də Ɗəfdaya.

Ibriɗe 2:1

Vi vaski, say məzi gən zəm aza goŋga an məs məpprəməŋka, vi mədawza ki tive ɓa.

Yakob 5:17

Məɗumon wənna Eliyas, ɗəffan laŋka, ɗəffi va mənamə, akamanək Maŋgəlva zən sok sok də makran taka, vi buwən adaw zi ɓa, agəɗək wəsva hoku də mani, buwən də zi ɓa.

2Yohanna 1:4

Makraw neki sawɓa vi kirtuk tahəŋ wəsbanən goŋga, va dawka məs mətaf səza Affəni.

Zuda 1:3

Bayneŋgiɗwa, nəgayək də wənna əver sukum ɗerewel aka wənna əkoh məs məsap akani, amma nulaka nəsokuk zu əver sukum kakaŋka, vi kasɓokum adəv əgay məs mədawgay vi ətaf məs Maŋgəlva apsəm təl taka məkki viyit ɗii nan pakə.